1 Jâŋ 4:1 - Nouveau Testament en Ngienboum

¹ Meshǔ pɔ́ɔn pe tʉ̀ nzẅìŋ, tà pi jú’ nyìŋ gɔɔn ngie Zẅìge Ndʉalʉ̌a áa ná yé, pi gwóon ńzẅíŋ zẅíŋ, té cwoŋo ńdíe ka áa kwà’ Zẅìge Ssé wɔ́. Á nue pà *ntsẅì nkʉ̀ Ssé pe cÿɔ̌ nò pǔ ńgyɔ́ɔn tsɛ̀ɛ njÿó tɛ’.

1 Jâŋ 4:1 ပူးပေါင်းရင်းမြစ်များ

Malékuse 13:21

Pú’u la, nyìŋ ké ńdá’ ńgɔɔn né pi ngie gyá, à *Nzà’nkÿo wɔɔn jʉ’ɔɔn, kà ngie gyá, à gẅi jʉ’e wɔ́, pi pɔ́ɔn lézẅíŋ.

Lukase 12:57

Mélà’a kɔ́ pi tè zsé légyá mmó gie mé lɔɔn ńgÿo á gwɔ́ mbòŋ wɔ́?

Lukase 21:8

Á tsɔ́’ ngie: Pi laga twó gí, ḿbɔ́ɔn nyìŋ léfʉʉ gẅí. Á nue pʉ̀a tà ńgyɔ́ɔn ge gÿo tÿɔ́g lezíŋ sɔ́ɔn mvfò, wɔ̌wɔ́ɔ ná pɔ́b wɔ́ gɔɔn ngie aa *Nzà’nkÿo, afʉ̀’ ku’ú. Pɔ́ lɔɔn ńgɔɔn pú’u, tà pi mɔ́ɔn tà ńcʉ́me nzèm pɔ́b.

Megàŋ ntúm 17:11

Pà Yuda pie ée nà yɛ̌ tÿǒsoŋ gẅiin ntʉ́m mbòŋo ńcʉa pie ée Tesalonika. Pɔ́ zẅí’te shwóŋè Pɔl pɔ́ Silas lê ntʉ́m mbòŋo, ńgwɔ́ lyɛ̌’ ntsèm, ńne ńtóŋo ŋwà’ne Ssé, ńtuu nò ńnáa mǒ, éfa’a lézsé ka nò gie pɔ́ shwóŋó wɔ́b, áa pú’u wɔ́.

Megàŋ ntúm 20:29

N zsé ngie mèŋ n ge gwɔ́ tá gʉa, menɔ̀ɔn ngẅi kúu nà nùɔ *njʉ̀njÿò yɔ́ɔn, ńzába nò.

1 Korento 12:10

Á tóo nà tsɔ́ nyìŋ yé fù’ gie à lɔg ńcÿó gem ngàŋ á gwɔ́ ngàŋ légÿo menò mmɔɔn mmɔɔn, ńtóo nà wetsɔ̌ ńcÿó gem yé á gwɔ́ létsẅi nkʉ̀ gẅie é fóo mbwo Ssé, ńtóo nà wetsɔ̌ ńcÿó geme yé á zsé mmó gie á fóo mbwo Zẅìge Ndʉalʉ̌a mbɔɔ gie á fóo mbwo *messé tepòŋ, ńgʉa ná wetsɔ̌ ńcÿó gem yé á shwóŋe meshwóŋè mie à laa zí’i, ńgʉa ná wetsɔ̌ ńcÿó gem yé á zsé shÿó lélɔg ńkyagte mɛ̌ meshwóŋè.

1 Korento 14:29

Á gʉa nà letsẅi nkʉ̀ gẅie é fóo mbwo Ssé, epʉ̀a mépʉ́a kà métá wɔ́, pɔ́ gɔɔn nò, petsɔ́ pʉ̀a sáŋa nò ńnáa nà nò gie pɔ́ gɔ̌ɔn.

1 Tesalonika 5:20

Tà pi gwága shwóŋè pʉ̀a pie pɔ́ ńnéŋe ńtsẅi nkʉ̀ gẅie é fóo mbwo Ssé,

1 Tesalonika 5:21

ńgʉa nà kɔ́ wɔ́, ńtsa’ ḿbí pɔ́ ye mbòŋo,

2 Tesalonika 2:2

Tà pi jú’ pá’ etsɔ́ pʉ̀a ne ńgɔɔn ngie lyɛ’ɛ́ lá’ Cʉ̀apʉ̀a tǒ, ḿvege vege. Tà pi pɔ́g. Tà mbɔɔ pá’ nyìŋ gẅie à neŋé ńtsẅi nkʉ̀ gẅie é fóo mbwo Ssé zɔ lɔɔn ńgɔɔn, tà fó ńgwɔ́ gie pi jǔ’ pɔ́ mbwo nyìŋ gẅie à ne shwóŋó nò Ssé, kà mé fó shwóŋó gẅi pɔ́ ngie mèŋ n zɔ ŋwe’é pú’u wɔ́, tà pi zẅíŋ.

1 Timote 4:1

A Zẅìge Ndʉalʉ̌a ne ńnyɛte ńgɔɔn ngie: Tsɔ́ pʉ̀a ge lá’a nà melyɛ’ɛ́ lá’ nzsònzèm pɔ́ le gíŋe ńzáb ntʉ́m nà nò gie pege ne ńzába ntʉ́m mǒ lɔɔn wɔ́, legyè sɔ́b cʉ́’ ńtyé pɔ́ nà *messé tepòŋ mie é fʉte pʉ̀a, ńtʉʉ lelÿò ńtyé pɔ́ nà menò mie *messé tepòŋ zí’i pʉ̀a.

2 Timote 3:13

Tá’ n gɔɔn pá’ɔɔn pʉ̀a tepòŋ pâ ngàŋa fʉte ge gÿo lɔgɔ nò tepòŋ é kẅi’i gʉa pɔ́ lê mvfò, é ne fʉte pʉ̀a, pɔ́ gíŋe ne fʉte wɔ́b yɔ́b.

2 Piɛ 2:1

Pà *ntsẅì nkʉ̀ Ssé pe cÿɔ̌ nò laa tsɔ́ fʉ̀’ ńgwɔ́ tsetsɛ̀ɛ pʉ̀a Israel, áa ndʉŋ ndʉŋ pá’ pà zí’i pʉ̀a nò Ssé pe cÿɔ̌ nò ge gÿo kẅɛte tsetsɛ̀ɛ pi. Pɔ́ ge gÿo lɔg pɔ́ ndɔ́ɔn ndɔ́ɔn é zí’i pʉ̀a cÿɔ̌ nò, é gwɔ́ gẅie ńgwɔ́ é cʉ́ŋte letʉ́m pʉ̀a, é gwɔ́ gwɔ́ tà moŋe Ndè gẅie à la gÿo pɔ́ tsẅɛ́, é gÿo pú’u, lɔg shwoŋ ngʉ̀ngʉ̀ gie e ge pyága wɔ́b, e ké le líi létó wɔ́.

1 Jâŋ 2:18

Penkʉ́ pɔ́ɔn, afʉ̀’ʉ nzsònzèm ne ńku’u. Pi la jú’ mé gɔɔn ngie, angàŋ mbù Kristo ge lá’ tó. Áa fʉ̀’ɔɔn, mbà megàŋ mbù Kristo kěen ńtó tà ńgyɔ́ɔn gyɔ́ɔn. Áa mmó gie á gÿǒ pege zsé ngie à fʉ̀’ʉ nzsònzèm ne ńku’u.

1 Jâŋ 2:7

Meshǔ pɔ́ɔn pe tʉ̀ nzẅìŋ, sɔɔn té gwɔ́ pɔ́ *lepʉ̌ sẅé sie mèŋ n ŋwe’e fʉ̀’ɔɔn ńnáa né pi wɔ́, à gwɔ́ pɔ́ nzẅìŋe *lepʉ̌ gẅie pi ne ńzsé tà fó nzyeté, wɛ̌ nzẅìŋe *lepʉ̌ à gwɔ́ pɔ́ shwóŋè gie pi la jú’.

2 Jâŋ 1:7

Pàcÿɔ nò kéen sa njÿó tà ńgyɔ́ɔn. Pɔ́ té ńne ńzẅíŋe ngie Yěsô Kristo la kwà’ sele ńcʉ́’ʉ nyìŋ mesoŋ wɔ́, pɔ́ ée kwà’ megàŋa cÿɔ̌ nò, ńgwɔ́ megàŋ mbù Kristo.

3 Jâŋ 1:11

Ashǔ wɔ̀ɔn we tʉ̀ nzẅìŋ, pɔ́ɔn lépí fʉ̀’ nò tepòŋ, pí pɔ́ fʉ̀’ nò mbòŋo. Nyìŋ gẅie à gÿo nò mbòŋo aa Míŋ Ssé, nyìŋ gẅie à gÿo nò tepòŋ à tè Ssé zsé,

Ŋwà’ne Ngyà jʉ’ 2:2

Mèŋ n ne ńzsé mefà’ mí, ńne ńzsé gẅi letéŋe zì’i, ńzsé pá’ pi kag tʉ̀ pú’u, ńzsé pá’ pi tè kwoŋo légwɔ́ gie pia pʉ̀a pie é gẅiin ssé ntʉ́m e teme kwò wɔ́, ńne ńzsé pá’ pi kéen ńdʉŋte pʉ̀a pie pɔ́ gɔɔn ngie pɔ́ ée megàŋ ntúm Yěsô tá ńgwɔ́ pɔ́ pà gwaa ńkú, tà ńzsé ngie pɔ́ gwɔ́ pɔ́ megàŋa cÿɔ̌ nò.