1 Jâŋ 4:10 - Nouveau Testament en Ngienboum

¹⁰ Nkwòŋe léen ńgwɔ́ pɔ́ pá’ɔɔn, pege zɔ la tè kwoŋ Ssé wɔ́, yé zɔ la kwoŋo wégè. À la kwoŋo wégè kwoŋ tà ńtúmo Míŋ we, á tó ńdɔgɔ twó yé ńnuŋe pwɔ́’ ńtí wégè, áa mmo gie á gÿo Ssé lege menò tepòŋ mégè.

1 Jâŋ 4:10 ပူးပေါင်းရင်းမြစ်များ

Ŋwà’ne Jâŋ 13:34

Mèŋ n ge ná *lepʉ̌ se sẅé né pi, e gwɔ́ ngie: Pi kwoŋe pi né pi. Pá’ mèŋ n da kwoŋo gẅi lá, pi gí kwoŋe pi né pi.

Ŋwà’ne Jâŋ 15:16

Pi zɔ la tè tsɔ́’ɔ wɔ̀ɔn mɔ́, mèŋ n zɔ la tsɔ́’ɔ gẅí, ńtúmo gẅi ngie pi gʉa fa’a fà’ yɔ́ɔn. Ammó gie pi gÿǒ lá’a ńgwɔ́ pɔ́ wó, á le cʉa sẅɛɛ wɔ́. À cʉa pú’u, ńgwɔ́ gie pi lɔɔn ńdɔg lezíŋ sɔ́ɔn ńdúɔ pɔ́ kɔ́ mbwo Tá wɔ́, mbà à ge náa mbwo pi.

Ŋwà’ne Jâŋ 3:16

Á nue ntí gie e Ssé la lɔg ńkwoŋ njÿó pú’u la gwɔ́ tà á náa Míŋ we wémɔ’ɔ́, légwɔ́ gie wɛ̌ nyìŋ wɔ́ gẅie à zǎb ntʉ́m wé ná Míŋ we ŋwɛ́, à tě ńdá’a ńkaa ndòon tèmì wɔ́, à ge lá’ gẅiin le gwɔ́ tèmì.

Ŋwà’ne Jâŋ 6:51

Mèŋ máŋwɛ́, mèŋ n gee mmó léjÿó gie á ku’u légÿo mé gwɔ́ wó, á gie á fóo tÿǒ lépwó sẅɛ́’ɛ. Nyìŋ lɔɔn ńjÿó yɛ̌ mmó léjÿó, mbà à ge lá’a gwɔ́ pɔ́ wó mengù’u mengù’. Yɛ̌ mmó léjÿó gie mèŋ n ge ná, ee mbab nnɛ́ yɔ̀ɔn. Mèŋ n ge ná tá à cʉa pú’u, epʉ̀a mesoŋ tsɛ̀ɛ njÿó e gwɔ́ wó.

Heber 2:17

Á laa pú’u, ńne ńzɛ́te ngie à gʉa nà kɔ̀ɔkɔ́ɔ ḿbú ńgwɔ́ yé pɔ́ pá’ mefɛ́ pé, à cʉa pú’u, à gwɔ́ *nùŋe pwɔ́’ we lÿò gẅie à neŋé ńtsɔ́ɔn mezìŋe pʉ̀a, ńzsé yé pɔ́ ndà’ léfa’a mbwo Ssé, légwɔ́ gie à ge gÿo e Ssé lege mefʉa pʉ̀a mesoŋ.

1 Piɛ 2:24

Kwà’ yé Kristo la kaa menò tepòŋ mégè ńnéŋe soŋ nnɛ́ yé, á fʉ̀’ gie mé la kime yé nà tÿǒ nkǐ. À la gÿo pú’u, légwɔ́ gie pege ge cʉ́’ gwɔ́ mbwo nò tepòŋ, é gwɔ́ pɔ́ mepfó, é lêen ké ku’u légÿo mmó gie áa ndʉŋ ndʉŋ mvfò Ssé. Pi la zẅɛ́’ pɔ́ mefʉ̌ŋ mé tá ńzeŋe.

1 Piɛ 3:18

Kristo la zɔɔn ńgyá yé ngɔ́’ tà ńkwé lélɔg ńzyɛ́b menò tepòŋ pʉ̀a mesoŋ, ńké ńkwé ndà’ tà’ legʉ̀a, á ku’. Yé tè fʉa kwé ńtí ngàŋ mefʉa, pú’u, lélɔgɔ gẅi ńtóo mvfò Ssé. Mé la zẅé mbab nnɛ́ ye, tá Zẅìge Ndʉalʉ̌a gÿo á gíŋe ńgwɔ́ wó.

1 Jâŋ 2:2

À la zɔɔn ńdɔgɔ twó yé, ńnuŋe pwɔ́’ pá’ à lɔɔn ńgwɔ́ e Ssé lege menò tepòŋ mégè. Pá’ à lɔɔn ńgwɔ́ á le lege pɔ́ ndà’ mégè wɔ́, pá’ ńgwɔ́ á gíŋe ńdege me pʉ̀a mesoŋ ntsèm tsɛ̀ɛ njÿó.

1 Jâŋ 3:1

Pi gyá pá’ Tá wege kwoŋo wégè kwoŋ tà ńtóŋo wégè lê púɔ pé, éshwóŋó nò pege gwɔ́ pɛ̌. Tá pʉ̀a njÿó té wégè zsé, á nue pɔ́ la tè zsé nyìŋ gẅie e Ssé ee yé wɔ́.

1 Jâŋ 4:19

Á gʉa ná peg, peg kwoŋo nyìŋ mesoŋ, á gwɔ́, mélà’mie e Ssé la vɔg ńkwoŋo wég.

1 Jâŋ 5:11

Ammó gie e Ssé la gɔɔn nà nò Míŋ we, à yɔɔn ńgwɔ́ ngie: Yé Ssé la náa le gwɔ́ tèmì mbwo pege, wɛ̌ le gwɔ́ á fóo ná Míŋ we.