1 Jâŋ 2:24 - Nouveau Testament en Ngienboum

²⁴ Áa mmó gie á gÿo mèŋ n gɔɔn mbwo pi ngie pi kú’te shwóŋè gie pi la jú’ tà fó nzyeté kwà’ mboŋó. Ashwóŋè gie pi la jú’ tà fó nzyeté lɔɔn ńgwɔ́ tsɛ̀ɛ ntʉ́m gẅí, mbà pi gí ge temte ná Múɔ mbɔɔ ná Tá.

1 Jâŋ 2:24 ပူးပေါင်းရင်းမြစ်များ

Lukase 1:2

ńŋwe’e kwà’ pá’ pʉ̀a pie pɔ́ la gyá pá’ nò yɔɔn zyete, ḿbiŋ ńgyá pá’ á giŋe pú’u.

Lukase 9:44

Pi cwoŋo ńjú’u nò gie n gee ngɔ̌ɔn lɔɔn mboŋó, ḿbiŋ ńkímte. Mé ne ńgee sẅǐŋ *Míŋ Nyìŋ mbwo pʉ̀a mesoŋ.

Ŋwà’ne Jâŋ 14:23

Yěsô tsɔ́’ɔ mbwo yé ngie: Nyìŋ lɔɔn ńkwoŋo wɔ̀ɔn, mbà à ge kú’te shwóŋè yɔ́ɔn. Tá wɔ̀ɔn piŋ ńkwoŋo yé, peg Tá wɔ̀ɔn tó ńtsɛ́ɛ yé, ńcʉ́’ʉ ńnéŋe pɔ́ tsɛ̀ɛ ntʉ́m ye.

Ŋwà’ne Jâŋ 15:7

Pi lɔɔn ńda nnɛ́ ná mèŋ, ashwóŋè yɔ́ɔn gwɔ́ tsɛ̀ɛ ntʉ́m pi, pi lúɔ mmó gie pi kwǒŋ, mbà mé ge gÿo yɛ̌ mbwo pi.

Ŋwà’ne Jâŋ 6:56

Nyìŋ pfɛ́ mbab nnɛ́ yɔ̀ɔn, ńnú metse mɔ́ɔn, mbà à temté ná mèŋ, mèŋ n temte ná yé.

Ŋwà’ne Jâŋ 8:25

Pɔ́ zɛ́te yé ngie: Ɔ̀ gwɔ̌ pɔ́ wɔ̌? Yěsô tsɔ́’ɔ mbwo pɔ́b ngie: Mèŋ n gee nyìŋ wá gẅie n dà lá’ ńzye léshwóŋó gẅi tà fó nzyeté la.

Filipo 4:15

Pi pà Filipo, pi ne ńzsé mboŋó ngie pi gílé pi zɔ la ké ńkẅéte wɔ̀ɔn, á fʉ̀’ gie n dá fó tsɛ̀ɛ ngwòŋ gẅi Makedonia ńgʉa, légwa ńgiŋ ńtsẅi nkʉ̀ mbòŋo. Á laa fʉ̀’ gie mé la nyé ńzye zye létsẅi Nkʉ̀ Mbòŋo, atsɔ́ cú’tè pʉ̀a Kristo ndyɛ̀’ɛ la tè zába pwó nà fà’ yɔ́ɔn, ńzsé mmó gie á ne ńzága wɔ̀ɔn, ḿbiŋ ńzsé gie fà’ yɔ́ɔn ne ńnáa wɔ́.

Kolosia 3:16

Pi lɔgɔ shwóŋè Kristo ńzye ntʉ́m gẅi kwà’ mboŋó. À cʉa pú’u, pi gẅiin zse nò lélɔg ńzí’i mmó tsetsɛ̀ɛ pi, mbɔɔ lélɔg ńtÿɔ́gte mennɛ́ mí. Pi zɔb ntse ńdɔg ńgu’te Ssé nê ngwòŋ ntʉ́m gẅi ntsèm, ńdɔg ńná ndǎg mbwo yé. Pi zɔbɔ pú’u, mezɔ́b mie ée tsɛ̀ɛ ŋwà’ne Ssé, ńzɔbɔ zɔ́bɔ pʉ̀a Kristo, ńzɔb mezɔ́b mie Zẅìge Ssé ne ńnéŋe ntʉ́m pi.

Heber 2:1

Pú’u la, pege kwa’ ńgẅiin lé ké ńkú’te nò gie pege la jú’ kú’te, tà á té pú’u wɔ́, mbà pege ge fʉa mánzsè, é gʉa pyé,

Heber 3:14

Pega Kristo zɔɔn ńcʉ́’ ḿbú ńgwɔ́ pɔ́ ná tà’a nò, tá’ á ne ńzɛ́te tà’a mmó wémɔ’ɔ́, á gwɔ́ lékú’te mmó gie mé la shwóŋó wégè tá pege záb ntʉ́m nà Ssé, ńkú’te kú’te tà ńdá’ ńkúu nà lyɛ’ɛ́ nzsoté.

1 Jâŋ 1:3

Ammó gie peg la gyá ḿbiŋ ńjú’, áa yɛ̌ gie peg shwóŋó gẅi gí, ńzsé ngie pi ge temte ná peg, pege metsèm pú ńtemte ná Tá mbɔɔ ná Míŋ we Yěsô Kristo.

1 Jâŋ 1:7

Tá ńké ńgwɔ́ gie pege lɔɔn ne ńgiŋe ná jʉ’e fɔ̌g pá’ yé lê twó yé aa nà jʉ’ʉ fɔ̌g la, mbà pege ge pú gẅiin tà’ ncwò tsetsɛ̀ɛ pege, metse Míŋ we Yěsô leen ńké sɔgɔ wégè ná nò tepòŋ ntsèm.

1 Jâŋ 2:7

Meshǔ pɔ́ɔn pe tʉ̀ nzẅìŋ, sɔɔn té gwɔ́ pɔ́ *lepʉ̌ sẅé sie mèŋ n ŋwe’e fʉ̀’ɔɔn ńnáa né pi wɔ́, à gwɔ́ pɔ́ nzẅìŋe *lepʉ̌ gẅie pi ne ńzsé tà fó nzyeté, wɛ̌ nzẅìŋe *lepʉ̌ à gwɔ́ pɔ́ shwóŋè gie pi la jú’.

1 Jâŋ 3:24

Nyìŋ gẅie à kú’te mbʉ̌ Ssé, à ké ńda nnɛ́ nà Ssé la, e Ssé la nnɛ́ ná yé. Pege fó nà Zẅìge Ndʉalʉ̌a gie Ssé nǎ mbwo pege, ńzsé ngie e Ssé la nnɛ́ ná pege.

1 Jâŋ 4:13

Ammó gie á gÿo pege zsé ngie pege la nnɛ́ nà Ssé, e Ssé la nnɛ́ ná pege áa pá’ à la náa Zẅìge yé né pege.

1 Jâŋ 4:15

Nyìŋ lɔɔn ńzẅíŋ ngie Yěsô aa Míŋ Ssé, mbà Ssé lǎ nnɛ́ nà ngàŋ, angàŋ gíŋe ńda yé nnɛ́ nà Ssé.

1 Jâŋ 4:16

Á gʉa ná peg, mbà pɔ́ ne ńzsé pá’ Ssé kwoŋo wég pú’u, peg ka gyá yɛ̌ ntí nkwòŋe tà ńzẅíŋ. E Ssé gẅiin pɔ́ nkwòŋe, nyìŋ lɔɔn ńne ńkwoŋo pʉ̀a mesoŋ, mbà ngàŋ la nnɛ́ nà Ssé, e Ssé la nnɛ́ ná yé.

2 Jâŋ 1:2

Peg kwoŋo gẅí, á fóo ná pá’ nò nénʉ́ áa tsɛ̀ɛ ntʉ́m wégè, é ké lá’a tsẅé gwɔ́ pɔ́ tsoló.

2 Jâŋ 1:9

Nyìŋ lɔɔn tè kú’te pɔ́ ndà’ nò gie Kristo la zí’i wégè wɔ́, ńgʉa mǒ ńkẅi’i tsɔ́ mmó, mbà ngàŋ pɔ́ Ssé té temte. Nyìŋ gẅie à kú’te nò gie Kristo la zí’i wégè pɔ́ Tá temte, mbɔɔ pɔ́ múɔ gíŋe ńtemte.

3 Jâŋ 1:3

Anò ka zɔɔn ḿboŋo wɔ̀ɔn tɛ’, á nue tsɔ́ mefɛ́ pege ka tǒ jʉ’ɔɔn, éshwóŋó wɔ̀ɔn ngie ɔ̀ kě ńda nnɛ́ pɔ́ nà nò nénʉ́, ḿbiŋ ńne ńgiŋe jú pɔ́ pá’ á ne ńzɛ́te.

Ŋwà’ne Ngyà jʉ’ 3:11

Mèŋ n ge tɔ́g tó. Pi kú’te mmó gie áa mbwo pi tà à tʉ ńzsé ngie tsɔ̌ nyìŋ tè kẅé gi ngú’ wɔ́.

Ŋwà’ne Ngyà jʉ’ 3:3

Pú’u la, pi ké ńkímte mmó gie mé la zí’i gẅí, ńgíŋe ńkímte ntí gie pi la lɔg ńjú’. Pi kú’te yɛ̌ mmó, ńkúbe mà gẅi. Pi lɔɔn ńnyé ńdyé lyě, mbà mèŋ n ge vege vege tó pá’ ntsǒŋ la, tà pi é le zsé fʉ̀’ gie mèŋ n ne ńtóo wɔ́.