1 Jâŋ 3:22 - Nouveau Testament en Ngienboum

²² é luɔ pɔ́ kɔ́ mbwo yé wɔ́, à ná mélà’mie pege ne ńgiŋe ná *lepʉ̌ sé, ḿbiŋe ńgÿo mmó gie à ne ńkwoŋo.

1 Jâŋ 3:22 ပူးပေါင်းရင်းမြစ်များ

Matio 17:5

Á nyé ńgɔɔn gɔɔn, etsɔ́ melɔ́ɔn, mie é ŋwʉŋe ŋwʉŋe sẅɛ́’ ńkábte wɔ́b, ngyè nyìŋ fó tsɛ̀ɛ wó ńgɔɔn ngie: Wɔɔn aa Míŋ wɔ̀ɔn, mèŋ n kwoŋo yé tɛ’, aa wɔ̀ɔn lekág, pi jú’ ncwò wé.

Matio 21:22

Pi lɔɔn ńzáb ntʉ́m nà Ssé, ésẅíŋte yé ńdúɔ kɔ́ɔkɔ́ wɔ́, mbà à ge ná.

Malékuse 11:24

Áa mmó gie á gÿo tá mèŋ shwóŋó gẅi ngie: Akɔ́ɔkɔ́ɔ gie pi ne sẅíŋte Ssé ńdúɔ wɔ́, pi zẅíŋ ngie pi ně ńdá’ ńgẅiin, e Ssé náa mbwo pi.

Ŋwà’ne Jâŋ 14:13

Pi gÿo ńdɔg lezíŋ sɔ́ɔn ńdúɔ kɔ́ mbwo Ssé wɔ́, mbà mèŋ n ge gÿo. Á cʉa pú’u, mèŋ múɔ n da’te legú’ Tá wɔ̀ɔn.

Ŋwà’ne Jâŋ 15:10

Pi lɔɔn ńkú’te mbʉ̌ mɔ́ɔn, mbà mèŋ n ge ne kwoŋo gẅi kwoŋ. Ndʉŋ ndʉŋ pá’ mèŋ n da kú’te mbʉ̌ Tá wɔ̀ɔn á piŋ ne ńkwoŋo wɔ̀ɔn kwoŋ.

Ŋwà’ne Jâŋ 15:7

Pi lɔɔn ńda nnɛ́ ná mèŋ, ashwóŋè yɔ́ɔn gwɔ́ tsɛ̀ɛ ntʉ́m pi, pi lúɔ mmó gie pi kwǒŋ, mbà mé ge gÿo yɛ̌ mbwo pi.

Ŋwà’ne Jâŋ 6:29

Yěsô tsɔ́’ɔ mbwo pɔ́b ngie: Ammó gie e Ssé ne ńkwoŋo ngie pi gÿo, aa lezáb ntʉ́m ná nyìŋ gẅie à ka tǔm.

Ŋwà’ne Jâŋ 8:29

Nyìŋ gẅie à la túmo wɔ̀ɔn, peg yé zɔ gwɔ̌, à kaa nyé wɔ̀ɔn gílé mèŋ wɔ́, mélà’mie mèŋ n gee fʉ̀’ʉ kɔ́ wɔ́, ńgÿo pɔ́ mmó gie á poŋo yé.

Ŋwà’ne Jâŋ 9:31

Pege metsèm zsě ngie e Ssé aa tě njú’u ngyè nyìŋ tepòŋ wɔ́, tá ńgwɔ́ gie nyìŋ lɔɔn ńgÿo mekù’ Ssé, ḿbiŋ ne ńgÿo mmó gie e Ssé ne ńkwoŋo, mbà Ssé ge jú’ ngyè ye.

Megàŋ ntúm 17:30

E Ssé piŋ ńké ńcʉ́’ʉ sáŋa yɛ̌ fʉ̀’ gie nyìŋ mesoŋ kɔ̌ɔn ńgÿo pú’u ńdɔgɔ ńgʉe gʉe wɔ́. Àa fʉ̀’ɔɔn, ńne ńtóŋo ngwòŋ pʉ̀a metsèm, á tsɛ̀ɛ melá’ ntsèm ngie pɔ́ kúbe mà wɔ́b.

Megàŋ ntúm 20:21

ńdɔg pú’u, ńtóŋ pà Yuda, mbɔɔ pʉ̀a pie é té pà Yuda wɔ́, ńgie pɔ́ sele nnɛ́ ńcʉ́me nzèm Ssé, ńzáb ntʉ́m ná Cʉ̀apʉ̀a wege Yěsô.

Filipo 4:18

Á gʉa nà shúm sie pi ka tǔm ńna né mèŋ, mbà mèŋ m bǔ ńgyá. N gẅiin shúm fʉ̀’ɔɔn tà é gyɔ́ɔn tɛ’. Mèŋ n gyǎ shúm ŋwɛ́ sie Epafolodite lɔ̌g ńtó. N te gíŋe ne ńzága tsɔ́ mmó wɔ́. Eshúm ŋwɛ́ poŋó wɔ̀ɔn tɛ’, ńgwɔ́ pɔ́ pá’ shúm pwɔ́’ sie mé lɔ́ɔn ńnuŋe mvfò Ssé, é poŋo yé tɛ’ la.

Kolosia 1:10

Pú’u, pi ku’u léńnéŋe ná ntí gie Cʉ̀apʉ̀a ne ńkwoŋo, ńne ńgÿo pɔ́ mmó gie á poŋo yé, éfa’ mefà’ mbòŋo mentí mentí, ńkẅi’i ńzsé yé Ssé.

Heber 13:21

Á poŋ ngie e Ssé mbʉ́lè ŋwɛ́, à gÿo pi ku’u légÿo nò mbòŋo légwɔ́ gie pi ge gÿo pɔ́ mmó gie à ne ńkwoŋo. Á poŋ ngie yé Ssé fó ná Yěsô Kristo, ńgÿo ammó gie á poŋo yé, à gwɔ́ ná pege. Legú’ à gwɔ́ mbwo Yěsô Kristo á nà ngù’ nkɔ́ɔn nê nkɔ̌ɔn! *Amen.

Ŋwà’ne Jâg 1:5

Nyìŋ lɔɔn ńgwɔ́ tsetsɛ̀ɛ pi, ńtyé nà nò, azse nò zága yé, á lúɔ mbwo Ssé, mbà Ssé ge ná. Á nue e Ssé zɔɔn ńdɔg pɔ́ ntʉ́m mbòŋo ńnáa mmó mbwo wɔ̌wɔ́ɔ té zẅɛ́te.

Ŋwà’ne Jâg 4:3

!Pi zɔɔn ńdúɔ, e Ssé tè ná, mbà áa, mélà’mie pi tè zsé lélúɔ wɔ́. Pi zɔ̌ɔn ńdúɔ pɔ́ lélɔg ńgʉa ńgÿo mmó gie á ne ḿboŋo pɔ́ gẅí.

Ŋwà’ne Jâg 5:16

Pú’u la, pi zẅíŋ mefʉa tsetsɛ̀ɛ pi. Nyìŋ zẅíŋ mefʉa mbwo fɛ́ we, afɛ̌ we zẅíŋe mbwo yé. Nyìŋ gẅi sẅíŋte Ssé nà twó fɛ́ we. À cʉ́a pú’u, pi zeŋe. Asẅíŋte nyìŋ gẅie áa ndʉŋ ndʉŋ mvfò Ssé, á giŋ tɛ’.

1 Jâŋ 2:3

Pege lɔɔn ńgÿo mmó gie Ssé ne ńtsẅii né pege, mbà wɛ̌ légwɔ́ ge nyɛɛ wégè ngie pege zsé Ssé

1 Jâŋ 5:14

Ammó gie á gÿo pege tyé mvfò Ssé ntʉ́m wégè té vɛ, á gwɔ́ pɔ́ ngie: Pege ne ńzsé ngie, pege lɔɔn ńdúɔ mmó mbwo yé, á gwɔ́ gie à ne ńkwoŋo, mbà à ge jú’.