1 Jâŋ 3:17 - Nouveau Testament en Ngienboum

¹⁷ Nyìŋ lɔɔn ńgwɔ́ ngàŋa mmó, ńgyá fɛ́ we ne ńzága mmó, à tè yé líe, mbà mé ge gɔɔn ngie wɛ̌ ngàŋ mmó ne kwoŋo Ssé lêkɔ́?

1 Jâŋ 3:17 ပူးပေါင်းရင်းမြစ်များ

Lukase 3:11

Á tsɔ́’ɔ mbwo pɔ́b ngie: Nyìŋ gẅi lɔɔn ńgẅiin menzsǒ mémbʉ́a, á náa tà’ mbwo nyìŋ gẅie à zɔɔn tè tsɔ̌ gẅiin. Nyìŋ gẅie à gẅiin mmó mpfɛ̌, náa ye nyìŋ gẅie nzyè ne ńgyáŋa yé.

2 Korento 8:9

Pi zɔɔn ne ńzsé mmó gie Cʉ̀apʉ̀a Yěsô Kristo la lɔg pɔ́ ntʉ́m mbòŋo ńná. À la gẅiin shúm ntsèm, tá’, ńcʉ́’ʉ mbóŋ ńtí gẅí, pá’ pi ge fó nà póŋ yé, é cʉ́’ pʉ̀a pie e Ssé náa shúm sé né pɔ́b tɛ’.

Heber 13:16

Tà pi lege légÿo nò mbòŋo mbɔɔ lélɔgɔ mmó gie pi gẅiin ńkẅéte pʉ̀a, á nue legÿo mɛ̌ menò áa lii pwɔ́’ gie á poŋ Ssé.

Ŋwà’ne Jâg 2:15

Pege gɔɔn ngie tsɔ́ fɛ́ wege we mbàŋa mbɔɔ we manzwě, pɔ́ té nzsǒ ma’, ḿbiŋ ńne ńzága mmó gie pɔ́ ge pfɛ́ɛ nà lyɛ’ɛ́ lá’,

Ŋwà’ne Jâg 2:16

atsɔ̌ nyìŋ ná pi piŋ ńgɔɔn né pɔ́b ngie: Pi lo nê kwò gí ye mbòŋo. Mbùm gí lumte. Pi pfɛ́ ńzẅɛ́, ńgɔɔn pú’u, ńké tê náa tsɔ́ mmó gie á ge kẅéte wɔ́b gwɔ́, mbà wɛ̌ légɔɔn ge kẅéte nà kɔ́?

1 Jâŋ 4:20

Nyìŋ lɔɔn ńgɔɔn ngie à ne ńkwoŋo Ssé, ńgwɔ́ gɔɔn pú’u, ńne ḿbʉa fɛ́ we, mbà aa ngàŋa cÿɔ̌ nò. Á nue nyìŋ lɔɔn tè kwoŋo fɛ́ we gẅie à ne ńgyá yé wɔ́, á le ku’u lékwoŋ Ssé gẅie à tè ne ńgyá yé wɔ́ wɔ́.

1 Jâŋ 5:1

Nyìŋ gẅie à zẅǐŋ ngie Yěsô aa *Nzà’nkÿo, aa míŋ Ssé. Nyìŋ gẅie à kwoŋ Ssé Tá, à giŋé ńkwoŋ mbɔɔ púɔ Ssé.