1 Jâŋ 3:4 - Nouveau Testament en Ngienboum

⁴ Nyìŋ lɔɔn ńnéŋe ńgÿo nò tepòŋ, mbà ngàŋ lʉ’ʉ légiŋe ná *lepʉ̌ Ssé, à nue legÿo nò tepòŋ aa lelʉ’ʉ légiŋe ná *lepʉ̌ Ssé.

1 Jâŋ 3:4 ပူးပေါင်းရင်းမြစ်များ

Matio 5:19

Pú’u la, nyìŋ gẅie à gʉ̌a nà mbʉ̌, éfó fʉa pɔ́ tsɔ̌ mùɔ métsẅǐ ḿbiŋ ńzí’i tsɔ́ pʉ̀a légÿo yɔ́b pá’ yé, mé ge lá’ náa yé tàa nzèm tsɛ̀ɛ nò *lefùɔ Ssé. À piŋ ńgʉa ná nyìŋ gẅie à tÿɔgɔ́ kwó mǒ, ḿbiŋ ńzí’i petsɔ́ pʉ̀a légÿo pú’u, mé lá’ ńnáa yé tàa mvfò tsɛ̀ɛ nò *lefùɔ Ssé.

Megàŋ ntúm 23:3

Pɔl lêen ńké ńgɔɔn né yé ngie: E Ssé ge cúa pɔ́ gú mè ngàŋ mepàb. Ɔ̀ wɛ̂ ńnéŋe ssé ne ńdɔgɔ *lepʉ̌ ńŋaga wɔ̀ɔn. Ɔ̀ pǐŋ ńtsẅi ngie mé cúa wɔ̀ɔn. Á ké tè mmó gie *lepʉ̌ ne ńzɛ́te wɔ́.

Roma 3:20

Áa pá’ɔɔn nue nyìŋ tè lá’ lɔg pá’ à gɔɔn ngie à gÿo mmó gie *lepʉ̌ ne ńzɛ́te, étyé mvfò Ssé é gwɔ́ ndʉŋ ndʉŋ wɔ́. Afa’a *lepʉ̌ zɔɔn ńgwɔ́ lényɛ pʉ̀a mesoŋ ngie pɔ́ zsé ngie pɔ́ gyǒ nò tepòŋ.

Roma 4:15

*Lepʉ̌ zɔɔn ńgÿo lóŋ Ssé gyáŋ gyáŋ á nue pʉ̀a té ne ńkú’te wɔ́. Á la gwé’e pé’è *lepʉ̌ té wó wɔ́, mbà pʉ̀a té fʉa *lepʉ̌ pá’ɔɔn wɔ́.

2 Korento 12:21

Mèŋ n giŋé ńne ḿbɔ́gɔ légÿo ńgíŋe ńtó tà ńkúu lá’ pi, e Ssé yɔ̀ɔn gíŋe sẅí’i nzẅìŋ wɔ̀ɔn mvfò pi tà ndyɛ̌’ tsɔ́ n gẅiin lélʉa ńtí pʉ̀a tà ńgyɔɔn pie ée tsetsɛ̀ɛ pi, mbà pɔ́ lɔ́ɔn ńgÿo menò tepòŋ, pɔ́ laa mà wɔ́b kúbe, pɔ́ laa kẅɛɛ nà menò ncÿǒ mɔ́b wɔ́, ńké tè nò mpfwɔ́’ yɔ́b gwá’, ńké ne ńkẅi’i ńgÿo pɔ́ menò tepòŋ ntí ntí té gwoonte mbùm yɔb.

Ŋwà’ne Jâg 5:15

Asẅíŋte gie mé gwaa gÿo, ńzáb ntʉ́m nà Ssé, à gÿo, à zeŋe. Cʉ̀apʉ̀a pʉ’ʉ yé, ńgwɔ́ gie à ka fǒ ńgÿo pɔ́ nò tepòŋ, mbà Ssé ge lege menò tepòŋ mé náa mbwo yé.

1 Jâŋ 5:17

Kɔ̀ɔkɔ́ɔ gie nyìŋ gÿo, tà á gwɔ́ gie Ssé tè ne ńkwoŋo wɔ́, áa nò tepòŋ, ta’ nyìŋ tè gÿo pɔ́ menò tepòŋ ntsèm, éfó mǒ ńkwé kwé wɔ́.