1 Jâŋ 2:26 - Nouveau Testament en Ngienboum

²⁶ Yɔɔn áa mmó gie n kě ne fa’a léshwóŋó gẅí, ńtí pʉ̀a pie é fa’a léfʉte gẅi pi fʉa mánzsè,

1 Jâŋ 2:26 ပူးပေါင်းရင်းမြစ်များ

Malékuse 13:22

Á nue tsɔ́ megàŋ cÿɔ nò ge gÿo kẅɛ, etsɔ́ gɔɔn ngie pɔ́ ée pà *Nzà’nkÿo, petsɔ́ ne ngie pɔ́ ée pà*ntsẅì nkʉ̀ Ssé, é nyɛ meliŋé, é gÿo menò mmɔɔn mmɔɔn lélɔg ńcʉŋte twó pʉ̀a, tà ńgwáa ńgwe pɔ́ lɔg ńcʉŋte mbɔɔ ye pʉ̀a pie Ssé la tsɔ́’.

Kolosia 2:18

Pi pɔ́ɔn pá’ à lɔɔn ngwɔ́ etsɔ́ pʉ̀a tó ḿbaba gẅi pi pyé ntsɔ’ɔ́ fà’ ncù gẅie Kristo la jÿó ńná né pi. Mèŋ n gɔɔn pʉ̀a pie pɔ́ gɔɔn ngie pɔ́ ná mbùm yɔb ssé tɛ’, ńgwɔ́ pʉ̀a pie pɔ́ gú’te *mecÿɔ́’ Ssé. Pɔ́ gíŋe ńdɔg shúm sie pɔ́ gɔɔn ngie e Ssé nyɛ̌’ nÿɔ́g mɔ́b pɔ́ gyá ńdɔg ńŋá’te sẅɛ̀ɛ sẅɛ̀ɛ. Pɛ̌ pʉ̀a gẅiin pɔ́ nkwaŋá pʉ̀a mesoŋ, é gÿo pɔ́ zẅíŋ pɔ́ mmóm.

Kolosia 2:8

Pi pɔ́ɔn nyìŋ lélɔgɔ zse nò pʉ̀a mesoŋ gie á gwɔ́ pɔ́ fÿɔ́g sẅɛ̀ɛ, éfʉte gẅí, pi gwe ná lejÿɔ̀’ sé. Yɛ̌ gwɔ́ pɔ́ cÿɔ̌ nò gẅie é jʉ́’ʉ ná nùŋe pʉ̀a mesoŋ, ńgíŋ ńjʉ’ʉ nà metʉ̀ mentí mentí mie ée tsɛ̀ɛ njÿó, é té jʉ́’ʉ ná Kristo wɔ́.

1 Timote 4:1

A Zẅìge Ndʉalʉ̌a ne ńnyɛte ńgɔɔn ngie: Tsɔ́ pʉ̀a ge lá’a nà melyɛ’ɛ́ lá’ nzsònzèm pɔ́ le gíŋe ńzáb ntʉ́m nà nò gie pege ne ńzába ntʉ́m mǒ lɔɔn wɔ́, legyè sɔ́b cʉ́’ ńtyé pɔ́ nà *messé tepòŋ mie é fʉte pʉ̀a, ńtʉʉ lelÿò ńtyé pɔ́ nà menò mie *messé tepòŋ zí’i pʉ̀a.

2 Timote 3:13

Tá’ n gɔɔn pá’ɔɔn pʉ̀a tepòŋ pâ ngàŋa fʉte ge gÿo lɔgɔ nò tepòŋ é kẅi’i gʉa pɔ́ lê mvfò, é ne fʉte pʉ̀a, pɔ́ gíŋe ne fʉte wɔ́b yɔ́b.

1 Jâŋ 3:7

Penkʉ́ pɔ́ɔn, ḿbɔ́ɔn nyìŋ légÿo pi fʉa mánzsè. Nyìŋ lɔɔn ńgÿo mmó gie áa ndʉŋ ndʉŋ mvfò Ssé, mbà ngàŋ lɔgɔ ńgÿo yé pá’ Yěsô Kristo. À gÿo mmó gie áa ndʉŋ ndʉŋ mvfò Ssé.

2 Jâŋ 1:7

Pàcÿɔ nò kéen sa njÿó tà ńgyɔ́ɔn. Pɔ́ té ńne ńzẅíŋe ngie Yěsô Kristo la kwà’ sele ńcʉ́’ʉ nyìŋ mesoŋ wɔ́, pɔ́ ée kwà’ megàŋa cÿɔ̌ nò, ńgwɔ́ megàŋ mbù Kristo.