1 Jâŋ 3:7 - Nouveau Testament en Ngienboum

⁷ Penkʉ́ pɔ́ɔn, ḿbɔ́ɔn nyìŋ légÿo pi fʉa mánzsè. Nyìŋ lɔɔn ńgÿo mmó gie áa ndʉŋ ndʉŋ mvfò Ssé, mbà ngàŋ lɔgɔ ńgÿo yé pá’ Yěsô Kristo. À gÿo mmó gie áa ndʉŋ ndʉŋ mvfò Ssé.

1 Jâŋ 3:7 ပူးပေါင်းရင်းမြစ်များ

Matio 5:20

!Áa yɛ̌ tá mèŋ n gɔɔn né pi ngie: Pi lɔɔn té kú’te *lepʉ̌ mbòŋo ńtɔ́g *pàkyagte lepʉ̌ Mǒsê lâ pà *farisay wɔ́, mbà pi tě ńdá’a ńkúu ná nò *lefùɔ Ssé wɔ́.

Lukase 1:75

Pɔ́ cʉ́’ pʉ̀a pɔ́ɔn, é gÿo pɔ́ wɔɔn lékwoŋ nà mengwòŋ melyɛ̌’ɛ lá’ mɔ́b ndùmo Ssé tsetsá’.

Megàŋ ntúm 10:35

Nyìŋ lɔɔn ńgÿo mekù’ Ssé, ńgíŋ ńgÿo mmó gie e Ssé ne ńkwoŋo, ńgwɔ́ pɔ́ nyìŋ yɛ̌ lá’ gwɔ́, mbà nò yé ge poŋ Ssé poŋ.

Roma 2:13

Á nue nyìŋ zɔɔn tè jú’ *lepʉ̌ Ssé jǔ’ ndà’ ńcʉ́’ʉ nyìŋ gẅie aa mvfò Ssé ńgwɔ́ ndʉŋ ndʉŋ wɔ́. Nyìŋ jǔ’ ḿbiŋ ńgÿo pá’ é zɛ́te tá ńcʉ́’ʉ wɛ̌ nyìŋ.

1 Korento 6:9

Pi tè ne ńzsé ngie pʉ̀a pie pɔ́ gẅiin mà tepòŋ pɔ́ téen ńdá’a ńgẅiin yɔ́b jʉ’ tsɛ̀ɛ nò *lefùɔ Ssé wɔ́ ka? N gɔɔn pʉ̀a pá’ pie pɔ́ pumte wɔ̌wɔ́ɔ pâ pɔ̌ nuŋe nuŋe, mbɔɔ pʉ̀a pie é gu’te shúm ngie ee messé, mbɔɔ mbàŋa lâ pànzwě pie pɔ́ gÿo gÿɛ́, mbɔɔ pàgÿo menò sẅile sẅile, mbɔɔ mbàŋa gie é sele ńgÿo nò mámbàŋa pɔ́ manzwě tsetsɛ̀ɛ pɔ́b kà pànzwě wɔ́, mbɔɔ metsǒŋ, là pàkwoŋ nkáb tɛ’, lâ mepʉ̀a melù’, lâ pàshwóŋó tepòŋ nà mezíŋ pʉ̀a, lâ pàgwoon ńkẅé, ndyɛ̌’ pi fʉte mbùm gi nà mɔɔn menò ka, pɛ̌ pʉ̀a pɔ́ téen ńdá’a ńkúu nà nò *lefùɔ Ssé wɔ́.

Efeso 5:6

Tà nyìŋ lɔgɔ púu shwóŋè, éfʉʉ gẅí. Menò mie mé tʉ́ʉ lɔɔn zɔɔn ńgÿo Ssé gyáŋa lóŋ ńtí pʉ̀a pie pɔ́ té gÿo mmó gie à ne ńkwoŋo wɔ́.

Efeso 5:9

Mèŋ n gɔɔn pú’u, mélà’mie, apì légwɔ́ jʉ’e fɔ̌g aa legÿo menò mbòŋo, ńgÿo menò mie ée mvfò Ssé ńgwɔ́ ndʉŋ ndʉŋ, ńnéŋe tsɛ̀ɛ nò nénʉ́.

Filipo 1:11

Yěsô ge gÿo pi ké ne fa’a pɔ́ mefà’ mbòŋo, ńzsé ngie pʉ̀a ge ne gyá, é gu’te Ssé, é gé’e lezíŋ sé.

Heber 1:8

Tá ńké ńgʉa ná míŋ we, á gɔɔn ngie: Gù Ssé, à lʉŋe lefùɔ jú áa lá’a gwɔ́ pɔ́ wó. MÀbɔ́ɔnte ngie: Ntí gie ɔ̀ ne ńdɔgɔ sá’a lá’ jú ee ndʉŋ ndʉŋ.

Heber 7:2

Á gabte shúm sie à lɔ̌g fóo ncù nzsè legém, ńnáa tà’ nzsè né yé. Lezíŋ Melekisedeg é zɔɔn ńdɔgɔ ńgɔɔn ngie: «Fùɔ nò gie á tyé ndʉŋ ndʉŋ», à gǐŋ ńgwɔ́ fùɔ pʉ̀a Salem pú’u, ńdɔgɔ ńgwɔ́ fùɔ mbʉ́lè.

Ŋwà’ne Jâg 1:22

Tà pi gwɔ́ pàjú’u shwóŋè Ssé jú’ ndà’, pi gÿo mmó gie shwóŋè ŋwɛ́ gɔɔn ngie pi gÿo. Tà á té pú’u wɔ́, mbà pi sele fʉte mennɛ́ mí.

Ŋwà’ne Jâg 2:19

Ɔ̀ ne ńzẅíŋe ngie e Ssé, ee yémɔ’ɔ́, oon áa mbòŋ, *messé tepòŋ gíŋe ńne ńzẅíŋe yɔ́b pɔ́ pú’u, tá ḿbiŋe ńne ḿvɛɛ.

1 Piɛ 2:24

Kwà’ yé Kristo la kaa menò tepòŋ mégè ńnéŋe soŋ nnɛ́ yé, á fʉ̀’ gie mé la kime yé nà tÿǒ nkǐ. À la gÿo pú’u, légwɔ́ gie pege ge cʉ́’ gwɔ́ mbwo nò tepòŋ, é gwɔ́ pɔ́ mepfó, é lêen ké ku’u légÿo mmó gie áa ndʉŋ ndʉŋ mvfò Ssé. Pi la zẅɛ́’ pɔ́ mefʉ̌ŋ mé tá ńzeŋe.

1 Jâŋ 2:1

Epúɔ mémá pɔ́ɔn, mèŋ n ŋwe’e mɔɔn menò légwɔ́ gie pi ge gẅiin shÿó tà pi le gÿo nò tepòŋ wɔ́. Tá ńgwɔ́ gie nyìŋ gÿo nò tepòŋ, mbà pege gẅiin wege nyìŋ lejʉ́ŋ Tá, á gwɔ́ Yěsô Kristo, yé gẅie aa ndʉŋ ndʉŋ mvfò Ssé.

1 Jâŋ 2:26

Yɔɔn áa mmó gie n kě ne fa’a léshwóŋó gẅí, ńtí pʉ̀a pie é fa’a léfʉte gẅi pi fʉa mánzsè,

1 Jâŋ 2:29

Pi ne ńzsé ngie Kristo gÿo mmó gie áa ndʉŋ ndʉŋ mvfò Ssé, pú’u la pi gíŋe ńzsé ngie nyìŋ lɔɔn ńgÿo mmó gie áa ndʉŋ ndʉŋ mvfò Ssé, mbà à ge cʉ́’ʉ míŋ Ssé.

1 Jâŋ 3:18

Penkʉ́ pɔ́ɔn, tà pege lɔg pɔ́ ndà’ ncwò ńgɔɔn né nyìŋ ngie pege kwoŋo yé. Tà é ké ńgwɔ́ pɔ́ nkwòŋe mekùb ncwò. Pege lɔg pɔ́ mmó gie pege gÿǒ, tá à gwɔ́ nò ngie pege ne ńkwoŋo yé.

1 Jâŋ 3:3

Awɔ̌wɔ́ɔ gẅie à neŋé ne ńzẅí’te ngie Kristo gÿo yɔɔn nò, à ńnéŋe ḿbɔ́ɔn pá’ ńgwɔ́ *lɔ̌’ gwɔ́ ná yé, á nue Kristo aa tè *lɔ̌’.

1 Jâŋ 4:17

Pege lɔɔn ńgẅiin nkwòŋe ntʉ́m pege tà tsɔ́ mmó té mǒ zág, pege é le kwaŋte lyɛ’ɛ́ létsɔ́’te mentsaŋ ntʉ́m wégè vɛ wɔ́. Pú’u, mélà’mie wege leńnéŋe tsɛ̀ɛ njÿó yɔɔn aa pá’ we Yěsô Kristo.