Römer 6:13 - North Frisian New Testament (Clemens)

¹³ Uk iw ju Leden ek hen tö Wappen foar di Send tö Ünge=regtigheid, mar iw ju sallew hen ön Gott alliküs dânen, diär van di Doad lewendig uden sen, en iw ju Leden hen ön Gott tö Wappen foar di Rogtfârdigheid.

Römer 6:13 ပူးပေါင်းရင်းမြစ်များ

Lukas 15:24

For dös min Seen wiär doad, en es weder lewendig uden; hi wiär forlesen, en es weder fünđnen uden. En ja begent, früggelk tö wisen.

Lukas 15:32

Mar dü skudt blid en gud tö Mud wiis: for dös din Brödher wiär doad, en es weder lewendig uden; hi wiär forlesen, en es weder fünđnen uden.

Johannes 5:24

Forwår, forwår, ik si ju: Hokken min Uurd hjert, en liiwt ön höm, diär mi stjürt heed, di heed dit ewig Lewent, en komt ek ön dit Gerigt, mar hi es van Doaden döörtrǟngt tö dit ewig Lewent.

Römer 1:29

Vol van Üngeregtigheid, Hureri, Skalkheid, Gits, Bosheid, vol van Hat, Murd, Strid, List, Geftigheid, Sladderin.

Römer 12:1

Ik formåne ju, lew Brödhem! dör Gottes Barmhartigheid, dat I ju Likhäms tö en Åfer heniw, wat lewendig en hellig es, en Gott håget, wat ju âprogtig Gottestinst wis skel.

Römer 6:11

Alliksa skel I uk ju diärfoar hoald, dat I foar di Send doad sen, en lewwe nü foar Gott ön üs Herr Jesus Kristus.

Römer 6:16

Wet I ek hokken I ju tö Knegten heniw om tö harkin, sin Tinstknegter sen I, en I mut höm harke, hat mai da ön Send tö di Doad, of Harkin tö di Geregtigheid wis.

Römer 6:19

Ik mut üp menskelk Wis diärvan sprēk, om ju Swakheids wel ön-t Flesk. Alliküs I ju Leden heniwen hå tö di Tinst ön Legtfardigheid, en van jen Üngeregtigheid tö di Üder; alliksa stel I nü uk ju Leden tö Tinst ön di Geregtigheid, om dat-s hellig ud.

Römer 7:23

Mar ik se en Üder Wet ön min Lēd, welk ön Strid es me di Wet ön min Gemüt, en nemt mi gefangen ön di Wet van di Send, welk ön min Led es.

Römer 7:5

For üs wü ön dit Flēsk wiär, da wåd di sendig Lest apreget dör di Wet, en wåd magtig ön üs Led, om di Doad Frügt tö bringen.

1 Korinther 6:15

Wet I ek, dat ju Likhäm Leden van Kristus sen? Skuld ik nü di Led van Kristus nem, en Hurleden diärüt make? Diär est fir van!

1 Korinther 6:20

For I sen jür kopet. Diärom prise Gott ön ju Likhäm, en ön ju Geist, welk Gott töhir.

1 Korinther 6:9

Wet I ek, dat di Ünrogtfârdigen Gottes Könningrik ek arwe skel. Let ju ek forför, nogweder di Hurenjägers, of di Ofgottdiners, of di Ebrekers, of di Sallewskänder, of di Hoalewsegen.

2 Korinther 10:4

For üs Krigswåpen sen ek na dit Flēsk, mar magtig dör Gott om di Borrig djältöriwen.

2 Korinther 5:14

For di Lewde tö Kristus trängt üs tö dit Ordil, dat wan er jen foar alle stürwen es, da sen ja al stürwen.

2 Korinther 5:15

En diarom es hi foar alle stürwen, omdat danen, welk lewwe, nü ek länger jam sallew lewwe, mar höm, diär foar jam stürwen en apstönden es.

2 Korinther 8:5

En ja död ek, üs wü höpet, mar ja jaw jam sallew voaral jest ön di Herr, en diärna ön üs, eter Gotts Wel.

Efeser 2:5

Üs wü doad wiär ön di Send, hed hi üs samt Kristus lewendig måket, for üt Gnaden sen I selig uden.

Efeser 5:14

Diärom sprakt hi: Wåke âp, diär släpt, en stun ap van Doaden, da wel Kristus Lägt öntjend foar ju.

Filipper 1:20

Alliküs ik tölēst di fast Höp ha, dat ik ön nin Sak ek tö Skand ud, mar dat ik me Frimudigheid, alliküs uk altid, sa uk nü, Kristus hōgpriset ud ön min Lif, hat mai da wis dör-t Lewent, of dör di Doad.

Kolosser 2:13

En hed ju uk me höm lewendig måket, üs I doad wiär on ju Send, en ön di Voarhid van ju Flesk, en hi hēd üs alle Send foriwen.

Kolosser 3:5

Doadige nü ju Led, diär üp di Örd sen, Hureri, Unrinheid, skandelk Wellest, arig Begjärelkheid, en di Gits, welk Ofgotterie es.

2 Thessaloniker 2:12

Omdat dit Gerigt aur alle komt, welk di Wårheid ek liw, mar tö di Ünrogtfârdigheid Lest hå.

2 Timotheus 2:15

Beflitige di voar Gott üs jen di tö wisin, diär ön sin Arbed rogtskaffen es, en ek nödig hēd, sik tö skåmin, diär dit Urd van di Wårheid rogt dilet.

Jakobus 4:1

Hurvan komt er Strid en Krig mung ju? Komt et ek diärvan, namelk van ju Wellest, diär ön ju Lēd strid.

1 Petrus 2:24

Diär üs Send sallew åwert hed ön sin Likhäm üp dit Holt, omdat wü van di Send ofstürwen sen, en ön Rogtfardigheid lewwe; dör huns Strimen I sünd uden sen.

1 Petrus 4:2

Omdat hi ek moar eter di Mensken Lesten, mar eter Gottes Wel di Tid, diär foar höm jit aur es, ön-t Flesk henlewwet.

1 Johannes 1:9

Mar wan wü üs Send bekän, da es hi tru en rogtfârdig, dat hi üs di Send forjewt, en rensket üs van al Ündögt.