1 Jâŋ 2:12 - Nouveau Testament en Ngienboum

¹² Penkʉ́ pɔ́ɔn, mèŋ n gee tsɛ̀ɛ yɔɔn ŋwà’ne, ńne shwóŋó gẅi ngie e Ssé cʉa nà mmó gie Yěsô Kristo la gÿo, ńdege menò tepòŋ mí ńná né pi.

1 Jâŋ 2:12 ပူးပေါင်းရင်းမြစ်များ

Lukase 24:47

Á ne ńzɛ́te ngie mé lá’ ńdɔg lezíŋ sɔ́ɔn, ńgɔɔn nò Ssé mbwo lá’a lá’ ngie wɔ̌wɔ́ɔ kúbe mà we, e Ssé lege menò tepòŋ mé. Pú’u, é ké zye Yerósalem.

Lukase 5:20

Yěsô gyá ntí gie pʉ̀a pɔɔn lɔ̌g ńzáb ntʉ́m ná yé, ńgɔɔn né ngùɔ ngie: Ashǔ wɔ̀ɔn, mé legé menò tepòŋ mú ńnáa mbwo ɔ̀.

Megàŋ ntúm 10:43

Yé zɔ zɔɔn ńgwɔ́ nyìŋ gẅie pà *ntsẅì nkʉ̀ Ssé metsèm lɔ́ɔn ńda’te, pá’ pɔ́ la ne ńgɔɔn ngie: Awɔ̌wɔ́ɔ gẅie à zǎb ntʉ́m wé ná yé wɔ́, e Ssé ge lege menò tepòŋ ngàŋ é náa mbwó yé, é tí yé.

Megàŋ ntúm 13:38

Mefɛ́ mefɛ́, pi zsé ngie mé shwóŋó gẅi lyɛ̌’ɔɔn ngie e Ssé e lege menò tepòŋ pʉ̀a pá’ɔɔn ńzẅɛ́’ɛ Yěsô. Awɔ̌wɔ́ɔ gẅie à zǎb ntʉ́m wé ná Yěsô ŋwɛ́ wɔ́, e Ssé líe yé á gwɔ́ mvfò yé ńgwɔ́ ndʉŋ ndʉŋ. Yɔɔn piŋ ńgwɔ́ mmó gie *lepʉ̌ Mǒsê la tè ku’u légÿo wɔ́.

Megàŋ ntúm 4:12

Epʉ̀a ké ńgẅiin lécʉa pɔ́ ná Yěsô tá ńtsẅɛ, á nue atsɔ̌ nyìŋ ndyɛ̀’ɛ tè tsɛ̀ɛ yɔɔn njÿó ńgwɔ́ gẅie e Ssé la zába yé légwɔ́ gie pege ge cʉa nà yé tsẅɛ wɔ.

1 Korento 6:11

Áa pá’ tsɔ́ pʉ̀a tsetsɛ̀ɛ pi ka zɔɔn ńgwɔ́ pú’u. Tá’ e Ssé ka sɔg mɛ̌ menò ná pi, ńdɔgɔ gẅi ńgÿo pʉ̀a pé. E Ssé yege ka lɔgɔ Zẅìge yé ńgÿo pi cʉ́’ ńgwɔ́ pɔ́ pʉ̀a pie ée ndʉŋ ndʉŋ mvfò ye ńtí Cʉ̀apʉ̀a Yěsô Kristo.

Efeso 1:7

Míŋ we ŋwɛ́ la lɔg metse mé ńdɔg ńcu’u wégè, pege tsẅɛ́. E Ssé lege mefʉa mégè ńnáa mbwo pege. Yɔɔn áa nò té fʉ̀’ gie e Ssé la lɔg ńcÿó gʉm yégè,

Efeso 4:32

ńdíe mefɛ́ pí pɔ́ lê ntʉ́m mbòŋo, ńgẅiin tsɔ́ɔn mezìŋe nzèm petsɔ́ pʉ̀a, pi lege mefʉ̀a tsetsɛ̀ɛ pi né pi, ndʉŋ ndʉŋ pá’ Ssé la cʉa ná Kristo ńdege mí gí né pi.

Kolosia 1:14

Yé zɔ la gÿo e Ssé fó tsɛ̀ɛ nò tepòŋ ńcu’u wégè, ńdege mefʉa mégè, ńnáa mbwo pege.

1 Jâŋ 1:4

Peg ŋwe’e yɔɔn nò ńnáa mbwo pi, légwɔ́ gie tsɔ́ mmó té ge zága nà weg lekág wɔ́.

1 Jâŋ 1:7

Tá ńké ńgwɔ́ gie pege lɔɔn ne ńgiŋe ná jʉ’e fɔ̌g pá’ yé lê twó yé aa nà jʉ’ʉ fɔ̌g la, mbà pege ge pú gẅiin tà’ ncwò tsetsɛ̀ɛ pege, metse Míŋ we Yěsô leen ńké sɔgɔ wégè ná nò tepòŋ ntsèm.

1 Jâŋ 1:9

Pege lɔɔn ńzẅíŋ mefʉa mégè, mbà Ssé ge lege ná né pege, éfó ná pege kẅile nò tepòŋ ntsèm, mélà’mie e Ssé ka’a mmó ńgÿo, á gwɔ́ ndʉŋ ndʉŋ

1 Jâŋ 2:1

Epúɔ mémá pɔ́ɔn, mèŋ n ŋwe’e mɔɔn menò légwɔ́ gie pi ge gẅiin shÿó tà pi le gÿo nò tepòŋ wɔ́. Tá ńgwɔ́ gie nyìŋ gÿo nò tepòŋ, mbà pege gẅiin wege nyìŋ lejʉ́ŋ Tá, á gwɔ́ Yěsô Kristo, yé gẅie aa ndʉŋ ndʉŋ mvfò Ssé.

1 Jâŋ 2:21

Mèŋ n ka gwaa ŋwe’e ŋwà’ne ná né pi mèŋ n tě ńdɔgɔ ńgɔɔn ngie pi tè ne ńzsé nò nénʉ́ gwɔ́ wɔ́. Á gwɔ́ pɔ́ nò gie pi ne ńzsé. Pi giŋé ńne ńzsé ngie, etsɔ́ cÿɔ nò lɔɔn ńgwɔ́ é le tsɛ̀ɛ nò nénʉ́ kẅɛ.

1 Jâŋ 2:7

Meshǔ pɔ́ɔn pe tʉ̀ nzẅìŋ, sɔɔn té gwɔ́ pɔ́ *lepʉ̌ sẅé sie mèŋ n ŋwe’e fʉ̀’ɔɔn ńnáa né pi wɔ́, à gwɔ́ pɔ́ nzẅìŋe *lepʉ̌ gẅie pi ne ńzsé tà fó nzyeté, wɛ̌ nzẅìŋe *lepʉ̌ à gwɔ́ pɔ́ shwóŋè gie pi la jú’.