1 Jâŋ 2:14 - Nouveau Testament en Ngienboum

¹⁴ Penkʉ́ pɔ́ɔn, mèŋ n gee pá’ɔɔn ńne ńŋwe’e shwóŋó gẅi ngie pi ne ńzsé Tá wege, ńgʉa ná pi melÿò, mbà mèŋ n gee pá’ɔɔn ne shwóŋó gẅi ngie pi ne ńzsé nyìŋ gẅie aa wó tà fó nzyeté, ńgʉa ná pi pûɔ shum, mèŋ n ne shwóŋó gẅi ngie, pi ne ńtʉte tʉte, ashwóŋè Ssé ké ńgwɔ́ pɔ́ ntʉ́m pi, pi kěen ńtʉ̀ ńcʉa nyìŋ tepòŋ.

1 Jâŋ 2:14 ပူးပေါင်းရင်းမြစ်များ

Ŋwà’ne Jâŋ 15:7

Pi lɔɔn ńda nnɛ́ ná mèŋ, ashwóŋè yɔ́ɔn gwɔ́ tsɛ̀ɛ ntʉ́m pi, pi lúɔ mmó gie pi kwǒŋ, mbà mé ge gÿo yɛ̌ mbwo pi.

Ŋwà’ne Jâŋ 5:38

Ashwóŋè yé té ntʉ́m pi wɔ́, mélà’mie pi kaa záb ntʉ́m ná nyìŋ gẅie à la túmo yé wɔ́.

Ŋwà’ne Jâŋ 8:31

Yěsô gɔɔn mbwo pà Yuda pie pɔ́ zǎb ntʉ́m ná yé ngie: Pi lɔɔn ńkú’te shwóŋè yɔ́ɔn, mbà pi ge gwɔ́ kwà’ *ngàŋa kwò yɔ́ɔn.

Ŋwà’ne Jâŋ 8:37

Mèŋ n né ńzsé ngie pi ee ngẅɛ̀ Ábalam, tá’ pi ne fa’a lézẅé wɔ̀ɔn, á nue pi ne ńdʉ’ʉ shwóŋè yɔ́ɔn lʉ’.

Efeso 6:10

Nzsò nzèm nò gie mèŋ n ge shwóŋó gẅí, á gwɔ́ pɔ́ ngie: Pá’ pi la nnɛ́ ná Cʉ̀apʉ̀a la, pi kẅé metʉ̀ mbwo ye. Àa ngàŋ metʉ̀ ntsèm. Pi kẅé metʉ̀ mbwo ye.

Filipo 4:13

Kristo zɔ náa wɔ̀ɔn metʉ̀, tá mèŋ n ku’u légÿo pú’u.

Kolosia 1:11

Peg gǐŋ ne ńdúɔ mbwo Ssé ngie à lɔg pá’ metʉ̀ pɔ́ legú’ e gwɔ́ pɔ́ mé, ńgÿo pi kwa’ ńtʉte tá ńku’u léshÿɔg menò ntsèm té tsyɛte nnɛ́.

Kolosia 3:16

Pi lɔgɔ shwóŋè Kristo ńzye ntʉ́m gẅi kwà’ mboŋó. À cʉa pú’u, pi gẅiin zse nò lélɔg ńzí’i mmó tsetsɛ̀ɛ pi, mbɔɔ lélɔg ńtÿɔ́gte mennɛ́ mí. Pi zɔb ntse ńdɔg ńgu’te Ssé nê ngwòŋ ntʉ́m gẅi ntsèm, ńdɔg ńná ndǎg mbwo yé. Pi zɔbɔ pú’u, mezɔ́b mie ée tsɛ̀ɛ ŋwà’ne Ssé, ńzɔbɔ zɔ́bɔ pʉ̀a Kristo, ńzɔb mezɔ́b mie Zẅìge Ssé ne ńnéŋe ntʉ́m pi.

2 Timote 2:1

Ńké ńgʉa ná gù míŋ wɔɔn, ɔ̀ ké ne ńjʉ́’ʉ pɔ́ nà metʉ̀ mie Yěsô Kristo lɔgɔ ńcÿó gʉm yégè, ńzsé ngie ɔ̀ ge tʉte tsɛ̀ɛ nò gie áa nénʉ́.

Heber 8:10

Tá *akʉ̀a gie mèŋ n ge gwaa tsetsɛ̀ɛ pega pʉ̀a Israel á yɔɔn. Yɛ̌ fʉ̀’ ge gÿo gwɔ́ tà tɔ́g, mèŋ Cʉ̀apʉ̀a zɔ gɔɔn Mèŋ n gÿo legyè sɔ́b ńnéŋe ńtyé pɔ́ nà mbʉ̌ mɔ́ɔn mbɔɔ ntʉ́m wɔ́b tyé pɔ́ mǒ Mèŋ n gwɔ́ Ssé yɔb pɔ́ gwɔ́ pʉ̀a pɔ́ɔn

1 Jâŋ 1:1

Peg ŋwe’e yɔɔn ŋwà’ne ńnáa né pi ńdɔgɔ shwóŋó gẅi nò ná shwóŋè gie á gÿo mé gwɔ́ wó, á gie aa ńgwɔ́ pɔ́ wó tà fó nzyète shúm ntsèm, peg la lɔg metuŋó még ńjú’, ńdɔg nÿɔ́g még ńgyá, ńnyɛte ńdíe ńdɔg mbwó még ńkíbe.

1 Jâŋ 1:10

Pege ke ńgɔɔn ngie pege tè ngàŋ mefʉa wɔ́, mbà pege lɔgɔ Ssé ńtóŋo ngàŋa cÿɔ nò, ashwóŋè yé lěen ńdɔgɔ ńgwɔ́ ná pege wɔ́.

1 Jâŋ 2:13

N ne shwóŋó gẅi melÿò ngie: Pi ee pɛ́’ɛ̀ ńne zsé Nyìŋ gẅie aa wó tà fó nzyeté, ńne shwóŋó gẅi pûɔ shum ngie pi kéen ńtʉ ńcʉa nyìŋ tepòŋ.

2 Jâŋ 1:2

Peg kwoŋo gẅí, á fóo ná pá’ nò nénʉ́ áa tsɛ̀ɛ ntʉ́m wégè, é ké lá’a tsẅé gwɔ́ pɔ́ tsoló.

3 Jâŋ 1:3

Anò ka zɔɔn ḿboŋo wɔ̀ɔn tɛ’, á nue tsɔ́ mefɛ́ pege ka tǒ jʉ’ɔɔn, éshwóŋó wɔ̀ɔn ngie ɔ̀ kě ńda nnɛ́ pɔ́ nà nò nénʉ́, ḿbiŋ ńne ńgiŋe jú pɔ́ pá’ á ne ńzɛ́te.

Ŋwà’ne Ngyà jʉ’ 2:3

Pi ne ńkaga tʉ̀. Pi ka gyá ngɔ́’ ńtí wɔ̀ɔn, ńké tè kʉ́a.

Ŋwà’ne Ngyà jʉ’ 2:7

Nyìŋ lɔɔn ńgẅiin metuŋó, á jú’u nò gie Zẅìge Ssé ne ńgɔɔn mbwo mecú’tè pʉ̀a Kristo lɔɔn. Mèŋ n ge gÿo ná ntɔ̌ɔn gẅie éfóo ná tÿǒ gie á gÿo mé gwɔ́ wó, á mbwo nyìŋ gẅie à lÿɔ̌’ ncù tà ńcʉa nò tepòŋ, à jÿó. Yɛ̌ tÿǒ áa tsɛ̀ɛ nká’a Ssé.