1 Jâŋ 4:15 - Nouveau Testament en Ngienboum

¹⁵ Nyìŋ lɔɔn ńzẅíŋ ngie Yěsô aa Míŋ Ssé, mbà Ssé lǎ nnɛ́ nà ngàŋ, angàŋ gíŋe ńda yé nnɛ́ nà Ssé.

1 Jâŋ 4:15 ပူးပေါင်းရင်းမြစ်များ

Matio 10:32

Nyìŋ lɔɔn ńgɔɔn mvfò lá’ ngie: Mèŋ n ge nyìŋ Yěsô. Mbà mèŋ n ge lá’ gɔɔn yɔ́ɔn mvfò Tá wɔ̀ɔn gẅie aa tÿǒ lepwó ngie: Nyìŋ wɛ̂ aa wɔ̀ɔn nyìŋ.

Lukase 12:8

Tà mèŋ n gíŋe shwóŋó gẅi yɔɔn nò, nyìŋ tyé mvfò lá’ ńgɔɔn ngie: Mèŋ, n gee nyìŋ Yěsô, mbà *Míŋ Nyìŋ ge lá’ gíŋe tyé yé mvfò *mecÿɔ́’ Ssé é gɔɔn ngie: Nyìŋ wɛ aa wɔ̀ɔn nyìŋ.

Ŋwà’ne Jâŋ 6:56

Nyìŋ pfɛ́ mbab nnɛ́ yɔ̀ɔn, ńnú metse mɔ́ɔn, mbà à temté ná mèŋ, mèŋ n temte ná yé.

Megàŋ ntúm 8:37

[Filib gɔɔn ngie: Ɔ̀ lɔɔn ḿbú ńzáb ntʉ́m ɔ́ ná Yěsô Kristo, mbà tsɔ́ mmó té ge taté gú wɔ́. Nyìŋ Etiopia wa tsɔ́’ ngie: N zẅǐŋ ngie Yěsô Kristo aa Míŋ Ssé,]

Roma 10:9

Á lɔgɔ ńgwɔ́ ngie ɔ̀ lɔɔn ńtyé mvfò lá’, éshʉa shʉa ńtsɔ́’ ncwò gú ńgɔɔn ngie Yěsô aa Cʉ̀apʉ̀a, ńgwɔ́ tsɛ̀ɛ ntʉ́m gù ńne ńzẅíŋe ngie e Ssé la gÿo á zíme ná legwé, mbà e Ssé ge gÿo gÿo ɔ̀ tsẅɛ́.

Filipo 2:11

Á piŋ ne ńzɛ́te ngie mbàa wɔ̌wɔ́ɔ sá’ ngie Yěsô Kristo aa Cʉ̀apʉ̀a. Mé ge gɔ́ɔn pú’u, é lɔg ná mekù’ á mbwo Ssé Tá.

1 Jâŋ 2:23

Nyìŋ lɔɔn ńdʉ’ʉ lézẅíŋe nò Múɔ, mbà à lʉ’ʉ lézẅíŋe nò Tá wege, nyìŋ gẅie à zẅiŋé nò Mùɔ, à giŋé ńzẅíŋe ye Tá wege.

1 Jâŋ 2:24

Áa mmó gie á gÿo mèŋ n gɔɔn mbwo pi ngie pi kú’te shwóŋè gie pi la jú’ tà fó nzyeté kwà’ mboŋó. Ashwóŋè gie pi la jú’ tà fó nzyeté lɔɔn ńgwɔ́ tsɛ̀ɛ ntʉ́m gẅí, mbà pi gí ge temte ná Múɔ mbɔɔ ná Tá.

1 Jâŋ 3:23

*Lepʉ̌ sé ŋwɛ́, e sɔɔn ńgwɔ́ ngie: Pege záb ntʉ́m ná Míŋ we Kristo, ḿbiŋ ńgẅiin nkwòŋe tsetsɛ̀ɛ pege, ée *lepʉ̌ sie Yěsô la záb ngie pege giŋe mǒ.

1 Jâŋ 3:24

Nyìŋ gẅie à kú’te mbʉ̌ Ssé, à ké ńda nnɛ́ nà Ssé la, e Ssé la nnɛ́ ná yé. Pege fó nà Zẅìge Ndʉalʉ̌a gie Ssé nǎ mbwo pege, ńzsé ngie e Ssé la nnɛ́ ná pege.

1 Jâŋ 4:12

Atsɔ̌ nyìŋ gẅie à lǎ záb lejÿɔ́g nà Ssé à tè wó wɔ́. Tá ńgwɔ́ gie pege lɔɔn ńgẅiin nkwòŋe tsetsɛ̀ɛ pege, mbà pega Ssé lɔgɔ ńgwɔ́, nkwòŋe ye lɔgɔ ńcwoŋo ńgwɔ́ ná pege tà mmó té zága mǒ wɔ́.

1 Jâŋ 4:2

Ammó gie pi ge lɔg zsé Zẅìge gie á fóo mbwo Ssé à yɔɔn. Nyìŋ lɔɔn ńzẅíŋ ngie Yěsô Kristo la sele ńcʉ́’ʉ kwà’ nyìŋ mesoŋ, mbà ngàŋ gẅiin Zẅìge gie á fóo mbwo Ssé.

1 Jâŋ 5:1

Nyìŋ gẅie à zẅǐŋ ngie Yěsô aa *Nzà’nkÿo, aa míŋ Ssé. Nyìŋ gẅie à kwoŋ Ssé Tá, à giŋé ńkwoŋ mbɔɔ púɔ Ssé.

1 Jâŋ 5:5

Ńgwɔ́ wɔ̌ zɔɔn ńtʉ ńcʉa njÿó? À gwɔ̌ pɔ́ ndà’ nyìŋ gẅie à zẅǐŋ ngie Yěsô aa Míŋ Ssé?

2 Jâŋ 1:7

Pàcÿɔ nò kéen sa njÿó tà ńgyɔ́ɔn. Pɔ́ té ńne ńzẅíŋe ngie Yěsô Kristo la kwà’ sele ńcʉ́’ʉ nyìŋ mesoŋ wɔ́, pɔ́ ée kwà’ megàŋa cÿɔ̌ nò, ńgwɔ́ megàŋ mbù Kristo.