1 Jâŋ 2:7 - Nouveau Testament en Ngienboum

⁷ Meshǔ pɔ́ɔn pe tʉ̀ nzẅìŋ, sɔɔn té gwɔ́ pɔ́ *lepʉ̌ sẅé sie mèŋ n ŋwe’e fʉ̀’ɔɔn ńnáa né pi wɔ́, à gwɔ́ pɔ́ nzẅìŋe *lepʉ̌ gẅie pi ne ńzsé tà fó nzyeté, wɛ̌ nzẅìŋe *lepʉ̌ à gwɔ́ pɔ́ shwóŋè gie pi la jú’.

1 Jâŋ 2:7 ပူးပေါင်းရင်းမြစ်များ

Matio 5:43

Pi la jú’ ngie mé la gɔɔn ngie: «Nyìŋ kwoŋo fɛ́ we nyìŋ mesoŋ, ḿbʉa ngàŋ mbù we».

Ŋwà’ne Jâŋ 13:34

Mèŋ n ge ná *lepʉ̌ se sẅé né pi, e gwɔ́ ngie: Pi kwoŋe pi né pi. Pá’ mèŋ n da kwoŋo gẅi lá, pi gí kwoŋe pi né pi.

Megàŋ ntúm 17:19

Pɔ́ lɔgɔ Pɔl ńgʉa mvfò Aeropage, á gwɔ́ cú’tè pàsá’ ntsaŋ tÿǒsoŋ, ńkúu wó, ńzɛ́te yé ngie: À lɔɔn ńgwɔ́ peg zsé yég á nò sẅé yɛ̂ gie ɔ̀ zí’i pʉ̀a lɛ?

Heber 6:9

Mefɛ́ pég pe ntʉ̀ nzẅìŋ, peg ké ńgɔɔn pá’ɔɔn ńne ńzsé kwà’ mboŋó ngie pi ee ná mánzsè we mbòŋo á gwɔ́ gẅie mé pfó mǒ ńtsẅɛ́.

1 Jâŋ 2:24

Áa mmó gie á gÿo mèŋ n gɔɔn mbwo pi ngie pi kú’te shwóŋè gie pi la jú’ tà fó nzyeté kwà’ mboŋó. Ashwóŋè gie pi la jú’ tà fó nzyeté lɔɔn ńgwɔ́ tsɛ̀ɛ ntʉ́m gẅí, mbà pi gí ge temte ná Múɔ mbɔɔ ná Tá.

1 Jâŋ 3:11

Anò gie pi la jú’ tà fó nzyeté á gwɔ́ pɔ́ ngie: Pege gẅiin nkwòŋe tsetsɛ̀ɛ pege.

1 Jâŋ 3:2

Meshǔ pɔ́ɔn pe tʉ̀ nzẅìŋ, pege ee fʉ̀’ɔɔn pá’ɔɔn ńgwɔ́ púɔ Ssé, tá’ ńtí gie pege ge gÿo gwɔ́ pú’u, e nyě ńgwɔ́ pɔ́ lelyěen. Pege kě ńne ńzsé ngie Kristo ge gÿo gwɔ́ tà kẅɛ, pege gyá yé pá’ aa jʉ’ó ńgwɔ́, ńgwɔ́ gie aa lêkɔ́ wɔ́, pege gwɔ́ yégè pɔ́ pú’u.

1 Jâŋ 3:21

Meshǔ pɔ́ɔn pe tʉ̀ nzẅìŋ, ntʉ́m wégè lɔɔn tè ne sá’a wégè wɔ́, mbà pege ge tyé mvfò Ssé té ne ḿvɛɛ,

1 Jâŋ 3:23

*Lepʉ̌ sé ŋwɛ́, e sɔɔn ńgwɔ́ ngie: Pege záb ntʉ́m ná Míŋ we Kristo, ḿbiŋ ńgẅiin nkwòŋe tsetsɛ̀ɛ pege, ée *lepʉ̌ sie Yěsô la záb ngie pege giŋe mǒ.

1 Jâŋ 4:1

Meshǔ pɔ́ɔn pe tʉ̀ nzẅìŋ, tà pi jú’ nyìŋ gɔɔn ngie Zẅìge Ndʉalʉ̌a áa ná yé, pi gwóon ńzẅíŋ zẅíŋ, té cwoŋo ńdíe ka áa kwà’ Zẅìge Ssé wɔ́. Á nue pà *ntsẅì nkʉ̀ Ssé pe cÿɔ̌ nò pǔ ńgyɔ́ɔn tsɛ̀ɛ njÿó tɛ’.

1 Jâŋ 4:11

Meshǔ pɔ́ɔn pe tʉ̀ nzẅìŋ, à lɔɔn ńgwɔ́ gie e Ssé la kwoŋo wégè pá’ɔɔn, mbà á ne ńzɛ́te ngie pege yégè gẅiin nkwòŋe tsetsɛ̀ɛ pege.

1 Jâŋ 4:21

*Lepʉ̌ sie Kristo la ná né pege, e sɔɔn. Nyìŋ lɔɔn ńkwoŋ Ssé, á gíŋe ńkwoŋo fɛ́ we nyìŋ mesoŋ.

1 Jâŋ 4:7

Meshǔ pɔ́ɔn pe tʉ̀ nzẅìŋ, !pege gẅiin nkwòŋe tsetsɛ̀ɛ pege, á nue nkwòŋe fóo mbwo Ssé. Nyìŋ gẅie à gẅiin nkwòŋe aa míŋ Ssé, ńne ńzsé Ssé