1 Jâŋ 1:5 - Nouveau Testament en Ngienboum

⁵ Anò gie Yěsô Kristo la shwóŋó wég, à yɔɔn gie peg ge shwǒŋ pi lɔɔn. À la gɔɔn ngie: E Ssé gwɔ́ pɔ́ kyɛ̀’, mbɔɔ méjʉ’ʉ nzěm à tè ná ngÿǒ menò me wɔ́.

1 Jâŋ 1:5 ပူးပေါင်းရင်းမြစ်များ

Ŋwà’ne Jâŋ 1:19

Jâŋ gÿo ńgɔɔn nò ńtí Yěsô. Á gwɔ́ tsɔ́ fʉ̀’, pàsá’a lá’ pà Yuda pie ée Yerósalem túm pànuŋe pwɔ́’ lâ pʉ̀a nà ngẅɛ̀ Lěvi, ńgie pɔ́ gʉa ńzɛ́te Jâŋ ngie: À gwɔ́ pɔ́ wɔ̌?

Ŋwà’ne Jâŋ 1:4

Legwɔ́ à laa ná yé, le gwɔ́ ŋwɛ́ á gwɔ́ kyɛ̀’ gie á kyɛ’ɛ pʉ̀a mesoŋ.

Ŋwà’ne Jâŋ 1:9

Yé shwóŋè ŋwɛ́ láa kwà’ kyɛ̀’ gie á tóo tsɛ̀ɛ njÿó lékyɛ’ɛ mânyìŋ ntsèm.

Ŋwà’ne Jâŋ 8:12

Yěsô gíŋe ńzye lézí’i mmó mbwo lá’, ńgɔɔn ngie: Akyɛ̀’ gie á kyɛ’ɛ jʉ’ náa né pʉ̀a mesoŋ tsɛ̀ɛ njÿó á gwɔ́ pɔ́ mèŋ. Nyìŋ lɔɔn ńcʉ́me nzèm mèŋ, mbà ngàŋ tě ńdá’a ńgiŋe tsɛ̀ɛ nzěm wɔ́. Mbà à gẅǐin kyɛ̀’ gie áa kyɛ̀’ɛ mánzsè kwà’ le gwɔ́.

Ŋwà’ne Jâŋ 9:5

Afʉ̀’ gie mèŋ n nyé tsɛ̀ɛ njyó, mèŋ, n gwɔ́ kyɛ̀’ɛ njÿó.

1 Korento 11:23

N da ké ńzí’i gẅi mmó gie mèŋ n zɔ la jú’u mbwo Cʉ̀apʉ̀a, á gwɔ́ ngie: Á laa letsẅɛ́’ gẅie mé la sẅiŋe Cʉ̀apʉ̀a Yěsô, á pí mbelég,

1 Timote 6:16

ée ndà’ yé gílé yé gẅie aa tèkwé. À ńnéŋe nà jʉ’ gie á pú ńŋwʉŋe tà ńgwɔ́ gie à lɔɔn ńgwɔ́ nyìŋ mesoŋ le tsíŋte tà ḿbɔ́ɔnte jʉ’ó wɔ́. Nyìŋ laa zɔɔn ńgyá yé wɔ́, ńgwɔ́ nyìŋ le ku’u légyá yé wɔ́. Á poŋ mekù’ mé mbɔɔ lefùɔ sé e lá’a ńgwɔ́ pɔ́ wó. *Amen.

Ŋwà’ne Jâg 1:17

Afù’ gie á poŋ tɛ’, mbɔɔ ntsɔ’ɔ́ fà’ we mbòŋo pú fóo pɔ́ tÿǒ lepwó, á mbwo Ssé gẅie à la nyɛte nèm lâ mecÿɔ́’ saŋ á lefaŋ. À tè kúbe, ńké tè nzěm gẅiin.

1 Jâŋ 3:11

Anò gie pi la jú’ tà fó nzyeté á gwɔ́ pɔ́ ngie: Pege gẅiin nkwòŋe tsetsɛ̀ɛ pege.

Ŋwà’ne Ngyà jʉ’ 21:23

Shʉ́shÿɔ́g Ssé ne ńkyɛ’ɛ yɛ̌ tÿǒsoŋ, kyɛ’ mûɔ *Njʉ̀njÿò gíŋe ne ńkyɛ’ɛ yé. Tà yɛ̌ tÿǒsoŋ té gíŋe ne ńtsɔ́ɔn ngie nèm tʉ́a wó wɔ́, ńké tè ne ńtsɔ́ɔn ngie saŋ kyɛ’ jʉ’ wó wɔ́.

Ŋwà’ne Ngyà jʉ’ 22:5

Letsẅɛ́’ těen ńge gÿo gíŋe gwɔ́ wó wɔ́. Pɔ́ té nge gÿo gíŋe tsɔ́ɔn kyɛ̀’ gie á fóo ná lâm wɔ́, é ké le ye nèm tsɔ́ɔn. Á nue Cʉ̀apʉ̀a Ssé ge gÿo lɔgɔ yé kyɛ̀’ é kyɛ’ɛ wɔ́b. Pâ pɔ̌ sá’ njÿó nà ngù’ nkɔ́ɔn nê nkɔ̌ɔn.