1 Jâŋ 3:5 - Nouveau Testament en Ngienboum

⁵ Pi ne ńzsé ngie Yěsô Kristo la tó lézyɛ́b menò tepòŋ, atsɔ́ nò tepòŋ piŋ ńké tè ná yé wɔ́.

1 Jâŋ 3:5 ပူးပေါင်းရင်းမြစ်များ

Matio 1:21

À ge táa zyé múɔ mbàŋa, ɔ̀ tsẅi lezíŋ sé lê Yěsô, ńdɔgɔ ńgɔɔn ngie: Ssé ge gÿo mé tsẅɛ́, é tóŋo yé pú’u, mélà’mie yé zɔ ge gÿo pʉ̀a lá’ pɔ́b tsẅɛ́ ndòon menò tepòŋ mɔ́b

Lukase 23:41

Pɔgɔ kwé menò mɔ́gɔ. Tá ńgʉa ná yé, mbà à kaa tsɔ́ nò fʉa.

Lukase 23:47

Tá ndá pàlÿɔ́’ ncù pà *Roma jʉ’ó la pú ńgyá kɔ̀ɔkɔ́ɔ wɔ́ gie á pǔ ńcʉa, tà ye mbÿɛ̌ gwɔ́ le gɔɔn ngie: Nyìŋ wɔɔn kaa tèfʉa. Ashwóŋè yé ŋwɛ́ ná mekù’ mbwo Ssé.

Ŋwà’ne Jâŋ 1:29

Njÿó gÿo ńdʉ́a, Jâŋ gyá Yěsô ne ńtóo, á gɔɔn ngie: Wɔɔn aa Mûɔ *Njʉ̀njÿò gẅie Ssé lɔgɔ sẅɛ’ɛ ndòon menò mie pʉ̀a la gÿo.

Ŋwà’ne Jâŋ 1:31

Kwà’ mèŋ n da tè ne ńzsé nyìŋ gẅie à ge gÿo gwɔ́ wɛ̌ wɔ́. Tá mèŋ n ka tǒ yɔ́ɔn, ńne ńnu’u pʉ̀a ntse lélɔg ńgÿo pà Israel zsé yé.

Ŋwà’ne Jâŋ 14:30

Tà fó fʉ̀’ɔɔn pege tè gíŋe ńgee shwóŋe wɔ́. Á nue fùɔ gẅie à sá’a yɔɔn njÿó ne ńtóo. À tè gẅiin shÿó légÿo mmó ná mèŋ wɔ́.

Ŋwà’ne Jâŋ 8:46

Awɔ̌ ná pi lɔɔn ńgwɔ́ á la’te nò tepòŋ gie mèŋ n dǎ gÿo? N dɔɔn ńgwɔ́ gie mèŋ shwóŋó nò nénʉ́, mbà pi piŋ ńké tě ńzẅíŋe wɔ́ mélà’a kɔ́?

2 Korento 5:21

Pá’ ndòon laa twó pege la, e Ssé la kaa menò tepòŋ mégè, ńzába twó Kristo, mbà à la tè tsɔ́ nò tepòŋ gẅiin. À la gÿo pú’u, pá’ pege ge lɔgɔ léla nnɛ́ ná Kristo, é gwɔ́ pʉ̀a pie ée mbwo Ssé ńgwɔ́ ndʉŋ ndʉŋ.

1 Timote 1:15

Yěsô Kristo la tóo tsɛ̀ɛ njÿó légÿo pʉ̀a tepòŋ tsẅɛ́, yɛ̌ nò áa jʉ’ó ńgwɔ́ pú’u, à lɔɔn ńgwɔ́ nyìŋ záb ntʉ́m wé mǒ ntsèm ntsèm. Mèŋ m biŋ ńgwɔ́ tsetsɛ̀ɛ pʉ̀a tepòŋ ńgwɔ́ ndúm.

1 Timote 3:16

Áa nò ngie nò nénʉ́ gie Ssé la gÿo pege zsé, á piŋ ńnyɛɛ wégè pá’ ńgwɔ́ pege giŋe ná mánzsè Ssé, á gú’ tɛ’. Áa ngie: Yé gẅie à la sele ńcʉ́’ʉ nyìŋ mesoŋ, A Zẅìge Ndʉalʉ̌a la nyɛ ngie aa tè *lɔ̌’. *Mecÿɔ́’ Ssé la gyá yé. Pʉ̀a la sá’a nò yé mengwòŋo mengwòŋ, mé záb ntʉ́m ná yé jʉ’ ntsèm tsɛ̀ɛ njÿó. E Ssé la sa’a yé, ńdɔg ńgʉa né tÿǒ lepwó, á jʉ’ʉ legú’.

Titus 2:14

Kwà’ yé à la náa twó yé ńtí wégè, lélɔg cu’u wégè mbwo menò tepòŋ mégè ntsèm. À la nyɛ́te wégè, pege cʉ́’ pʉ̀a pé, ńgwɔ́ pà tè *lɔ̌’, ńcʉ́’ ńnéŋe twó ńgÿo pɔ́ shúm sie ée mbòŋ.

Heber 1:3

Mé fó pɔ́ ná múɔ wɔ̀ɔn tá ńgyá pá’ legú’ Ssé aa tè laa yé pú’u. Á lɔɔn ńgwɔ́ gie e Ssé aa lêkɔ́ wɔ́, mbà míŋ we giŋé ńgwɔ́ yé kwà’ pú’u. Á yé gẅie à lɔg pɔ́ metʉ̀ mie ée nà shwóŋè yé, ńtóonte kɔ̀ɔkɔ́ɔ gie áa tsɛ̀ɛ njÿó ntsèm. À la gwɔ́ tà ńgÿo mmó gie e Ssé ne fóo mǒ ńdege menò tepòŋ pʉ̀a mesoŋ tà á mag, á gʉa nê tÿǒ lepwó, ńnéŋe nà gwoŋó pwó Ssé ye tʉ̀, yé Ssé gẅie à pǔ sá’a kɔ̀ɔkɔ́ɔ.

Heber 4:15

À wege *nùŋe pwɔ́’ we lÿò ŋwɛ́ zɔɔn ḿbú ńzsé ntí gie menò gyá wégè pú’u, menò la gyá yé, nkwà’te mentí mentí kúu yé yé pá’ pege, tá á ké ńdá’ tè tsɔ́ nò fʉa.

Heber 7:26

À lɔgɔ ńgwɔ́ *nùŋe pwɔ́’ we lÿò gẅie á la ne ńzɛ́te mbwo pege. Àa kwà’ Míŋ Ssé, ńgwɔ́ mbú’ nà kɔ̀ɔkɔ́ɔ, ńgwɔ́ té tsɔ́ nò tepòŋ ná ye, pâ pàgÿo menò tepòŋ té tsɔ́ nò tem, mbà Ssé la ńnéŋe yé tàa tÿǒ tà tsɔ́ mmó té gíŋe ńtɔ́gɔ yé ńgwɔ́ tÿǒ wɔ́.

Heber 9:26

Á nue á laa pé’e ńgwɔ́ pú’u, mbà tà fó pá’ e Ssé la nyɛte njÿó, Kristo la gẅiin léńnéŋe ńgyá ngɔ́’, ńkwé ḿbiŋe ńkwé. Tá pege zsé ngie afʉ̀’ la gwɔ́ tà ńku’, á kẅɛ pɔ́ tà’ legʉ̀a, á ku’ pú’u, á lɔgɔ twó mbùm yé ńnuŋe pwɔ́’ lélɔg ḿbyága nò tepòŋ.

Heber 9:28

áa ndʉŋ ndʉŋ pá’ à la gÿo Kristo lɔgɔ twó mbùm ye, ńnuŋe pwɔ́’ pɔ́ tà’ legʉ̀a, lélɔg ńzyɛ́b menò tepòŋ pʉ̀a tà ńgyɔ́ɔn. À ge gÿo gíŋe kẅɛɛ ná mbɔ́ɔntè yépʉ́a. Á le gíŋe ńtóo fʉ̀’ó lézyɛ́b menò tepòŋ pʉ̀a mesoŋ wɔ́. À tóo pú’u, légÿo pʉ̀a pie pɔ́ ne ńzẅí’te yé tsẅɛ́.

1 Piɛ 1:18

Pi zɔɔn ne ńzsé tʉ̀ nzẅìŋ mmó gie e Ssé la ná tá ńdɔg ńkẅile gẅi nà ntí leńnéŋe gie e tè kẅéte, é gie metá pi la zí’i gẅí, yɛ̌ mmó á té pá’ tʉ̌ gɔ̂l kà nkáb wɔ́ gie nzẅìŋ ge fó lyɛ̌’ mag wɔ́.

1 Piɛ 1:20

E Ssé la mvɔg ńtsɔ́’ɔ yé ná yɛ̌ nò, tá ńnyɛte njÿó. À kéen ńgʉa ná yɔɔn fʉ̀’ gie á lɔgɔ ńzsote, ńtÿɔ́gɔ yé mangyɛ̌ ńtí gẅí.

1 Piɛ 2:22

Yé Kristo la tè tsɔ́ nò tepòŋ gÿo, ńké tè shwóŋ cÿɔ̌ nò wɔ́.

1 Piɛ 2:24

Kwà’ yé Kristo la kaa menò tepòŋ mégè ńnéŋe soŋ nnɛ́ yé, á fʉ̀’ gie mé la kime yé nà tÿǒ nkǐ. À la gÿo pú’u, légwɔ́ gie pege ge cʉ́’ gwɔ́ mbwo nò tepòŋ, é gwɔ́ pɔ́ mepfó, é lêen ké ku’u légÿo mmó gie áa ndʉŋ ndʉŋ mvfò Ssé. Pi la zẅɛ́’ pɔ́ mefʉ̌ŋ mé tá ńzeŋe.

1 Piɛ 3:18

Kristo la zɔɔn ńgyá yé ngɔ́’ tà ńkwé lélɔg ńzyɛ́b menò tepòŋ pʉ̀a mesoŋ, ńké ńkwé ndà’ tà’ legʉ̀a, á ku’. Yé tè fʉa kwé ńtí ngàŋ mefʉa, pú’u, lélɔgɔ gẅi ńtóo mvfò Ssé. Mé la zẅé mbab nnɛ́ ye, tá Zẅìge Ndʉalʉ̌a gÿo á gíŋe ńgwɔ́ wó.

1 Jâŋ 1:2

E Ssé la gwɔ́ tà ńtó ńnáa wɛ̌ le gwɔ́ né peg, peg gyá yé, tà peg ee pá’ɔɔn ńgwɔ́ pàjÿò ńgyá, ńne shwóŋó gẅi nò ná le gwɔ́ tèmì gẅie à la fó lejʉ́ŋ Tá ńtó ńnyɛ́ mbùm ye mbwo peg.

1 Jâŋ 1:7

Tá ńké ńgwɔ́ gie pege lɔɔn ne ńgiŋe ná jʉ’e fɔ̌g pá’ yé lê twó yé aa nà jʉ’ʉ fɔ̌g la, mbà pege ge pú gẅiin tà’ ncwò tsetsɛ̀ɛ pege, metse Míŋ we Yěsô leen ńké sɔgɔ wégè ná nò tepòŋ ntsèm.

1 Jâŋ 2:1

Epúɔ mémá pɔ́ɔn, mèŋ n ŋwe’e mɔɔn menò légwɔ́ gie pi ge gẅiin shÿó tà pi le gÿo nò tepòŋ wɔ́. Tá ńgwɔ́ gie nyìŋ gÿo nò tepòŋ, mbà pege gẅiin wege nyìŋ lejʉ́ŋ Tá, á gwɔ́ Yěsô Kristo, yé gẅie aa ndʉŋ ndʉŋ mvfò Ssé.

1 Jâŋ 2:2

À la zɔɔn ńdɔgɔ twó yé, ńnuŋe pwɔ́’ pá’ à lɔɔn ńgwɔ́ e Ssé lege menò tepòŋ mégè. Pá’ à lɔɔn ńgwɔ́ á le lege pɔ́ ndà’ mégè wɔ́, pá’ ńgwɔ́ á gíŋe ńdege me pʉ̀a mesoŋ ntsèm tsɛ̀ɛ njÿó.

1 Jâŋ 2:29

Pi ne ńzsé ngie Kristo gÿo mmó gie áa ndʉŋ ndʉŋ mvfò Ssé, pú’u la pi gíŋe ńzsé ngie nyìŋ lɔɔn ńgÿo mmó gie áa ndʉŋ ndʉŋ mvfò Ssé, mbà à ge cʉ́’ʉ míŋ Ssé.

1 Jâŋ 3:8

Nyìŋ lɔɔn ńké ńnéŋe ńgÿo yé pɔ́ nò tepòŋ, mbà aa nyìŋ Sátà, á nue Sátà aa ngàŋ mefʉa tà fó pɔ́ nzyète ngwòŋ. Míŋ Ssé la zɔɔn ńtó pɔ́ ńgÿo kɔ́? À la tóo ḿbyág mefà’ Sátà.

Ŋwà’ne Ngyà jʉ’ 1:5

Yěsô Kristo gẅie aa njÿò ńgyá we nénʉ́, ńgwɔ́ ndùŋ mvfò múɔ, ńgwɔ́ ndùŋ mvfò nyìŋ gẅie à la kwé ḿbiŋ ńzím, ńgwɔ́ Fùɔ cʉa mefùɔ pie ée ndùmo ssé tsetsá’, á gíŋe ńne ńgwɔ́ né pi, ńgíŋe ńne ńnéŋe sẅétè ntʉ́m pi. Yé Kristo kwoŋo wégè tɛ’, à la lɔg metse mé ńkyɛ́’ nkÿo menò tepòŋ ná pege.