1 Jâŋ 3:20 - Nouveau Testament en Ngienboum

²⁰ Ntʉ́m wégè lɔɔn ńzɔɔn sá’a wégè, mbà pege ne ńzsé ngie e Ssé fǎŋ ńcʉa ntʉ́m wégè ḿbiŋ ne ńzsé nò ntsèm.

1 Jâŋ 3:20 ပူးပေါင်းရင်းမြစ်များ

Ŋwà’ne Jâŋ 21:17

Ńgíŋe ńzɛ́te yé nà mbɔ́ɔntè yétá ngie: Símo míŋ Jâŋ: Tà ɔ̀ kwoŋo wɔ̀ɔn? Eshÿó Piɛ sẅɛ́’, á nue Yěsô zɛté yé taa ngʉ̀a ntá ngie tà à kwoŋo yé wɔ́. Á lêen ńké ńtsɔ́’ ngie: Cʉ̀apʉ̀a, ɔ̀ zsé ngwòŋo nò ntsèm, ɔ̀ zsě ngie mèŋ n kwoŋo gú. Yěsô gɔɔn né yé ngie: pféle *menjʉ̀njÿò mɔ́ɔn.

Ŋwà’ne Jâŋ 8:9

Pʉ̀a jú’u yɔɔn shwóŋè, ńzye légʉate pà wémɔ’ɔ́ wémɔ’ɔ́, ńzye nà melÿò. Tà á cʉ́’ʉ Yěsô gílé yé, manzwě ke ńnyé ńtyé pɔ́ jʉ’ó.

Megàŋ ntúm 5:33

Mekěm jú’ pá’ pɔ́ gɔ̌ɔn pú’u, mbú ńgyáŋa lóŋ, ńzyé lékwaŋte lézẅé megàŋ ntúm.

Roma 8:34

ńgwɔ́ wɔ́ ku’u légɔɔn ngie ntsaŋ jÿǒ wɔ́b? Angàŋ tè wó wɔ́, á nue Yěsô Kristo la kwé nà twó sɔ́b á té zso pú’u wɔ́ á gÿo ńzím. À ńnéŋe nà gwoŋó pwó Ssé ye tʉ̀, ńne sẅíŋte yé nà twó ségè.

1 Korento 4:4

Áa nénʉ́ ngie mbùm yɔ̀ɔn tè ne ńcúa wɔ̀ɔn nà tsɔ́ nò wɔ́. Tá mèŋ n tě ńdɔgɔ ńgɔɔn ngie atsɔ́ *lɔ̌’ té ná fà’ gie mèŋ n gÿo wɔ́ wɔ́. Cʉ̀apʉ̀a zɔ nyìŋ gẅie à gẅiin létsa’a fà’ yɔ́ɔn.

Titus 3:11

N kwaŋ ngie ɔ̀ ne ńzsé ngie ntí pʉ̀a apɛ̌ é té gíŋe ńgwɔ́ nà mánzsè Ssé wɔ́. Pɔ́ gÿo menò tepòŋ, menò tepòŋ ŋwɛ́ ne ńnyɛɛ ngie pɔ́ èe nà mánzsè tepòŋ.

Heber 4:13

Áa mvfò Ssé tsɔ́ mmó té lelyěen wɔ́, á tsɛ̀ɛ yɔɔn njÿó gie à la nyɛte. À gyá shúm ntsèm, à má’ nÿɔ́g ḿbú ńgyá kɔ̀ɔkɔ́ɔ pɔ́ pá’ á gwɔ́. Pege ge gÿo pú tyé mvfò ye é píte ncwò wégè.

Heber 6:13

Pi zɔ̌ɔn ńzsé ngie e Ssé la ka’a mmó mbwo Ábalam. Pá’ tsɔ́ nyìŋ gẅie à fǎŋ ńtɔ́gɔ yé Ssé, tà à lɔɔn ńgwɔ́ á lɔgɔ yé ńkʉa tè wó wɔ́ la, yé Ssé lɔgɔ kwà’ twó mbùm yé ńkʉa,

1 Jâŋ 3:19

Pege ge gÿo pú’u, tá zsé ngie pege ee nà gwǒŋo nò nénʉ́, é tyé mvfò Ssé ntʉ́m wégè le vɛ.

1 Jâŋ 3:21

Meshǔ pɔ́ɔn pe tʉ̀ nzẅìŋ, ntʉ́m wégè lɔɔn tè ne sá’a wégè wɔ́, mbà pege ge tyé mvfò Ssé té ne ḿvɛɛ,

1 Jâŋ 4:4

Pi penkʉ́ pɔ́ɔn, pi ee nà gwǒŋo yé Ssé. Pi kéen ńdÿɔ́’ tà ńcʉa pà *ntsẅì nkʉ̀ Ssé pe cÿɔ̌ nò, mélà’mie a Zẅìge Ssé gie áa ná pi á pú ńtʉ ńcʉa ngàŋ mbù Kristo gẅie aa tsɛ̀ɛ njÿó.

Ŋwà’ne Ngyà jʉ’ 2:23

N ge zẅéte gubé yé. À cʉa pú’u, mecú’tè pʉ̀a Kristo ntsèm zsé ngie mèŋ n gee nyìŋ gẅie à zsé nkwaŋá pʉ̀a mesoŋ, ńgíŋe ńzsé mbɔɔ mmó gie pɔ́ ne ńtsɔ́ɔn. Mèŋ n ge gÿo fó pɔ́ nà mmó gie wɔ̌wɔ́ɔ gÿǒ, tá zsé pá’ mèŋ n ge gÿo ná ngàŋ.