Römer 8:9 - North Frisian New Testament (Clemens)

⁹ Mar I sen ek ön dit Flēsk, mar ön di Geist, wan üders Gottes Geist ön ju unet. Mar hokken di Geist van Kristus ek hēd di komt höm ek tö.

Römer 8:9 ပူးပေါင်းရင်းမြစ်များ

Lukas 11:13

Wan I da, diär I ârig sen, ju Jungen gud Gaawen iiw kjen, hü vuul moar wel di Våder ön Hemmel di hellig Geist dânen iiw, diär höm bed.

Johannes 14:17

Dit es di Wårheids-Geist, welk di Wârld ek fo kjen, for jü sjogt höm ek, en käänt höm ek. Mar ik kään höm, for hi blewt bi ju, en skel ön ju wiis.

Johannes 14:23

Jesus swåret en said tö höm: Hokken mi lew heed, di wel min Uurd hoald, en min Våder wel höm lew ha, en wü wel tö höm kom, en Uning bi höm måke.

Johannes 3:34

For di diär van Gott stjürt es, di sprakt Gottes Uurd; for Gott jewt di Geist ek me di Måt.

Johannes 3:6

Wat van dit Fleesk geboren es, dit es Fleesk, en wat van di Geist geboren es, dit es Geist.

Forhandlings 16:7

En üs ja tögen Mysien kâm, forsågt ja, dör Bithynien tö reisin; en di Geist let et jam ek tö.

Römer 7:5

For üs wü ön dit Flēsk wiär, da wåd di sendig Lest apreget dör di Wet, en wåd magtig ön üs Led, om di Doad Frügt tö bringen.

Römer 8:1

Sa es er nü nin Fordamnis ön danen, diär ön Kristus Jesus sen, diär ek eter dit Flēsk, mar eter di Geist wandele.

Römer 8:11

Wan nü di Geist, diär Jesus van Doaden âpwäkt hēd, ön ju unet, da skel uk disalwige, diär Jesus van Doaden âpwäkt hēd, ju sterwelik Likhäm lewendig måke, om di wel, dat sin Geist ön ju unet.

Römer 8:2

For di Wet van di Geist, diär lewendig måket ön Kristus Jesus, hed mi frimåket van di Sends- en di Doads-Wet.

1 Korinther 15:23

Mar ark ön sin Ordning. Di Jestfrügt Kristus; diärna danen, diär Kristus töhir ön sin Tökomst.

1 Korinther 3:16

Wet I ek, dat I Gottes Tempel, en Gottes Geist ön ju unet?

1 Korinther 6:17

Mar hokken ön di Herr hinget, di es jen Geist me höm.

1 Korinther 6:19

Of wet I ek, dat ju Likhäm en Tempel van di hellig Geist es, diär ön ju es, welk I van Gott hå, en dat I ek ju ein sen.

2 Korinther 10:7

Se I üp dit, wat ütterlik es? Forlet sik hokken diärüp, dat hi Kristus töhjert, di tänk uk bi höm sallew, dat alliküs hi Kristus töhjert, sa hir wü uk Kristus tö.

2 Korinther 6:16

Watfoar en Lik hed Gottes Tempel me di Ofgotten? Mar I sen di lewendig Gott sin Tempel, alliküs Gott sprakt: I wel ön jam une, en ön jam wandele, en wel jår Gott wis, en ja skel min Volk wis.

Galalater 4:6

Wil I nü Biären sen, hed Gott sin Seens Geist stjürt ön ju Harten, di räpt: Abba, lew Våder!

Galalater 5:24

Dânen, welk Kristus töhir, krütsige jar Flesk samt di Lest en Begiärligheid.

Efeser 1:13

Dör höm ha I uk dit Urd van di Wårheid hjert, namelk dit Evangilje van ju Seligheid; dör höm sen I uk, wil I liwt ha, forsegeld uden me di hellig Geist eter di Tölowing.

Efeser 2:22

Üp welk I uk me âpbegt ud, tö Gottes Behüsing ön di Geist.

Efeser 3:17

Omdat Kristus dör di Glow ön ju Hart unet, en I dör di Lewde inwortelt en fast gründigt ud.

Filipper 1:19

For ik wet dat et mi slåget tö Seligheid dör ju Gebet, en dör di hellig Geist van Jesus Kristus sin Help.

2 Timotheus 1:14

Bewåre di gud Poand, welk di önbetrut uden es, dör di hellig Geist, diär ön üs unet.

1 Petrus 1:11

En ja hå eterforsket, tö welk en watfoar en Tid düdet di Geist van Kristus, diär ön jam wiär, en tovoaren betjügt hēd di Liden, diär ön Kristus sen, en di Herlikheid, welk diärüp fölligt.

1 Johannes 3:24

En hokken sin Geboten halt, di blewt ön höm, en hi ön disallew. En diärbi kän wü, dat hi ön üs blewt, nämelk bi di Geist, welk hi üs iwen hēd.

1 Johannes 4:13

Diärbi kän wü dit, dat wü ön höm bliw, en hi ön üs, wil hi üs van sin Geist iwen hēd.

1 Johannes 4:4

Min Biärner! I sen van Gott, en ha jam aurwonnen; for di diär ön ju es, es gurter üs di, welk ön di Warld es.

Ipenbaring 13:8

En al dânen, welk üp di Örd une, bödigt et ön, huns Nomer ek önskrewwen sen ön dit Lewents-Bok van dit Lum, wat slagtet es, van Warlds Begen of ön.

Ipenbaring 20:15

En wan er hokken fünden ud, dat hi ön dit Lewents-Bok ek skrewwen es, di ud djälsmetten ön di glemmen Jöld-Pul.