1 Jâŋ 3:15 - Nouveau Testament en Ngienboum

¹⁵ Awɔ̌ nyìŋ wɔ́ lɔɔn ḿbʉa fɛ́ we, mbà ngàŋ aa fÿɛ́, pi piŋ ńne ńzsé ngie atsɔ̌ fÿɛ́ tè wó gẅie à gẅiin le gwɔ́ tèmì mbùm yé wɔ́.

1 Jâŋ 3:15 ပူးပေါင်းရင်းမြစ်များ

Matio 5:28

!Tá mèŋ n gɔɔn né pi ngie: Nyìŋ lɔɔn ńdíe manzwě ńtsɔ́ɔn á zsé ngie áa tsɛ̀ɛ ntʉ́m yé mámbàŋa, mbà à ně ńdá’ ńgÿo gÿɛ́.

Malékuse 6:19

Á la fó pú’u, tá *Herôdiad pú ńzá’ lekwɔ̀ɔn sé, ńně fa’a shÿó légÿo mé zẅé yé, ńké tè ne ńgyá wɔ́. À tě ngyá shÿó wɔ́,

Ŋwà’ne Jâŋ 4:14

Tá nyìŋ nú ntse gẅie mèŋ n zɔ nǎ mbwo yé, mbà gág yé té ńdá’a ńgíŋe shÿó wɔ́. Mbà ntse mɛ́ ge kúu mbùm yé, é cʉ́’ pɔ́ lesá’a ntse, á jʉ’ gie ntse ge ne fóo wó cwoŋo, é náa yé le gwɔ́ tèmì.

Ŋwà’ne Jâŋ 8:44

Agẅi tá aa Sátá, pi piŋ né ńkwoŋo légÿo mmó gie à né ńtsɔ́ɔn. Á gʉa ná yé, mbà tà fó nzyeté, á gwɔ́ pɔ́ nzẅè nyìŋ. À laa mé ńgiŋe tsɛ̀ɛ nò nénʉ́ wɔ́. Ńtí nue à tè nò nénʉ́ tsɛ̀ɛ ntʉ́m yé gẅiin, tà tsoon lǎg. À gwɔ̌ tà ne ńcÿɔ nò, á gwɔ́ pɔ́ kwà’ shwóŋè yé, á nue aa ngàŋa cÿɔ nò, ńgwɔ́ nyìŋ gẅie yé zɔ la nuŋe cÿɔ nò.

Megàŋ ntúm 23:12

Njÿó gÿo ńdʉ́a, etsɔ́ pà Yuda tÿɔ́g ntsèm, ńtyé mvfò Ssé ńkʉa ngie: Pɔ́ té jÿó mmó wɔ́, é ké le ntse nú. Tà lá’ zẅé Pɔl!

Megàŋ ntúm 23:14

Pɔ́ gʉa ńgyá metándá pànuŋe pwɔ́’ pâ mekěm ńgɔɔn né pɔ́b ngie: Peg ně ńtyé mvfò Ssé ńkʉa ngie peg tě ge jÿó mmó té gwɔ́ gie peg zẅě Pɔl wɔ́.

Ŋwà’ne Jâg 1:15

Letsɔ̌ɔn shúm ŋwɛ́ gwɔ́ tà ńgá’, ńkẅɛɛ nò tepòŋ, anò tepòŋ gá’ ńkẅɛɛ legwé.

1 Piɛ 1:23

Mé ka zɔɔn ńzyé gẅi lezyé we sẅé, tà à tè gwɔ́ pɔ́ lezyě we nyìŋ mesoŋ gẅie aa ńkwé wɔ́. À gwɔ̌ pɔ́ gẅie à fóo ná mbyè mmó gie e tě ńdá’a ńkwé wɔ́, yɛ̌ mbyè mmó gwɔ́ shwóŋè Ssé gie á náa kwà’ le gwɔ́, ńgwɔ́ gie á ge lá’a gwɔ́ pɔ́ wó.

1 Jâŋ 2:11

Tá nyìŋ gẅie à pʉa fɛ́ we, aa nyìŋ gẅie ngÿǒ menò ée me tsɛ̀ɛ nzěm, á giŋe tsɛ̀ɛ nzěm, ńké tè ne ńzsé jʉ’ gie à gee né wó wɔ́, mélà’mie nzěm léen ńgÿo á fʉ̀.

1 Jâŋ 2:9

Nyìŋ gẅie à gɔɔn ngie ngÿǒ menò mé ee me jʉ’e fɔ̌g, ḿbiŋe ne ḿbʉa fɛ́ we, ngàŋ lɔgɔ ńnyé ńgwɔ́ pɔ́ tsɛ̀ɛ nzěm.

Ŋwà’ne Ngyà jʉ’ 21:8

Tá ńké ńgʉa nà metsóon, mbɔɔ ná pàzẅíŋ ḿbiŋ ńdʉ’, mbɔɔ ná pàgÿo menò ncÿǒ, mbɔɔ ná pàzẅéte pʉ̀a, mbɔɔ ná pàgÿo menò mpfwɔ́’, mbɔɔ ná pàgẅiin mekàŋ, mbɔɔ ná pàgu’te shúm ngie ee messé, ńgÿo megàŋa cÿɔ̌ nò metsèm, mbà yɔ́b mmó gie mé ge gÿo lɔg tsɔ́’ɔ fà’ yɔ́b áa pá’ mé ge gÿo ma’a wɔ́b á tsɛ̀ɛ lepÿé mmɔ̌g *mekʉ̀a, á lɔgɔ ńgwɔ́ lekwé ńgʉa mbʉ́a.