1 Jâŋ 1:6 - Nouveau Testament en Ngienboum

⁶ Pege lɔɔn ńgɔɔn ngie pega pɔ̌ temté, tá ḿbiŋe ne ńgiŋe tsɛ̀ɛ nzěm, mbà pege cÿɔɔ nò, ńdɔgɔ tě ńgÿo mmó gie à ne ńkwoŋo wɔ́.

1 Jâŋ 1:6 ပူးပေါင်းရင်းမြစ်များ

Matio 7:22

Á ge lá’ gwɔ́ lyɛ̌’ gie mèŋ n ge ńtsɔ́’te mentsaŋ, pʉ̀a tà ńgyɔ́ɔn gɔɔn ngie: Cʉ̀apʉ̀a! Cʉ̀apʉ̀a! Peg lɔ̌ɔn ntě ńdɔgɔ pɔ́ lezíŋ shú éshwóŋó nò Ssé gwaa? Peg lɔ̌ɔn ntě ńdɔgɔ pɔ́ lezíŋ shú ńjwoŋo *messé tepòŋ gwaa? Peg lɔ̌ɔn ntě ńdɔgɔ pɔ́ lezíŋ shú ńgÿo ndaa gyá nò gwaa?

Ŋwà’ne Jâŋ 11:10

Nyìŋ lɔɔn ńké ne ńgiŋe lêtsẅɛ́’, mbà à ge kwɔɔnte, mélà’mie mmó gie á ge kyɛ’ jʉ’ ná né yé á té wó wɔ́.

Ŋwà’ne Jâŋ 12:35

Yěsô tsɔ́’ɔ mbwo pɔ́b ngie: Akyɛ̀’ té ge gíŋe gwɔ́ tsetsɛ̀ɛ pi tà ntyě sag wɔ́. Akyɛ̀’ nyé ssé, pi giŋ, ḿbɔ́g nzěm lékẅɛ́te gẅí. Á nue nyìŋ ne ńgiŋe tsɛ̀ɛ nzěm, á le zsé jʉ’ gie à gee né wó wɔ́.

Ŋwà’ne Jâŋ 12:46

Mèŋ, n gee kyɛ̀’, n ka tóo tsɛ̀ɛ njÿó légwɔ́ gie nyìŋ lɔɔn ńzáb ntʉ́m ná mèŋ, á le gwɔ́ tsɛ̀ɛ nzěm wɔ́.

Ŋwà’ne Jâŋ 8:12

Yěsô gíŋe ńzye lézí’i mmó mbwo lá’, ńgɔɔn ngie: Akyɛ̀’ gie á kyɛ’ɛ jʉ’ náa né pʉ̀a mesoŋ tsɛ̀ɛ njÿó á gwɔ́ pɔ́ mèŋ. Nyìŋ lɔɔn ńcʉ́me nzèm mèŋ, mbà ngàŋ tě ńdá’a ńgiŋe tsɛ̀ɛ nzěm wɔ́. Mbà à gẅǐin kyɛ̀’ gie áa kyɛ̀’ɛ mánzsè kwà’ le gwɔ́.

Ŋwà’ne Jâŋ 8:55

Ńké tè ne ńzsé yé wɔ́, mèŋ n kě ne ńzsé yé. N dɔɔn ngie mèŋ n tè ne ńzsé yé wɔ́, mbà mèŋ n ge cʉ́’ʉ ngàŋa cÿɔ nò pá’ pi. Tá’ mèŋ n né zsé yé, ḿbiŋe ne ńgiŋe nà shwóŋè yé.

1 Timote 4:2

Á lɔgɔ ńgwɔ́ ngie mɛ̌ menò ge lá’ kẅɛɛ ncwò pʉ̀a pie pɔ́ cÿɔ nò, ńgwɔ́ pà nkwòŋ menÿɔ́g, mbà pɔ́ léen shÿɔg tà mbùm yɔb cʉ́’ʉ ńcúa wɔ́b pɔ́ téen ńjú’u wɔ́.

Ŋwà’ne Jâg 2:14

Mefɛ́ pɔ́ɔn, nyìŋ lɔɔn ngie à zǎb ntʉ́m wé nà Ssé, à tè fa’ méfà’ ńdɔg ńnyɛ wɔ́, mbà á ge kẅéte nà kɔ́? Tà ńgwɔ́ yɛ̌ ntí lezáb ntʉ́m nà Ssé é gÿo nyìŋ tsẅɛ́?

Ŋwà’ne Jâg 2:16

atsɔ̌ nyìŋ ná pi piŋ ńgɔɔn né pɔ́b ngie: Pi lo nê kwò gí ye mbòŋo. Mbùm gí lumte. Pi pfɛ́ ńzẅɛ́, ńgɔɔn pú’u, ńké tê náa tsɔ́ mmó gie á ge kẅéte wɔ́b gwɔ́, mbà wɛ̌ légɔɔn ge kẅéte nà kɔ́?

Ŋwà’ne Jâg 2:18

Ndyɛ̌’ ńgwɔ́ nyìŋ gɔɔn ngie: Aye tsɔ̌ nyìŋ gwɔ́ pɔ́ lézáb ntʉ́m wé nà Ssé, aye wetsɔ̌ gwɔ́ pɔ́ léfa’ mefà’. Mbà mèŋ n ge gɔɔn yɔ́ɔn mbwo yé ngie: Nyɛɛ wɔ̀ɔn pá’ à lɔɔn ńgwɔ́ ɔ̀ záb ntʉ́m nà Ssé té ne fa’a mefà’, mèŋ n dɔg mefà’ mɔ́ɔn ńnyɛɛ gú ngie n záb ntʉ́m nà Ssé.

1 Jâŋ 1:10

Pege ke ńgɔɔn ngie pege tè ngàŋ mefʉa wɔ́, mbà pege lɔgɔ Ssé ńtóŋo ngàŋa cÿɔ nò, ashwóŋè yé lěen ńdɔgɔ ńgwɔ́ ná pege wɔ́.

1 Jâŋ 1:3

Ammó gie peg la gyá ḿbiŋ ńjú’, áa yɛ̌ gie peg shwóŋó gẅi gí, ńzsé ngie pi ge temte ná peg, pege metsèm pú ńtemte ná Tá mbɔɔ ná Míŋ we Yěsô Kristo.

1 Jâŋ 1:8

Pege lɔɔn ńgɔɔn ngie nò tepòŋ té ná pege wɔ́, mbà pege lɔgɔ pú’u, fʉa mánzsè, ḿbiŋe tě ńzsé nò nénʉ́ gie á fóo mbwo Ssé wɔ́.

1 Jâŋ 2:4

Nyìŋ gẅie à gɔɔn ngie: «Mèŋ n zsé yé» Tá ńké tè mbʉ̌ mé kú’te, mbà ngàŋ aa ngàŋa cÿɔ nò, anò nénʉ́ gie á fó mbwo Ssé lɔgɔ tě ńgwɔ́ tsɛ̀ɛ ntʉ́m ngàŋ wɔ́.

1 Jâŋ 4:20

Nyìŋ lɔɔn ńgɔɔn ngie à ne ńkwoŋo Ssé, ńgwɔ́ gɔɔn pú’u, ńne ḿbʉa fɛ́ we, mbà aa ngàŋa cÿɔ̌ nò. Á nue nyìŋ lɔɔn tè kwoŋo fɛ́ we gẅie à ne ńgyá yé wɔ́, á le ku’u lékwoŋ Ssé gẅie à tè ne ńgyá yé wɔ́ wɔ́.