Römer 8:39 - North Frisian New Testament (Clemens)

³⁹ Nogweder dit Hōgs, of dit Ligs, nog en Üder Kreatur kjen üs skäd van Gottes Lēwde, diär ön Kristus Jesus es.

Römer 8:39 ပူးပေါင်းရင်းမြစ်များ

Matthäus 24:24

For diär wel falsk Christi en falsk Profeten âpstun, en gurt Teken en Wunder dö, om uk di Ütkuarten, want mögelk wiär, ön di Dwåling to forleiten.

Johannes 16:27

For di Vader sallew heed ju lew, diärom, dat I mi lew hå, en liiw, dat ik van Gott ütgingen sen.

Johannes 17:26

En ik ha jam din Noom forkindigt, en wel-t jam forkindige, omdat di Leewde, hurme dü /mi/ lew heest, ön jam es, en ik ön jam.

Johannes 3:16

Sa lew heed Gott di Warld hed, dat hi sin iningstgeboren Seen iwen heed, omdat alle, diär ön höm liiw, ek forlesen ud, mar dit ewig Lewent hå.

Römer 1:7

Ju altermål, diär I ön Rom sen, Gott sin Lewsten en Helligen, welk röpen sen: Gnade wis me ju, en Frēd van Gott, üs Våder en di Herr Jesus Kristus.

Römer 11:33

O wat en Dipte van Rikdom, bid Wisheid en Känels van Gott! Wat ünbegrippelk sen sin Redslaggen, en sin Weien sen ek üttögründigen!

Römer 5:8

Diärom bewiset Gott sin Lēwde tögen üs, dat Kristus foar üs stürwen es, üs wü jit Senders wiär.

Römer 6:23

For di Doad es di Loan foar di Send; mar Gottes Gåw es dit ewig Lewent, ön üs Herr Jesus Kristus.

Römer 8:1

Sa es er nü nin Fordamnis ön danen, diär ön Kristus Jesus sen, diär ek eter dit Flēsk, mar eter di Geist wandele.

Römer 8:35

Hokken kjen üs skäd van Gottes Lēwde? Bedrüwwetheid? Of Ungst? Of Forfölging? Of Hunger? Of Nåkenheid? Of Fårligheid? Of Swärt?

2 Korinther 11:3

Mar ik fürgte, dat üs de Slang me hör Skalkheid Eva forfört, uk ju Harten fordürwen ud, en van di Aprogtigheid ön Kristus ofwik.

2 Korinther 2:11

Omdat di Satan ek di Voardil diärvan faid. For sin Önslaggen sen üs ek bekänt.

Efeser 1:4

Alliküs hi üs ütkwoart hed ön höm, jer dat di Gründ tö di Warld leid wåd, dat wü hellig en ünskildjig voar höm ön di Lewde wis skuld.

Filipper 3:12

Hat es ek sa, üs dat ik et al fingen hå, of al volkommen sen, mar ik strewe diäreter, of ik et grip küd, hurtö ik van Kristus Jesus greppen sen.

Filipper 3:3

For wü sen di Beskiäring, diär Gott ön di Geist tine, en rüme üs van Kristus Jesus, en forlet üs ek üp Flēsk.

Filipper 3:8

Jå wårelk, ik agt Alles foar Skåd tögen di aurflödig Känels van Kristus Jesus, min Herr, om huns wel ik Alles foar Skåd reken, en agte et foar mi nöntsags, omdat ik Kristus wen.

2 Thessaloniker 2:4

Diär sik apsät en âphēwt aur Alles, wat Gott en Gottes Iär hjit, sa dat hi sik sät ön Gottes Tempel üs en Gott, en jewt sik diärfoar üt, dat hi Gott es.

1 Johannes 4:16

En wü hå di Lewde känen lirt, en liw diärön, welk Gott tö üs hed. Gott es di Lewde, en diär ön di Lewde blewt, di blewt ön Gott, en Gott ön höm.

1 Johannes 4:19

Let üs höm lew hå, for hi hēd üs jest lew hed.

Ipenbaring 12:9

En di gurt Dråk wåd ütsmetten, nämelk di oald Slang, welk nämt ud di Düwel, en Satanas, diär di hile Warld forfört, en hi wåd smetten üp di Örd, en sin Engeler wåd uk diärhen smetten.

Ipenbaring 13:14

En forfört danen, diär üp di Örd une, om di Tekens wel, welk höm iwen sen, om tö dön voar dit Dirt, en said tö danen, diär üp di Örd une, dat ja foar dit Best en Bild måke skuld, wat dit Sirsteid van dit Swärt hed, en lewendig uden wiär.

Ipenbaring 19:20

En dit Bēst wåd greppen, en me ditsallew di falsk Profet, diär di Teken död voar höm, dör welk hi dânen, welk dit Markteken önnommen hed van dit Best, en dânen, welk dit Bild van dit Bēst önbödigt. Dös tau wåd biding lewendig ön dit Jöld-Pul smetten, diär me Swåwel brent.

Ipenbaring 2:24

Mar ik si ju, en di üdern, diär ön Thyatira sen, welk ek sa en Lir ha, en di Dīpte van di Satan ek küd ha, alliküs ja si: Ik skel ju nin üder Last üpli.

Ipenbaring 20:3

En stört höm ön di Dipte sönder Gründ, en forsegelt diär bowen üp, omdat hi di Heiden ek moar forför skuld, bet dat di düsend Jår foljendigt wis skuld, en diäreter mut hi en kurt Tid loas kom.

Ipenbaring 20:7

En wan di düsend Jår tö Jend sen, skel di Satan loas kom üt sin Gefängnis.