1 Jâŋ 4:18 - Nouveau Testament en Ngienboum

¹⁸ Nkwòŋe vɔg tà ńgwɔ́ ssé, ecÿɔ’ mag. Nkwòŋe lɔɔn ńgwɔ́ tà tsɔ́ mmó té mǒ zág, é pyága lecÿɔ’, nyìŋ gwaa cÿɔ̀’, mbà à fʉ̌a nò tà ne ḿbɔ́gɔ. Pú’u la, nyìŋ lɔɔn ńcÿɔ’, mbà á lɔgɔ ńgwɔ́ ngie ammó nyé ńzága ná nkwòŋe gie à gẅiin.

1 Jâŋ 4:18 ပူးပေါင်းရင်းမြစ်များ

Matio 9:34

Tá’ pà *farisay gɔɔn yɔ́b ngie: Tándá *messé tepòŋ zɔ gÿo tá Yěsô ku’u léjwoŋ *messé tepòŋ

Roma 8:15

A Zẅìge gie mé la ńnéŋe ná pi, zɔɔn tè Zẅìge gie á ge gÿo pi gíŋe ńgwɔ́ pɔ́ menkwɔɔn pie pɔ́ ge ne cÿɔ’ɔ cÿɔ’ wɔ́. Á gwɔ́ pɔ́ Zẅìge gie á ge gÿo pi cʉ́’ púɔ Ssé. Pege piŋ ńzẅɛ́’ɛ yɛ̌ Zẅìge, ńtóŋo yé lê Abba; á gwɔ́ ngie Tɔ̌ɔnmé.

2 Timote 1:7

A Zẅìge gie Ssé ka zɔɔn ńná né pege á té gie á gÿo pege nẅíin nẅǐin wɔ́. Tà ńcʉ́’ pú’u, mbà Zẅìge yé néŋ pɔ́ metʉ̀ ná pege tɛ’, ńgÿo pege kwoŋ pʉ̀a mesoŋ tɛ’, ḿbiŋ ńkú’te mbùm yege mboŋó.

Heber 12:28

Pá’ pege ge lá’ gwɔ́ tsɛ̀ɛ nò lefùɔ sie à lɔɔn ńgwɔ́ tsɔ́ mmó le nʉ’te é zóŋe wɔ́ la, pege síe Ssé, éfa’a mbwo yé nà ntí gie à ne ńkwoŋo, ńná nnɛ́ ssé, ḿbɔ́gɔ yé.

Ŋwà’ne Jâg 2:19

Ɔ̀ ne ńzẅíŋe ngie e Ssé, ee yémɔ’ɔ́, oon áa mbòŋ, *messé tepòŋ gíŋe ńne ńzẅíŋe yɔ́b pɔ́ pú’u, tá ḿbiŋe ńne ḿvɛɛ.

1 Jâŋ 4:12

Atsɔ̌ nyìŋ gẅie à lǎ záb lejÿɔ́g nà Ssé à tè wó wɔ́. Tá ńgwɔ́ gie pege lɔɔn ńgẅiin nkwòŋe tsetsɛ̀ɛ pege, mbà pega Ssé lɔgɔ ńgwɔ́, nkwòŋe ye lɔgɔ ńcwoŋo ńgwɔ́ ná pege tà mmó té zága mǒ wɔ́.