1 Jâŋ 2:28 - Nouveau Testament en Ngienboum

²⁸ Pá’ áa pú’u la, mbà penkʉ́ pɔ́ɔn, pi ké ńda nnɛ́ pɔ́ ná Kristo, ńzsé ngie á ge lá’a lyɛ̌’ gie à kẅɛ̌, pege é le tsɔ́ mmó pɔ́g, ntʉ́m wégè pú le cÿɔ’ɔ nà tsɔ́ mmó wɔ́. Á gwɔ́ lyɛ̌’ó, pege é le tyé mvfò yé eshʉ́ kúu wégè wɔ́.

1 Jâŋ 2:28 ပူးပေါင်းရင်းမြစ်များ

Matio 16:27

Pi zsé ngie: *Míŋ Nyìŋ pâ mecÿɔ́’ pé ge gÿo tó, á tsɛ̀ɛ legú’ Tá we, à leen ńké ńtsɔ́’ɔ fà’a wɔwɔ́, pɔ́ nà ngÿǒ menò mé.

Matio 16:28

Mèŋ shwóŋó gẅí, kwà’ nénʉ́, etsɔ́ ntá’ ná pʉ̀a pie ée jʉ’ɔɔn fʉ̀’ɔɔn té gÿo kwé, té gwɔ́ gie pɔ́ gyǎ pá’ *Míŋ Nyìŋ tǒ pá’ fùɔ wɔ́.

Malékuse 8:38

Nyìŋ lɔɔn ńkú shʉ́ légwɔ́ wɔ̀ɔn nyìŋ, mbɔɔ léshwóŋó nò yɔ́ɔn mbwo pʉ̀a pɔɔn pie ée tsɛ̀ɛ njyó fʉ̀’ɔɔn, ńgwɔ́ ngẅɛ̀ pʉ̀a tepòŋ lɔɔn, ńgwɔ́ pàtè zsě Ssé, mbà *Míŋ Nyìŋ ge lá’ gíŋe kú ye shʉ́ lélɔgɔ yé ńgÿo we nyìŋ, afʉ̀’ gie à ge lá’ piŋ nzèm tsɛ̀ɛ legú’ we Tá we, pâ *mecÿɔ́’ Ssé gwɔ́.

Lukase 17:30

Pi gyá nò gie á ge lá’ gíŋe gÿo pʉ̀a, á nà lyɛ̌’ gie *Míŋ Nyìŋ ge lá’ vege vege tó.

Roma 9:33

Aa tóon gẅie mé la ŋwe’e nò mǒ tsɛ̀ɛ ŋwà’ne Ssé ngie: Ssé gɔ̌ɔn ngie: Mèŋ n ně ńnuŋe tà’ tóon á tÿǒsoŋo Sioŋ, Á gwɔ́ gẅie mé ge kwɔɔnte mǒ. Á máamáa tóon gẅie à ge gÿo mé gwe. Tá’ nyìŋ gẅie à ge záb ntʉ́m wé ná yé, eshʉ́ té ge lá’ kúu yé wɔ́.

1 Korento 1:7

tà áa fʉ̀’ɔɔn ńgwɔ́ mbwo pi pie pi ne ńzẅí’te fʉ̀’ gie Cʉ̀apʉ̀a wege Yěsô Kristo ge kẅɛ, atsɔ́ fù’ gie á fóo mbwo Ssé, tà pi nyé ne ḿmoŋe á té wó wɔ́.

1 Korento 15:23

Tá’ wɔ̌wɔ́ɔ zím pɔ́ nà yé fʉ̀’. Kristo la vɔg ńzím. Epʉ̀a pé ge lá’ zím yɔ́b, á fʉ̀’ gie à ge lá’ gíŋ tó.

Efeso 3:12

Pá’ pege la nnɛ́, ḿbiŋ ńzáb ntʉ́m ná yé Kristo la, pege gẅiin pá’ ńgwɔ́ pege gʉa lejʉ́ŋ Ssé tà tsɔ́ mmó le wégè táte, pege ké le pɔ́g.

Kolosia 3:4

Kristo zɔɔ kwà’ gẅi le gwɔ́. À ge lá’ gwɔ́ tà kẅɛ, pi gíŋ ńkẅɛ gí, pia pɔ́ zɔ púte ńgwɔ́ tsɛ̀ɛ legú’ we.

1 Tesalonika 2:19

Pi zɔ zɔɔn ńgwɔ́ pʉ̀a pie pɔ́ gÿo peg ne ńzẅí’te lyɛ’ɛ́ lá’ Cʉ̀apʉ̀a tɛ’. Pi zɔɔ weg lekág, ńgwɔ́ yeg *ngǔ’ gie peg ge lá’ lɔg tyé mvfò Cʉ̀apʉ̀a wege, á fʉ̀’ gie à ge lá’ gíŋe tó.

1 Tesalonika 3:13

ńgíŋe gÿo ntʉ́m gẅi ké ne ńzébe pɔ́ ná yé. Tá à lá’a lyɛ̌’ gie Cʉ̀apʉ̀a wege Yěso pâ pʉ̀a pie à la tsɔ́’ é tǒ, pi tyé mvfò Tá wege Ssé, ńgwɔ́ ndʉalʉ̌a, atsɔ́ *lɔ̌’ɔ gí le gwɔ́ wó wɔ́.

1 Tesalonika 5:23

Peg ne ńdúɔ ngie e Ssé lê twó yé, gẅie aa ngàŋ mbʉ́lè, à gÿo pi gwɔ́ pʉ̀a pé tà ńcʉ́me, ńgie à pyɛ́bɛ zẅìge gí, ḿbyɛ́b ntʉ́m gẅí, ḿbyɛ́b mbùm gi, à gÿo ńgwɔ́ lyɛ̌’ gie Cʉ̀apʉ̀a wege Yěsô Kristo gé gÿo tó, pi gwɔ́ té sɔɔn *lɔ̌’ ná pi.

1 Timote 6:14

Mèŋ n ne ńtsẅii né gù ngie ɔ̀ gÿo shúm sie e Ssé gɔ̌ɔn né gù. Tè gʉa mǒ ńgwá’a tsɔ́. Tè gÿo mé túu *lɔ̌’ mǒ, ké ńne ńgÿo pɔ́ pú’u, tà ńkúu lyɛ̌’ gie Cʉ̀apʉ̀a wege Yěsô Kristo ge gÿo gíŋe tó.

2 Timote 4:8

Áa nà fʉ̀’ɔɔn, mbà Ssé cwoŋté ntsɔ’ɔ́ fà’ nyìŋ gẅie à kÿǒ ndʉ̌ tà njÿó, ńzáb ńne ńdɔgɔ ńzẅí’te wɔ̀ɔn. Wɛ̌ ée tsɔ’ɔ́ fa’ pá’, n gÿǒ mmó gie e Ssé ne ńkwoŋo. Cʉ̀apʉ̀a gẅie à za’ ntsaŋ pɔ́ ndʉŋ ndʉŋ, à ge gÿo náa mbwo mèŋ nà lyɛ’ gie à ge tsɔ́’te mentsaŋ. À tè lá’ ná pɔ́ ndà’ mbwo mèŋ wɔ́. À ge lá’ gíŋe ná mbɔɔ mbwo pʉ̀a pie pɔ́ ne ńkwoŋo légyá fʉ̀’ gie à ge gÿo kẅɛ.

Titus 2:13

Á gíŋe ńgwɔ́ mbɔɔ pá’ pege ne ńzwí’te máa maa lyɛ’ɛ́ lá’ gie Yěsô Kristo ge lá’ nyɛɛ legú’ we. Yé zɔɔ Ssé yege yé lÿò, à gÿo pege tsẅɛ́ɛ.

Heber 9:28

áa ndʉŋ ndʉŋ pá’ à la gÿo Kristo lɔgɔ twó mbùm ye, ńnuŋe pwɔ́’ pɔ́ tà’ legʉ̀a, lélɔg ńzyɛ́b menò tepòŋ pʉ̀a tà ńgyɔ́ɔn. À ge gÿo gíŋe kẅɛɛ ná mbɔ́ɔntè yépʉ́a. Á le gíŋe ńtóo fʉ̀’ó lézyɛ́b menò tepòŋ pʉ̀a mesoŋ wɔ́. À tóo pú’u, légÿo pʉ̀a pie pɔ́ ne ńzẅí’te yé tsẅɛ́.

1 Piɛ 1:7

Ngʉ̀ngʉ̀ kúu gẅi légwɔ́ gie mé ge gyá ngie pi kwa’ ńzáb ntʉ́m nà Ssé. Tʉ̌ gɔ̂l gie á té ge lá’a gwɔ́ pɔ́ wó wɔ́, mé cʉ́’ʉ lézẅí’, ńtuɔ mmɔ̌g, ncÿǒ kẅɛɛ mǒ. Áa ndʉŋ ndʉŋ pá’ gẅi lézáb ntʉ́m nà Ssé gẅie aa mmó tʉ̀ nzẅìŋ ńcʉa tʉ̌ gɔ̂l, ge cʉa pɔ́ ná pá’ ngʉ̀ngʉ̀ mentí mentí gie e ne ńkúu gẅí, e ge ne zẅí’i gẅi yé, tá nyɛ ngie à tʉte. À lêen ńké ńcʉa pú’u, pi lá’a lyɛ̌’ gie Yěsô Kristo tǒ, mé ná ngɔ́ɔnte gi, ńnéŋe gẅi tsɛ̀ɛ legú’, ńgÿo mekù’ mí.

1 Piɛ 5:4

Pi lɔɔn ńgÿo pú’u, mbà á ge lá’a lyɛ̌’ gie mbyɛ̀b mvfó we lÿò tǒ, à tɔ’ ngú’ twó pi, é gie nzẅìŋ we téen ńdá’a ḿmaga wɔ́.

1 Jâŋ 2:1

Epúɔ mémá pɔ́ɔn, mèŋ n ŋwe’e mɔɔn menò légwɔ́ gie pi ge gẅiin shÿó tà pi le gÿo nò tepòŋ wɔ́. Tá ńgwɔ́ gie nyìŋ gÿo nò tepòŋ, mbà pege gẅiin wege nyìŋ lejʉ́ŋ Tá, á gwɔ́ Yěsô Kristo, yé gẅie aa ndʉŋ ndʉŋ mvfò Ssé.

1 Jâŋ 3:2

Meshǔ pɔ́ɔn pe tʉ̀ nzẅìŋ, pege ee fʉ̀’ɔɔn pá’ɔɔn ńgwɔ́ púɔ Ssé, tá’ ńtí gie pege ge gÿo gwɔ́ pú’u, e nyě ńgwɔ́ pɔ́ lelyěen. Pege kě ńne ńzsé ngie Kristo ge gÿo gwɔ́ tà kẅɛ, pege gyá yé pá’ aa jʉ’ó ńgwɔ́, ńgwɔ́ gie aa lêkɔ́ wɔ́, pege gwɔ́ yégè pɔ́ pú’u.

1 Jâŋ 3:21

Meshǔ pɔ́ɔn pe tʉ̀ nzẅìŋ, ntʉ́m wégè lɔɔn tè ne sá’a wégè wɔ́, mbà pege ge tyé mvfò Ssé té ne ḿvɛɛ,

1 Jâŋ 4:17

Pege lɔɔn ńgẅiin nkwòŋe ntʉ́m pege tà tsɔ́ mmó té mǒ zág, pege é le kwaŋte lyɛ’ɛ́ létsɔ́’te mentsaŋ ntʉ́m wégè vɛ wɔ́. Pú’u, mélà’mie wege leńnéŋe tsɛ̀ɛ njÿó yɔɔn aa pá’ we Yěsô Kristo.

1 Jâŋ 5:14

Ammó gie á gÿo pege tyé mvfò Ssé ntʉ́m wégè té vɛ, á gwɔ́ pɔ́ ngie: Pege ne ńzsé ngie, pege lɔɔn ńdúɔ mmó mbwo yé, á gwɔ́ gie à ne ńkwoŋo, mbà à ge jú’.

Ŋwà’ne Ngyà jʉ’ 1:7

!Pi ké ńzsé ngie à ne ńtóo. À ge lá’ tó pɔ́ tsɛ̀ɛ melɔ́ɔn. Awɔ̌wɔ́ɔ ge lá’ záb lejÿɔ́g ná ye, tà mbɔɔ pʉ̀a pie pɔ́ la sɔbɔ gwǒŋo nnɛ́ yé. Epʉ̀a ngwòŋo ngwòŋ ndùmo ssé tsetsá’ ge lá’ zéme pwó, é kɔ́’ legwé tí yé. Oon á ge lá’ gwɔ́ pɔ́ pú’u, tà mmó le mǒ kúbe. *Amen.