1 Jâŋ 2:8 - Nouveau Testament en Ngienboum

⁸ Tà mbɔɔ pú’u, *lepʉ̌ sie mèŋ n ŋwe’e ńnáa né pi, ée pá’ɔɔn, ńké ngwɔ́ se sẅé, ée se sẅé ńcʉa nà mmó gie mé ne ńgyá ná Kristo mbɔɔ ná pi gí. Pi zɔɔn ńgyá pá’ nzěm ne ḿmaga, tà mbà kwà’ kyɛ̀’ zyě lékyɛ’ jʉ’.

1 Jâŋ 2:8 ပူးပေါင်းရင်းမြစ်များ

Matio 4:16

Pi pie pi ka neŋé tsɛ̀ɛ nzěm, gi njÿó kwǎ’ ńdʉ́a. Nèm sǎ’ tà ne ńtʉ́a ná pʉ̀a pie e ka neŋé tsɛ̀ɛ ngwòŋ gẅie ssé nzěm we legwé à kaa wó».

Lukase 1:79

ńkyɛ’ pʉ̀a pie é ńnéŋe tsɛ̀ɛ nzěm, legwé piŋ ńne nÿɔgɔ wɔ́b, é tsege wɔ́b ńnéŋe tsɛ̀ɛ sẅétè.

Ŋwà’ne Jâŋ 1:9

Yé shwóŋè ŋwɛ́ láa kwà’ kyɛ̀’ gie á tóo tsɛ̀ɛ njÿó lékyɛ’ɛ mânyìŋ ntsèm.

Ŋwà’ne Jâŋ 12:35

Yěsô tsɔ́’ɔ mbwo pɔ́b ngie: Akyɛ̀’ té ge gíŋe gwɔ́ tsetsɛ̀ɛ pi tà ntyě sag wɔ́. Akyɛ̀’ nyé ssé, pi giŋ, ḿbɔ́g nzěm lékẅɛ́te gẅí. Á nue nyìŋ ne ńgiŋe tsɛ̀ɛ nzěm, á le zsé jʉ’ gie à gee né wó wɔ́.

Ŋwà’ne Jâŋ 12:46

Mèŋ, n gee kyɛ̀’, n ka tóo tsɛ̀ɛ njÿó légwɔ́ gie nyìŋ lɔɔn ńzáb ntʉ́m ná mèŋ, á le gwɔ́ tsɛ̀ɛ nzěm wɔ́.

Ŋwà’ne Jâŋ 13:34

Mèŋ n ge ná *lepʉ̌ se sẅé né pi, e gwɔ́ ngie: Pi kwoŋe pi né pi. Pá’ mèŋ n da kwoŋo gẅi lá, pi gí kwoŋe pi né pi.

Ŋwà’ne Jâŋ 8:12

Yěsô gíŋe ńzye lézí’i mmó mbwo lá’, ńgɔɔn ngie: Akyɛ̀’ gie á kyɛ’ɛ jʉ’ náa né pʉ̀a mesoŋ tsɛ̀ɛ njÿó á gwɔ́ pɔ́ mèŋ. Nyìŋ lɔɔn ńcʉ́me nzèm mèŋ, mbà ngàŋ tě ńdá’a ńgiŋe tsɛ̀ɛ nzěm wɔ́. Mbà à gẅǐin kyɛ̀’ gie áa kyɛ̀’ɛ mánzsè kwà’ le gwɔ́.

Megàŋ ntúm 17:30

E Ssé piŋ ńké ńcʉ́’ʉ sáŋa yɛ̌ fʉ̀’ gie nyìŋ mesoŋ kɔ̌ɔn ńgÿo pú’u ńdɔgɔ ńgʉe gʉe wɔ́. Àa fʉ̀’ɔɔn, ńne ńtóŋo ngwòŋ pʉ̀a metsèm, á tsɛ̀ɛ melá’ ntsèm ngie pɔ́ kúbe mà wɔ́b.

Megàŋ ntúm 26:18

Mèŋ n túmo gú pú’u, ɔ̀ gʉa ńnyɛ́’ nÿɔ́g mɔ́b, ńgÿo pɔ́ fó tsɛ̀ɛ nzěm ńkẅɛ, ńkúu nà jʉ’ gie á ne fɔ́gɔ. Á lɔgɔ ńgwɔ́ ngie ɔ̀ ge gÿo gÿo pɔ́ fó nà mbwó Sátà ńkẅɛ, ḿbiŋe nà mbwó Ssé, é záb ntʉ́m wɔ́b ná mèŋ, e Ssé lege menò tepòŋ mɔ́b ńnáa mbwó pɔ́b, é piŋ náa yɔ́b jʉ’ á tsetsɛ̀ɛ pʉ̀a pé.

Roma 13:12

Letsẅɛ́’ zyě ńgiŋ, njÿó ne ńdʉ́a. Pú’u la, pege gwá’ mefà’ mie mé fa’a pɔ́ tsɛ̀ɛ nzěm, pege kaa shúm ncù sie mé tyé ná jʉ’e kyɛ̀’, ńdɔg ńdÿɔ́’ ncù.

2 Korento 8:9

Pi zɔɔn ne ńzsé mmó gie Cʉ̀apʉ̀a Yěsô Kristo la lɔg pɔ́ ntʉ́m mbòŋo ńná. À la gẅiin shúm ntsèm, tá’, ńcʉ́’ʉ mbóŋ ńtí gẅí, pá’ pi ge fó nà póŋ yé, é cʉ́’ pʉ̀a pie e Ssé náa shúm sé né pɔ́b tɛ’.

Efeso 5:8

Pi kaa tsɔ́ fʉ̀’ ńgwɔ́ pɔ́ tsɛ̀ɛ nzěm. Á cʉa ná pá’ pi kéen ńda nnɛ́ ná Cʉ̀apʉ̀a, pi cʉ́’ ńgwɔ́ fʉ̀’ɔɔn ńgwɔ́ pɔ́ jʉ’e fɔ̌g. Pú’u la, pi gwaa gÿo kɔ̀ɔkɔ́ɔ gí wɔ́, ńgÿo pá’ pʉ̀a pie pɔ́ ée nà jʉ’e fɔ̌g.

2 Timote 1:10

Áa fʉ̀’ɔɔn, mbà yɛ̌ nò mbòŋo kéen ńkẅɛɛ mángyɛ̌, á nue Yěsô Kristo gẅie à gÿo pege tsẅɛ́ɛ, à kéen ńtó. Yé zɔ ka gwoon legwé ńkẅé metʉ̀ mé. À ka tsẅi nkʉ̀ mbòŋo mbwo peg, ńnyɛɛ le gwɔ́ tèmi tà peg ne ńzsé. Á le gwɔ́ gẅie nyìŋ gẅiin à tè gíŋe ńkwé wɔ́.

1 Piɛ 1:21

Pi zẅɛ́’ɛ pɔ́ yé tá ńzába ntʉ́m nà Ssé gẅie à la zíme yé nà legwé, mbɔɔ pá’ à la náa yé legú’, tà pi gwaa záb ntʉ́m nà Ssé, é piŋ ne pyɛ́bɛ mmó gie Ssé ka’a, yé zɔ̌ gÿo.

1 Jâŋ 3:23

*Lepʉ̌ sé ŋwɛ́, e sɔɔn ńgwɔ́ ngie: Pege záb ntʉ́m ná Míŋ we Kristo, ḿbiŋ ńgẅiin nkwòŋe tsetsɛ̀ɛ pege, ée *lepʉ̌ sie Yěsô la záb ngie pege giŋe mǒ.

1 Jâŋ 4:11

Meshǔ pɔ́ɔn pe tʉ̀ nzẅìŋ, à lɔɔn ńgwɔ́ gie e Ssé la kwoŋo wégè pá’ɔɔn, mbà á ne ńzɛ́te ngie pege yégè gẅiin nkwòŋe tsetsɛ̀ɛ pege.

1 Jâŋ 4:21

*Lepʉ̌ sie Kristo la ná né pege, e sɔɔn. Nyìŋ lɔɔn ńkwoŋ Ssé, á gíŋe ńkwoŋo fɛ́ we nyìŋ mesoŋ.