1 Jâŋ 1:8 - Nouveau Testament en Ngienboum

⁸ Pege lɔɔn ńgɔɔn ngie nò tepòŋ té ná pege wɔ́, mbà pege lɔgɔ pú’u, fʉa mánzsè, ḿbiŋe tě ńzsé nò nénʉ́ gie á fóo mbwo Ssé wɔ́.

1 Jâŋ 1:8 ပူးပေါင်းရင်းမြစ်များ

Ŋwà’ne Jâŋ 8:44

Agẅi tá aa Sátá, pi piŋ né ńkwoŋo légÿo mmó gie à né ńtsɔ́ɔn. Á gʉa ná yé, mbà tà fó nzyeté, á gwɔ́ pɔ́ nzẅè nyìŋ. À laa mé ńgiŋe tsɛ̀ɛ nò nénʉ́ wɔ́. Ńtí nue à tè nò nénʉ́ tsɛ̀ɛ ntʉ́m yé gẅiin, tà tsoon lǎg. À gwɔ̌ tà ne ńcÿɔ nò, á gwɔ́ pɔ́ kwà’ shwóŋè yé, á nue aa ngàŋa cÿɔ nò, ńgwɔ́ nyìŋ gẅie yé zɔ la nuŋe cÿɔ nò.

Roma 3:10

Á lɔgɔ ńcʉ́me ná pá’ mé la ŋwe’e tsɛ̀ɛ ŋwà’ne Ssé ngie. Atsɔ̌ nyìŋ mesoŋ gẅie aa ndʉŋ ndʉŋ à tè wó wɔ́. Tà tsǒon tà’.

Roma 3:23

á nue pɔ́b metsèm la zɔɔn ḿbú ńgÿo menò tepòŋ tà sɔ́ɔn legú’ gẅie aa lejʉ́ŋ Ssé.

1 Korento 3:18

MÀbɔ́ɔn nyìŋ léfʉte twó mbùm yé. Nyìŋ lɔɔn ńgwɔ́ tsetsɛ̀ɛ pi ńne ńkwaŋa ngie pʉ̀a njÿó ne ńgyá ngie áa nzsé nò, á zɔɔn ḿvɔg sele ńcʉ́’ʉ pʉ̀a tá ńdeen ńké ńgwɔ́ kwà’ nzsé nò.

Galatia 6:3

Nyìŋ lɔɔn ńkwaŋ ngie aa mmó, té gwɔ́ yɛ̌ mmó, mbà à sele fʉte twó mbùm yé.

1 Timote 6:5

ńgwɔ́ fʉ̀’ ntsèm ne ńzoŋo nò tsetsɛ̀ɛ pɔ́b zoŋ, á nue pɔ́ cʉ́’ʉ ńzsé nò nénʉ́ wɔ́, ńkwaŋa yɔ́b pɔ́ ngie nyìŋ lɔɔn ńzáb ntʉ́m nà Ssé, mbà àa mánzsè gẅie à ge fó mǒ gẅiin nkáb.

2 Timote 3:13

Tá’ n gɔɔn pá’ɔɔn pʉ̀a tepòŋ pâ ngàŋa fʉte ge gÿo lɔgɔ nò tepòŋ é kẅi’i gʉa pɔ́ lê mvfò, é ne fʉte pʉ̀a, pɔ́ gíŋe ne fʉte wɔ́b yɔ́b.

Ŋwà’ne Jâg 1:22

Tà pi gwɔ́ pàjú’u shwóŋè Ssé jú’ ndà’, pi gÿo mmó gie shwóŋè ŋwɛ́ gɔɔn ngie pi gÿo. Tà á té pú’u wɔ́, mbà pi sele fʉte mennɛ́ mí.

Ŋwà’ne Jâg 1:26

Nyìŋ lɔɔn ńne ńkwaŋa ngie aa nà nò Ssé, ncwò wé piŋ tè poŋ, mbà à fʉte twó mbùm yé. À we légwɔ́ ná nò Ssé gwɔ́ pɔ́ sẅɛ̀ɛ.

Ŋwà’ne Jâg 3:2

Pege pǔ fʉate menò ntí ntí pɔ́ tè vʉ’ʉ nyìŋ. Nyìŋ lɔɔn ńgwɔ́ nyìŋ gẅie à laa tóo ńgɔɔn nò é fʉa wɔ́, mbà aa nyìŋ té *lɔ̌’, ńku’u légwoonte mbùm ye ntsèm.

2 Piɛ 2:13

Pɔ́ lɔg pú’u, ńkẅé ntsɔ’ɔ́ fà’ menò tepòŋ mie pɔ́ la fʉ̀’. Anò poŋo wɔ́b tɛ’ légÿo shúm tepòŋ sie membùm mɔ́b ne ńtsɔ́ɔn, tà pá’ á lɔɔn ńgwɔ́ pɔ́ fʉ̀’ʉ zsǒ. Pia pɔ́ pǔ ńnéŋe ssé ḿpfɛ́ɛ shúm tá wɛ̌ légwɔ́ gwɔ́ nò shʉ́, ḿbú ḿbÿɔ́g tɛ’, á nue á ne ḿbóŋo wɔ́b pá’ pɔ́ ne fʉte gẅí.

1 Jâŋ 1:10

Pege ke ńgɔɔn ngie pege tè ngàŋ mefʉa wɔ́, mbà pege lɔgɔ Ssé ńtóŋo ngàŋa cÿɔ nò, ashwóŋè yé lěen ńdɔgɔ ńgwɔ́ ná pege wɔ́.

1 Jâŋ 1:6

Pege lɔɔn ńgɔɔn ngie pega pɔ̌ temté, tá ḿbiŋe ne ńgiŋe tsɛ̀ɛ nzěm, mbà pege cÿɔɔ nò, ńdɔgɔ tě ńgÿo mmó gie à ne ńkwoŋo wɔ́.

1 Jâŋ 2:4

Nyìŋ gẅie à gɔɔn ngie: «Mèŋ n zsé yé» Tá ńké tè mbʉ̌ mé kú’te, mbà ngàŋ aa ngàŋa cÿɔ nò, anò nénʉ́ gie á fó mbwo Ssé lɔgɔ tě ńgwɔ́ tsɛ̀ɛ ntʉ́m ngàŋ wɔ́.

1 Jâŋ 4:20

Nyìŋ lɔɔn ńgɔɔn ngie à ne ńkwoŋo Ssé, ńgwɔ́ gɔɔn pú’u, ńne ḿbʉa fɛ́ we, mbà aa ngàŋa cÿɔ̌ nò. Á nue nyìŋ lɔɔn tè kwoŋo fɛ́ we gẅie à ne ńgyá yé wɔ́, á le ku’u lékwoŋ Ssé gẅie à tè ne ńgyá yé wɔ́ wɔ́.

2 Jâŋ 1:2

Peg kwoŋo gẅí, á fóo ná pá’ nò nénʉ́ áa tsɛ̀ɛ ntʉ́m wégè, é ké lá’a tsẅé gwɔ́ pɔ́ tsoló.

3 Jâŋ 1:3

Anò ka zɔɔn ḿboŋo wɔ̀ɔn tɛ’, á nue tsɔ́ mefɛ́ pege ka tǒ jʉ’ɔɔn, éshwóŋó wɔ̀ɔn ngie ɔ̀ kě ńda nnɛ́ pɔ́ nà nò nénʉ́, ḿbiŋ ńne ńgiŋe jú pɔ́ pá’ á ne ńzɛ́te.