1 Jâŋ 1:9 - Nouveau Testament en Ngienboum

⁹ Pege lɔɔn ńzẅíŋ mefʉa mégè, mbà Ssé ge lege ná né pege, éfó ná pege kẅile nò tepòŋ ntsèm, mélà’mie e Ssé ka’a mmó ńgÿo, á gwɔ́ ndʉŋ ndʉŋ

1 Jâŋ 1:9 ပူးပေါင်းရင်းမြစ်များ

Matio 3:6

ńtyé mvfò mânyìŋ ntsèm, ńzẅíŋe meno tepoŋ mɔ́b, á nu’u wɔ́b tsɛ̀ɛ ntse Jurdeŋ.

Malékuse 1:5

Pʉ̀a tà ńgyɔ́ɔn leen ńké fóo tsɛ̀ɛ pàga ngwòŋ Jẅidea ńtóo, lelÿò fóo Yerósalem ńtóo ńgyá Jâŋ, ńzẅíŋe menò tepòŋ mɔ́b, á nú’u wɔ́b tsɛ̀ɛ ntse Jurdeŋ.

Lukase 22:57

Piɛ lʉ’, ńgɔɔn né yé ngie: Manzwě wɛ, mèŋ n tè ne ńzsé yé wɔ́!

Ŋwà’ne Jâŋ 17:25

Tá wɔ̀ɔn, ɔ́ɔ nénʉ́, tá pʉ̀a tsɛ̀ɛ njÿó ka tè gú zsé, mèŋ n kě ńne ńzsé gú, pɔɔn pʉ̀a kéen ńzsé ngie gù zɔ la túmo wɔ̀ɔn.

Megàŋ ntúm 19:18

Lelÿò pʉ̀a zẅíŋe nò Yěsô, ḿbiŋe ne ńtóo ńtyé tsetsɛ̀ɛ pʉ̀a ńkwé’e ngyè yɔb tÿǒ ńzẅíŋe mmó gie pɔ́ ka gÿo, á tepòŋ.

Roma 3:26

À kaa fʉ̀’ó ne shÿɔgɔ shÿɔg ńzẅí’te, tá’ áa fʉ̀’ɔɔn, á ne ńnyɛɛ ngie àa ndʉŋ ndʉŋ, ńgíŋe ńnyɛɛ ngie à líe nyìŋ gẅie à záb ntʉ́m wé ná Kristo á gwɔ́ pɔ́ ndʉŋ ndʉŋ mvfò yé.

1 Korento 1:9

Yé Ssé gẅie à la tsɔ́’ɔ gẅi pá’ pi ge ńnéŋe fʉ̀’ ntsèm é la nnɛ́ nà Míŋ we Yěsô Kristo gẅie aa Cʉ̀apʉ̀a wege, aa ntě ńka’a mmó gie à ge gÿo ḿbiŋe ńkúbe wɔ́.

1 Korento 6:11

Áa pá’ tsɔ́ pʉ̀a tsetsɛ̀ɛ pi ka zɔɔn ńgwɔ́ pú’u. Tá’ e Ssé ka sɔg mɛ̌ menò ná pi, ńdɔgɔ gẅi ńgÿo pʉ̀a pé. E Ssé yege ka lɔgɔ Zẅìge yé ńgÿo pi cʉ́’ ńgwɔ́ pɔ́ pʉ̀a pie ée ndʉŋ ndʉŋ mvfò ye ńtí Cʉ̀apʉ̀a Yěsô Kristo.

Efeso 5:26

ńgÿo pú’u, ńdɔg faga cú’tè yé ńnáa mbwo Ssé. Á gwaa gwɔ́, mbà à lɔ̌g ntse sɔgɔ wɔ́b, ńgíŋe ńdɔgɔ shwóŋè ńkẅile *lɔ̌’ ná pɔ́b.

1 Timote 1:15

Yěsô Kristo la tóo tsɛ̀ɛ njÿó légÿo pʉ̀a tepòŋ tsẅɛ́, yɛ̌ nò áa jʉ’ó ńgwɔ́ pú’u, à lɔɔn ńgwɔ́ nyìŋ záb ntʉ́m wé mǒ ntsèm ntsèm. Mèŋ m biŋ ńgwɔ́ tsetsɛ̀ɛ pʉ̀a tepòŋ ńgwɔ́ ndúm.

Titus 2:14

Kwà’ yé à la náa twó yé ńtí wégè, lélɔg cu’u wégè mbwo menò tepòŋ mégè ntsèm. À la nyɛ́te wégè, pege cʉ́’ pʉ̀a pé, ńgwɔ́ pà tè *lɔ̌’, ńcʉ́’ ńnéŋe twó ńgÿo pɔ́ shúm sie ée mbòŋ.

Heber 10:23

E Ssé ka ka’a mmó mbwo pege. Aa ḿbiŋe ńka’a mmó, ńdá’a ńgÿo pɔ́ yɛ̌. Pú’u la, pege ké ńne ńkẅi’i shʉa shʉa ńgɔɔn ngie, pege ne ńzẅí’te mmó gie à la ka’ tà pege é le ne mʉ́’te wɔ́.

Heber 11:11

Á la fó pɔ́ ná pá’ Sara la záb ntʉ́m wé nà Ssé yé, á tsɛ ńcʉ́’ ńgwɔ́ pɔ́ ndÿò tɛ’ tá’, e Ssé ké ńgÿo yé gẅie à laa zyé shwoŋ, ńzyé múɔ á nue à la ne ńkwa’a ńzsé ngie e Ssé ka’a mmó mbwo nyìŋ ndà’ ńná.

Heber 6:10

E Ssé tè gÿo nò gie á té tyé wɔ́. À lɔɔn ńgwɔ́ á le lege mmó gie pi ka gÿo wɔ́, pá’ pi ka kẅéte mefɛ́ pi pʉ̀a Kristo, pi kě ńnyé ńkẅéte wɔ́b kẅéte, á lɔgɔ ńnyɛɛ ngie pi kwoŋ Ssé.

1 Jâŋ 1:7

Tá ńké ńgwɔ́ gie pege lɔɔn ne ńgiŋe ná jʉ’e fɔ̌g pá’ yé lê twó yé aa nà jʉ’ʉ fɔ̌g la, mbà pege ge pú gẅiin tà’ ncwò tsetsɛ̀ɛ pege, metse Míŋ we Yěsô leen ńké sɔgɔ wégè ná nò tepòŋ ntsèm.

Ŋwà’ne Ngyà jʉ’ 15:3

Pɔ́ ne ńzɔbɔ mezɔ́bɔ ntse mie, Mǒsê, ngàŋa fà’ Ssé la zɔb, ńgíŋe ńne ńzɔbɔ mie Mûɔ *Njʉ̀njÿò la zɔb, ńne ńgɔɔn tsɛ̀ɛ mɛ̌ mezɔ́b ngie: Cʉ̀apʉ̀a Ssé Ngàŋa tʉ̀ ntsèm, mefà’ mú ée wó tɛ’, mé gyá ḿvege vege. Gù Fùɔ gẅie ɔ̀ sá’a ngwòŋo ngwòŋ. Ammó gie ɔ̀ ka’á légÿo áa ndʉŋ ndʉŋ, ńgwɔ́ nò gie áa nénʉ́.