1 Jâŋ 2:18 - Nouveau Testament en Ngienboum

¹⁸ Penkʉ́ pɔ́ɔn, afʉ̀’ʉ nzsònzèm ne ńku’u. Pi la jú’ mé gɔɔn ngie, angàŋ mbù Kristo ge lá’ tó. Áa fʉ̀’ɔɔn, mbà megàŋ mbù Kristo kěen ńtó tà ńgyɔ́ɔn gyɔ́ɔn. Áa mmó gie á gÿǒ pege zsé ngie à fʉ̀’ʉ nzsònzèm ne ńku’u.

1 Jâŋ 2:18 ပူးပေါင်းရင်းမြစ်များ

Matio 24:11

Pà *ntsẅì nkʉ̀ Ssé pe cÿɔ’ nò kẅɛte tà ńgyɔ́ɔn, éfʉte lelÿò pʉ̀a.

Matio 24:24

mélà’mie pà nzà’ nkÿo pe cÿɔ̌ nò, lâ pà *ntsẅì nkʉ̀ Ssé pe cÿɔ̌ nò ge lá’ kẅɛ, é nyɛ memáa meliŋé, é gÿo menò mmɔɔn mmɔɔn lélɔg fʉte pʉ̀a tà ńgyɔ́ɔn, tà ńgwáa we pɔ́ gwe’e ńku’, mbà à lɔɔn ńgwɔ́ pɔ́ fʉte mbɔɔ pʉ̀a pie Ssé la tsɔ́’.

Matio 24:5

Á nue pʉ̀a tà ńgyɔ́ɔn ge gÿo tÿɔ́g lezíŋ sɔ́ɔn mvfò, wɔ̌wɔɔ ná pɔ́b wɔ́ gɔɔn ngie: Aa *Nzà’nkÿo, é gɔɔn pú’u lɔg fʉte pʉ̀a tà ńgyɔ́ɔn.

Malékuse 13:6

Epʉ̀a tà ńgyɔ́ɔn ge gÿo tÿɔ́g lezíŋ sɔ́ɔn mvfò, awɔ̌wɔ́ɔ ná pɔ́b gɔɔn ngie aa *Nzà’nkÿo, é gɔɔn pú’u, lɔg fʉte pʉ̀a tà ńgyɔ́ɔn.

Ŋwà’ne Jâŋ 21:5

Á gɔɔn né pɔ́b ngie: Ńgie mbà pʉ̀a pɔ́ɔn, tà pi fǒ ńgẅiin mbaŋ ssó lá? Pɔ́ gɔɔn ngie ngǎŋ.

Roma 13:11

Pi kag tʉ̀, ńgÿo mɛ̌ menò á nue pi ne ńzsé kème njÿó gie pege ee mǒ. Yɔɔn áa fʉ̀’ gie á zɛ́te ngie pi zyeen. Á nue áa fʉ̀’ɔɔn, mbà fʉ̀’ gie Ssé ge gÿo pege tsẅɛ́, á pɔɔnté, ńtɔ́g pá’ á laa fʉ̀’ gie pege lá nyé ńzyete lézáb ntʉ́m nà Ssé.

Roma 13:12

Letsẅɛ́’ zyě ńgiŋ, njÿó ne ńdʉ́a. Pú’u la, pege gwá’ mefà’ mie mé fa’a pɔ́ tsɛ̀ɛ nzěm, pege kaa shúm ncù sie mé tyé ná jʉ’e kyɛ̀’, ńdɔg ńdÿɔ́’ ncù.

Heber 1:2

Á kéen ńgwɔ́ nà yégè kème njÿó yɔɔn gie á cʉ́’ ńgwɔ́ pɔ́ ye lɔg ńzsote, á gɔɔn nò né pege, ńgwɔ gɔɔn, ńcʉa pɔ́ ná Míŋ we. Á gwɔ́ yé gẅie à la cʉa ná yé, ńnyɛte njÿó ntsèm, ḿbiŋ ńgíŋ ńzába yé pá’ kɔ̀ɔkɔ́ɔ ge lá’ gwɔ́ pɔ́ yé.

1 Piɛ 1:20

E Ssé la mvɔg ńtsɔ́’ɔ yé ná yɛ̌ nò, tá ńnyɛte njÿó. À kéen ńgʉa ná yɔɔn fʉ̀’ gie á lɔgɔ ńzsote, ńtÿɔ́gɔ yé mangyɛ̌ ńtí gẅí.

1 Piɛ 1:5

ée shúm sí, pi pʉ̀a pie Ssé ne ńdɔgɔ metʉ̀ mé ḿbyɛ́bɛ gẅí, á gwɔ́ pá’ pi ne ńzába ntʉ́m ná yé. À pyɛ́bɛ gẅi pá’ pi ge gÿo gẅiin letsẅɛ́ gẅie à ge lá’a lyɛ’ɛ́ nzsònzèm é gÿo mé gyá.

1 Piɛ 4:7

Afʉ̀’ʉ nzsòte kɔ̀ɔkɔ́ɔ wɔ́, á ne ńku’u. Pá’ áa pú’u la, pi gwɔ́ pàzsé nò. Tà pi gwá’a lÿɔg, ńzsé ngie pi ge ku’u lésẅíŋte Ssé.

2 Piɛ 2:1

Pà *ntsẅì nkʉ̀ Ssé pe cÿɔ̌ nò laa tsɔ́ fʉ̀’ ńgwɔ́ tsetsɛ̀ɛ pʉ̀a Israel, áa ndʉŋ ndʉŋ pá’ pà zí’i pʉ̀a nò Ssé pe cÿɔ̌ nò ge gÿo kẅɛte tsetsɛ̀ɛ pi. Pɔ́ ge gÿo lɔg pɔ́ ndɔ́ɔn ndɔ́ɔn é zí’i pʉ̀a cÿɔ̌ nò, é gwɔ́ gẅie ńgwɔ́ é cʉ́ŋte letʉ́m pʉ̀a, é gwɔ́ gwɔ́ tà moŋe Ndè gẅie à la gÿo pɔ́ tsẅɛ́, é gÿo pú’u, lɔg shwoŋ ngʉ̀ngʉ̀ gie e ge pyága wɔ́b, e ké le líi létó wɔ́.

2 Piɛ 3:3

Pi zɔɔn ḿvɔg ńzsé ngie, áa gÿo gwɔ́ nà melyɛ’ɛ́ lá’ nzsó nzèm, etsɔ́ pʉ̀a kẅɛ, ńgÿo yɔ́b pɔ́ mmó gie membùm mɔ́b ne ńtsóte wɔ́b ngie pɔ́ gÿo. Pɔ́ ge gẅe gẅí,

1 Jâŋ 2:22

Angàŋa cÿɔ nò aa wɔ̌? À tè gwɔ́ pɔ́ nyìŋ gẅie à gɔɔn ngie Yěsô tè *Nzà’nkÿo wɔ́ le? Aa ngàŋ mbù Kristo, ńgwɔ́ nyìŋ gẅie à gwaa lʉ’ʉ nò Tá, ńdʉ’ mbɔɔ ye Múɔ.

1 Jâŋ 4:1

Meshǔ pɔ́ɔn pe tʉ̀ nzẅìŋ, tà pi jú’ nyìŋ gɔɔn ngie Zẅìge Ndʉalʉ̌a áa ná yé, pi gwóon ńzẅíŋ zẅíŋ, té cwoŋo ńdíe ka áa kwà’ Zẅìge Ssé wɔ́. Á nue pà *ntsẅì nkʉ̀ Ssé pe cÿɔ̌ nò pǔ ńgyɔ́ɔn tsɛ̀ɛ njÿó tɛ’.

1 Jâŋ 4:3

Tá nyìŋ lɔɔn ńké ńdʉ’ʉ lézẅíŋ ngie Yěsô Kristo la tó ńgwɔ́ nyìŋ mesoŋ, mbà ngàŋ tè gẅiin Zẅìge gie á fóo mbwo Ssé wɔ́, ayé Zẅìge áa gie á fóo mbwo ngàŋ mbù Kristo gẅie pi la jú’ mé gɔɔn ngie à ne ńtóo. À kěen ńké ńdá’ ńtó tà ńgwɔ́ tsɛ̀ɛ njÿó.

2 Jâŋ 1:7

Pàcÿɔ nò kéen sa njÿó tà ńgyɔ́ɔn. Pɔ́ té ńne ńzẅíŋe ngie Yěsô Kristo la kwà’ sele ńcʉ́’ʉ nyìŋ mesoŋ wɔ́, pɔ́ ée kwà’ megàŋa cÿɔ̌ nò, ńgwɔ́ megàŋ mbù Kristo.

Jẅide 1:18

Pɔ́ la gɔɔn ngie, á ge lá’ gwɔ́ nà fʉ̀’ gie njÿó ge magá, epʉ̀a gẅe gẅí, ńgÿo menò tepòŋ ná ntí gie mbùm yɔb ne ńtsóte wɔ́b légÿo pú’u.