1 Jâŋ 2:27 - Nouveau Testament en Ngienboum

²⁷ ńgʉa ná pi, mbà Kristo la náa Zẅìge yé né pi. Yɛ̌ Zẅìge piŋ ńké ńne ńgwɔ́ ná pi, áa mmó gie á gÿo, á té ne ńzɛ́te ngie nyìŋ mesoŋ zí’i gẅi mmó wɔ́, á nue Zẅìge Ndʉalʉ̌a ne ńzí’i gẅi kɔ̀ɔkɔ́ɔ, ammó gie á la’te piŋ ńgwɔ́ nénʉ́, é té cÿɔ̌ nò wɔ́. Pú’u la, pi ké ńda pɔ́ nnɛ́ ná Kristo pá’ Zẅìge Ndʉalʉ̌a la zí’i gẅí.

1 Jâŋ 2:27 ပူးပေါင်းရင်းမြစ်များ

Matio 13:11

Yěsô tsɔ́’ɔ mbwó pɔ́b ngie: E Ssé lá gÿó ngie pi pɛ zɔ zsé nó nénʉ́ na lefùɔ sé sie ée lelyěen, ńgʉa nà petsɔ́ pʉ̀a à tè gÿo ngie pɔ́ zsé wɔ́.

Ŋwà’ne Jâŋ 14:16

Mèŋ n dêen ńké sẅíŋte Tá wɔ̀ɔn, à náa wetsɔ̌ Ntàg Nzèm né pi, á gẅie pi lâ pɔ̌ zɔ ge cʉ́’ʉ gwɔ́ fʉ̀’ ntsèm.

Ŋwà’ne Jâŋ 14:17

Antàg Nzèm wéwɛ̌ à gwɔ́ pɔ́ Zẅìge Ssé, à la’te nò nénʉ́. Epʉ̀a njÿó té ku’u lékúe Zẅìge ŋwɛ́ wɔ́, mélà’mie pɔ́ té ne ńgyá mefà’ mé wɔ́, ḿbiŋ ńké tè ne ńzsé yé wɔ́. Tá pi ne ńzsé yé, mélà’mie aa lejʉ́ŋ pi, ḿbiŋ ńgwɔ́ ná pi.

Ŋwà’ne Jâŋ 14:26

Pi ge cʉ́’ nzèm, Tá wɔ̀ɔn lɔg lezíŋ sɔ́ɔn, ńtúmo Ntàg Nzèm gẅi, à gwɔ́ Zẅìge Ndʉalʉ̌a. À tó ńzí’i gẅi shúm ntsèm, ńgÿo pi kímte kɔ̀ɔkɔ́ɔ gie mèŋ n dǎ shwóŋó gẅí.

Ŋwà’ne Jâŋ 16:13

À zẅìge Ndʉalʉ̌a ge gÿo tó, é gÿo pi zsé nò nénʉ́ ntsèm, á nue yé zɔ la’te nò nénʉ́, à tè gÿo gɔɔn pɔ́ yé nò wɔ́. À ge gÿo gɔɔn pɔ́ nò gie à jǔ’, é piŋ shwóŋó gẅi menò mie é ne ńtóo.

Ŋwà’ne Jâŋ 4:14

Tá nyìŋ nú ntse gẅie mèŋ n zɔ nǎ mbwo yé, mbà gág yé té ńdá’a ńgíŋe shÿó wɔ́. Mbà ntse mɛ́ ge kúu mbùm yé, é cʉ́’ pɔ́ lesá’a ntse, á jʉ’ gie ntse ge ne fóo wó cwoŋo, é náa yé le gwɔ́ tèmì.

Ŋwà’ne Jâŋ 6:45

Mé la ŋwe’e tsɛ̀ɛ ŋwà’ne pà *ntsẅì nkʉ̀ Ssé ngie: «E Ssé lê twó yé ge lá’ zí’i nò yé mbwo mânyìŋ tsèm». Nyìŋ lɔɔn ńjú’u nò gie à fóo mbwo Tá, ńzẅíŋe mmó gie à zí’i pʉ̀a, mbà wɛ̌ nyìŋ ge tó tsɛ́ɛ wɔ̀ɔn.

1 Korento 2:12

Á gʉa ná pege, mbà mé la tè náa zẅìge njÿó né pege wɔ́. Mé la ná pɔ́ Zẅìge gie á fóo mbwó Ssé né pege pá’ á ge gÿo pege zsé fù’ gie e Ssé la lɔg ńcÿó gem yégè.

1 Korento 2:13

Pege tè gwaa gɔɔn nò ná sɛ̌ shúm sie Ssé la náa mbwo pege ńdɔg pɔ́ shwóŋè gie pʉ̀a mesoŋ la lɔgɔ zsé nò yɔ́b ńzí’i wégè wɔ́. Pege lɔg pɔ́ shwóŋè gie Zẅìge Ssé zí’i wégè tá ńgɔɔn nò mǒ. Á cʉa pú’u, pege cʉ́’ʉ lé gwɔ́ kyagte nò nà shúm sie é fóo mbwo Zẅìge Ssé, ńdɔg pɔ́ shwóŋè gie á fóo mbwo Zẅìge Ssé tá ńkyagte.

2 Korento 1:21

Kwà’ Ssé zɔ gÿo tá peg ne ńtʉte tʉte nzèm Kristo tà mbɔɔ pi. À la faga wégè,

Efeso 4:21

Á lɔɔn ńgwɔ́ ngie pi ka jú’u nò yé, tà mé shwóŋó gẅi nò nénʉ́ ntsèm gie á ne ńdíe yé,

Kolosia 2:6

Pá’ pi ka kě ńzẅíŋ ngie Yěsô Kristo aa Cʉ̀apʉ̀a gẅi la, á ne ńzɛ́te ngie gẅi leńnéŋe gwɔ́ pá’ à ne ńkwoŋo.

1 Tesalonika 2:13

Atsɔ́ mmó gie á gÿo peg sie Ssé fʉ̀’ ntsèm, áa nue peg la shwóŋó nò Ssé mbwo pi, pi jú’, ńzẅíŋ ngie áa shwóŋè Ssé, ńgie á té shwóŋè nyìŋ mesoŋ wɔ́. Á ne fa’a tsɛ̀ɛ ntʉ́m gẅí, pi pie pi ka záb ntʉm gẅi ná Yěso.

1 Tesalonika 4:9

Atsɔ́ mmó gie ngwɔ́ n ŋwe’e ńná né pi ńtí nkwòŋe tsetsɛ̀ɛ mefɛ́ mefɛ́ á té wó wɔ́, n gɔɔn nue pi ka zi’í pɔ́ kwà’ mbwo Ssé lékwoŋ mennɛ́ mí.

1 Timote 2:7

E Ssé la zába wɔ̀ɔn ngie mèŋ n gwɔ́ ntsẅì nkʉ̀ we, ńgwɔ́ ngàŋ ntúm Yěsô létsẅii yɛ̌ nò. À la cʉ́me mbwo mèŋ ngie mèŋ n zí’i pʉ̀a pie é té pà Yuda wɔ́, lézáb ntʉ́m ná Kristo, mbɔɔ lézsé nò gie áa nénʉ́. Mèŋ shwóŋó nò nénʉ́, mèŋ n těen ńcÿɔ nò wɔ́.

1 Piɛ 1:23

Mé ka zɔɔn ńzyé gẅi lezyé we sẅé, tà à tè gwɔ́ pɔ́ lezyě we nyìŋ mesoŋ gẅie aa ńkwé wɔ́. À gwɔ̌ pɔ́ gẅie à fóo ná mbyè mmó gie e tě ńdá’a ńkwé wɔ́, yɛ̌ mbyè mmó gwɔ́ shwóŋè Ssé gie á náa kwà’ le gwɔ́, ńgwɔ́ gie á ge lá’a gwɔ́ pɔ́ wó.

1 Jâŋ 2:28

Pá’ áa pú’u la, mbà penkʉ́ pɔ́ɔn, pi ké ńda nnɛ́ pɔ́ ná Kristo, ńzsé ngie á ge lá’a lyɛ̌’ gie à kẅɛ̌, pege é le tsɔ́ mmó pɔ́g, ntʉ́m wégè pú le cÿɔ’ɔ nà tsɔ́ mmó wɔ́. Á gwɔ́ lyɛ̌’ó, pege é le tyé mvfò yé eshʉ́ kúu wégè wɔ́.

1 Jâŋ 3:24

Nyìŋ gẅie à kú’te mbʉ̌ Ssé, à ké ńda nnɛ́ nà Ssé la, e Ssé la nnɛ́ ná yé. Pege fó nà Zẅìge Ndʉalʉ̌a gie Ssé nǎ mbwo pege, ńzsé ngie e Ssé la nnɛ́ ná pege.

2 Jâŋ 1:2

Peg kwoŋo gẅí, á fóo ná pá’ nò nénʉ́ áa tsɛ̀ɛ ntʉ́m wégè, é ké lá’a tsẅé gwɔ́ pɔ́ tsoló.