Römer 6:4 - North Frisian New Testament (Clemens)

⁴ Diärom sen wü me höm begrewen uden dör di Döp ön di Doad, omdat alliküs dör sin Våders Herligheid apwäkt uden es van Doaden, sa skel wü uk ön en ni Lewent wandele.

Römer 6:4 ပူးပေါင်းရင်းမြစ်များ

Johannes 11:40

Jesus said tö hör: Ha ik ek tö di said, wan dü liiw wedt, da skedt dü Gottes Herligheid se?

Johannes 2:11

Dit es dit jest Teken; diär Jesus dön heed ön Kana ön Galiläa, en ipenbåret sin Herligheid; en sin Lirlings liiwt ön höm.

Forhandlings 2:24

Di hēd Gott âpwǟkt, en forlist van di Doadspīn, eter dat et ünmögelk wiär, höm diärön tö hoalden.

Forhandlings 2:32

Dös Jesus hēd Gott apwäkt, diärtö sen wü al Tjüg.

Römer 6:19

Ik mut üp menskelk Wis diärvan sprēk, om ju Swakheids wel ön-t Flesk. Alliküs I ju Leden heniwen hå tö di Tinst ön Legtfardigheid, en van jen Üngeregtigheid tö di Üder; alliksa stel I nü uk ju Leden tö Tinst ön di Geregtigheid, om dat-s hellig ud.

Römer 6:3

Of wēt I ek, dat sa Vulen üs wü ön Jesus Kristus döpet sen, ja sen ön sin Doap döpet?

Römer 6:8

Mar sen wü me Kristus stürwen, da liw wü, dat wü uk me höm lewwe skel.

Römer 6:9

For wü wēt, dat Kristus, diär van Doaden âpwäkt es, ek moar sterrewt; din Doad hersket ek moar aur höm.

Römer 7:6

Mar nu sen wü van di Doad liset, en diärvan ofstürwen, wat üs bünden höld, sadat wü nu me en apnit Geist tine skel, en ek ön dit oald Wesen van di Bokstewer.

Römer 8:11

Wan nü di Geist, diär Jesus van Doaden âpwäkt hēd, ön ju unet, da skel uk disalwige, diär Jesus van Doaden âpwäkt hēd, ju sterwelik Likhäm lewendig måke, om di wel, dat sin Geist ön ju unet.

1 Korinther 6:14

Mar Gott hed di Herr âpwäkt; en wel uk üs apwäk dör sin Kraft.

2 Korinther 13:4

En alhurwel hi krütsigt es ön di Swakheid, da lewwet hi dag ön Gottes Kraft. En wan wü uk swak sen ön höm, da lewwe wü dag me höm dör Gottes Kraft ön ju.

2 Korinther 5:17

Diärom, wan er hokken ön Kristus es, da es hi en ni Skåpning, dit oald es forgingen, hat es Alles ni uden.

Efeser 4:17

Nü si ik da en betjüg dit ön di Herr, dat I ek moar wandele üs di Üder Heiden handele eter jår Sens Tåbigheid.

Efeser 5:8

For I wiär jer ön Junkens, mar nü sen I en Lägt ön di Herr.

Kolosser 3:10

En ti di ni Mensk ön, diär fornit ud tö di Känels, eter Iwenbild van di, diär en skåpen hēd.

Kolosser 4:1

I Herren! wat rogt en billig es, dit bewise di Tinstknegter, en wēt, dat I uk en Herr ön Hemmel hå.

1 Petrus 3:21

Wat nü uk üs selig måket ön di Döp, üs en etermåket Bild van di Ark; wat ek di Rensking van Fülligheid ön-t Flēsk es, mar di Poand van en gud Geweten me Gott, dör dit Apstunen van Jesus Kristus.

1 Johannes 2:6

Hokken said, dat hi ön höm blewt, di skel uk wandele, alliküs hi uk wandelt hed.