1 Jâŋ 2:10 - Nouveau Testament en Ngienboum

¹⁰ Nyìŋ gẅie à kwoŋo fɛ́ we, aa nyìŋ gẅie ngÿǒ menò mé ée me jʉ’ʉ fɔ̌g. À lɔɔn ńgwɔ́ á le kwɔɔnte nà tsɔ́ mmó ńgwe ssé wɔ́.

1 Jâŋ 2:10 ပူးပေါင်းရင်းမြစ်များ

Matio 13:21

tá pɔ́ té nyé á lyɛ menŋaŋ ntʉ́m pɔ́b wɔ́, á nue pɔ́ gwɔ́ pɔ́ pʉ̀a lyɛ’ɛ́ lá’. Mé gwɔ́ tà ńzye lékʉ́e wɔ́b, ńnyɛɛ wɔ́b ngɔ́’ mélà’ nò Ssé pɔ́ gwóon ńgwá’.

Matio 18:7

Ndoon ee two pʉa pie pɔ ee tsɛ yɔɔn njÿo, ńgÿo pʉa fʉate meno! Aa nenʉ meno mie é lɔɔn ńgwɔ́ é gÿo nyìŋ fʉa manzse, ée tsɛ̀ɛ njÿó tà ńgyɔ́ɔn. Mɛ̌ menò téen ndá’a ńzága wɔ́. Tá’ àshÿó tepòŋ ké ńgwɔ́ nyìŋ gẅie a ge gÿo nyìŋ fʉa manzse!

Ŋwà’ne Jâŋ 11:9

Yěsô gɔɔn ngie: Tà’a lyɛ’ɛ́ lá’ tè gẅiin menèm ntsɔ̀b pʉ́a nê legém wɔ́ le? Nyìŋ lɔɔn ńgiŋ fʉ̀’e zsó, mbà à tè kwɔɔnte wɔ́, mélà’mie kyɛ̀’ɛ njÿó ne ńgÿo mé gyá jʉ’.

Ŋwà’ne Jâŋ 12:35

Yěsô tsɔ́’ɔ mbwo pɔ́b ngie: Akyɛ̀’ té ge gíŋe gwɔ́ tsetsɛ̀ɛ pi tà ntyě sag wɔ́. Akyɛ̀’ nyé ssé, pi giŋ, ḿbɔ́g nzěm lékẅɛ́te gẅí. Á nue nyìŋ ne ńgiŋe tsɛ̀ɛ nzěm, á le zsé jʉ’ gie à gee né wó wɔ́.

Ŋwà’ne Jâŋ 8:31

Yěsô gɔɔn mbwo pà Yuda pie pɔ́ zǎb ntʉ́m ná yé ngie: Pi lɔɔn ńkú’te shwóŋè yɔ́ɔn, mbà pi ge gwɔ́ kwà’ *ngàŋa kwò yɔ́ɔn.

Roma 14:13

Pú’u, tà pege gíŋe ńŋag mennɛ́ mégè. Ammó gie pi gẅiin légÿo á gwɔ́ pɔ́ pá’ pi ge pɔ́ɔn légÿo tsɔ́ mmó gie fɛ́ gẅi ge kwɔɔnte mǒ à tsóte yé à gÿo nò tepòŋ.

Filipo 1:10

À cʉa pú’u, pi ku’u lépíi ye mbòŋo, éshwoŋo nò nénʉ́. À lá’a lyɛ̌’ gie Kristo ge lá’ gíŋ tó, pi gwɔ́ pà tèfʉa.

2 Piɛ 1:10

Mefɛ́ pɔ́ɔn, pá’ áa pú’u la, pi kẅi’i ńkag tʉ̀, légwɔ́ gie pi ge gÿo mé zsé mboŋó ngie Ssé la tóŋo gẅí, ńtsɔ́’ɔ gẅí. Pi lɔɔn ńnéŋe ná yɛ̌ ntí, mbà pi těen ńdá’a ńgwe nà nò tepòŋ wɔ́.

1 Jâŋ 2:11

Tá nyìŋ gẅie à pʉa fɛ́ we, aa nyìŋ gẅie ngÿǒ menò ée me tsɛ̀ɛ nzěm, á giŋe tsɛ̀ɛ nzěm, ńké tè ne ńzsé jʉ’ gie à gee né wó wɔ́, mélà’mie nzěm léen ńgÿo á fʉ̀.

1 Jâŋ 3:14

Pege fó ná pá’ pege ne ńkwoŋo mefɛ́ pege, ńzsé ngie pege tè gíŋe ńgwɔ́ mepfó wɔ́, pege ee ntentʉ́. Nyìŋ gẅie à tè nyìŋ mesoŋ kwoŋ, nyě ńgwɔ́ pɔ́ mpfó.