1 Jâŋ 3:3 - Nouveau Testament en Ngienboum

³ Awɔ̌wɔ́ɔ gẅie à neŋé ne ńzẅí’te ngie Kristo gÿo yɔɔn nò, à ńnéŋe ḿbɔ́ɔn pá’ ńgwɔ́ *lɔ̌’ gwɔ́ ná yé, á nue Kristo aa tè *lɔ̌’.

1 Jâŋ 3:3 ပူးပေါင်းရင်းမြစ်များ

Matio 5:48

Pú’u lá, pi gwɔ́ pàtè *lɔ̌’, pá’ Tá gẅi gẅie aa tÿǒ lepwó aa tè *lɔ̌’

Lukase 6:36

Pi tsɔ́ɔn mezìŋe pʉ̀a pá’ Tá gẅi Ssé tsɔ́ɔn mezìŋe mânyìŋ ntsèm.

Ŋwà’ne Jâŋ 17:19

Ńgʉa ná mèŋ, m bǔ ná mbùm yɔ̀ɔn mbwo gù ńtí wɔ́b, ńzsé ngie pɔ́ gee fó nà nò nénʉ́, é cʉ́’ pʉ̀a pú tá shwóŋó nò.

Megàŋ ntúm 15:9

E Ssé la té gÿo tsɔ́ lǎga metuŋ tsetsɛ̀ɛ pega pɔ̌ wɔ́. À la cʉa ná pá’ pɔ́ zǎb ntʉ́m ná Yěsô, ésɔg ntʉ́m wɔ́b.

Roma 15:12

*Ntsẅì nkʉ̀ Ssé Esǎya la ŋwe’e yé ngie: Nyìŋ ná ngẅɛ̀ ndá Jesé ge lá’ tó. É gwɔ́ nyìŋ gẅie à ge sá’ pʉ̀a pie é té pà Yuda wɔ́ Pɔ́ tÿɔ́g nÿɔ́g mɔ́b pɔ́ ná yé, ńne ńzẅí’te ngie à gÿo pɔ́ gwɔ́ wó.

2 Korento 7:1

Mefɛ́ pɔ́ɔn pe ntʉ̀ nzẅìŋ, pá’ e Ssé la ka’ mɔɔn menò á mbwo pege la, á ne ńzɛ́te ngie kwà’ pege lê twó yégè kÿo menò mie é té Ssé poŋ, é mie mé gÿo gÿo, tà mbɔɔ mie mé kwaŋa kwaŋ, ńkẅi’i ńdɔgɔ légwɔ́ tè *lɔ̌’ ńgʉa lê mvfò tà ńcʉ́me, ńgwɔ gwɔ́ ne ḿbɔ́gɔ Ssé.

Kolosia 1:5

Pi gÿo pú’u, nue pi ne ńzẅí’te mmó gie e Ssé la cwoŋte ńzába tÿǒ lepwó ńtí gẅí. Pi ka gwɔ zsé yɛ̌ mmó, éfó nà nò nénʉ́ gie mé ka shwoŋó gẅí, yɛ̌ nò nénʉ́ fóo ná Nkʉ̀ Mbòŋo.

2 Tesalonika 2:16

Tá wege Ssé la kwoŋo wégè, ńdɔgɔ lécÿó gʉm yégè, pege cʉ́’ pʉ̀a pé, ńkẅiŋte wégè ná ntí gie e těen ńdá’a ḿmaga wɔ́, ḿbiŋ ńgÿo pege ńnéŋe ne ńzẅí’te mmó mbòŋo gie à la ka’a mbwo pʉ̀a pé. Pú’u, peg ne ńdúɔ mbwo yé mbɔɔ mbwo Cʉ̀apʉ̀a wege Yěsô Kristo ngie:

Titus 3:7

À la néŋ pá’ɔɔn légwɔ́ gie pege ge lá’ gẅiin le gwɔ́ tèmì gẅie pege neŋé ńne ńzẅí’te. E Ssé ge lá’ ná né pege, mélà’mie à la kwoŋo wégè, ńcÿó gʉm yégè, ńgÿo pege cʉ́’ pʉ̀a pie ée mvfò ye ńgwɔ́ ndʉŋ ndʉŋ.

Heber 12:14

Pi fa’ pá’ pia mânyìŋ ntsèm ge ńnéŋe lê mbʉ́lè. Pi fa’ mbɔɔ pá’ pi ge gÿo mmó gie Ssé tè gyá *lɔ̌’ mǒ wɔ́. Á nue nyìŋ lɔɔn ńgÿo mmó gie e Ssé ge gyá *lɔ̌’ mǒ, ngaŋ lelá’ ńgyá Cʉ̀apʉ̀a wɔ́.

Heber 6:18

Pú’u la, eshúm ée wó sépʉ́a sie à lɔɔn ńgwɔ́ é le kúbe, pá’ e Ssé la ka’a nò mbɔɔ pá’ à la kʉa, é gwɔ́ menò mie á tʉ tà Ssé gɔɔn mé fa’ kékáŋ. Wɛ̌ le gwɔ́ kẅiŋte wég tɛ’, á wég gẅie peg léen ńnyé kɔ̀ɔkɔ́ɔ, nkwaŋá wég cʉ́’ ńtyé pɔ́ nà mmó gie peg zẅí’te mbwo yé.

Heber 7:26

À lɔgɔ ńgwɔ́ *nùŋe pwɔ́’ we lÿò gẅie á la ne ńzɛ́te mbwo pege. Àa kwà’ Míŋ Ssé, ńgwɔ́ mbú’ nà kɔ̀ɔkɔ́ɔ, ńgwɔ́ té tsɔ́ nò tepòŋ ná ye, pâ pàgÿo menò tepòŋ té tsɔ́ nò tem, mbà Ssé la ńnéŋe yé tàa tÿǒ tà tsɔ́ mmó té gíŋe ńtɔ́gɔ yé ńgwɔ́ tÿǒ wɔ́.

Ŋwà’ne Jâg 4:8

Pi sẅɛ’te nnɛ́ nê lejʉ́ŋ Ssé, à sẅɛ’te yé nnɛ́ nê lejʉ́ŋ pi. Pi megàŋ mefʉa, pi sɔg mbwó mí, pà nkwòŋ menÿɔ́g, pi kẅile ncÿǒ tsɛ̀ɛ mentʉ́m mí.

1 Piɛ 1:15

Pi gwɔ́ pɔ́ Ndʉalʉ̌a nà kwò legìŋ gí ntsèm, ndʉŋ ndʉŋ pá’ Ssé gẅie à ka tóŋo gẅi aa Ndʉalʉ̌a la.

1 Piɛ 1:3

Pege síe Ssé Tá pà Cʉ̀apʉ̀a wege Yěsô Kristo. À la tsɔ́ɔn mezìŋe mege, ńgÿo mé zyé wégè lezyé se sẅé, ńcʉa ná Yěsô Kristo gẅie à la zíme nà legwé. Á cʉa pú’u, pege ńnéŋe fʉ̀’ ntsèm, ńne ńzẅí’te kwà’ le gwɔ́,

2 Piɛ 1:4

Á la fó pú’u, á ná shúm tʉ̀ nzẅìŋ á mbwo pege, é gwɔ́ sie é kẅéte wégè tɛ’, ńgwɔ́ sie à la ka’, ńnáa pú’u, légwɔ́ gie pege ge cʉa ná sɛ̌ shúm, é ku’u lékÿo menò ncÿǒ mie ée tsɛ̀ɛ yɔɔn njÿó, éfóo ná shúm sie mbùm yege tsóte wégè légÿo, é kÿo pú’u, é cʉ́’ ńgẅiin pɔ́ tsẅé ye yé Ssé.

2 Piɛ 3:14

Meshǔ pɔ́ɔn pe tʉ̀ nzẅìŋ, áa mmó gie á gÿo, pi gwɔ́ zẅí’te yɛ̌ lyɛ’ɛ́ lá’, ńkàg tʉ̀ ńnéŋe té *lɔ̌’. Pi légÿo tsɔ́ mmó gie Ssé ge kaga gẅi mǒ wɔ́, pia pɔ̌ piŋ ńgwɔ́ tè cÿɔ́g.

1 Jâŋ 2:6

Nyìŋ lɔɔn ńgɔɔn ngie: Peg Ssé léen ńtemte, á zɛ́te ngie ngÿǒ menò mé gwɔ́ pá’ me Yěsô Kristo laa pú’u.

1 Jâŋ 4:17

Pege lɔɔn ńgẅiin nkwòŋe ntʉ́m pege tà tsɔ́ mmó té mǒ zág, pege é le kwaŋte lyɛ’ɛ́ létsɔ́’te mentsaŋ ntʉ́m wégè vɛ wɔ́. Pú’u, mélà’mie wege leńnéŋe tsɛ̀ɛ njÿó yɔɔn aa pá’ we Yěsô Kristo.