Römer 5:12 - North Frisian New Testament (Clemens)

¹² Diärom, alliküs dör jen Mensk di Send ön di Warld kjemmen es, en di Doad dör di Send, sa es uk di Doad tö alle inträngt, aurdat ja sik al forsendigt hå.

Römer 5:12 ပူးပေါင်းရင်းမြစ်များ

Römer 3:23

For diär es nin Forskel; ja sen altermål Sender, en jam wånt di Rüm voar Gott.

Römer 5:18

Alliiküs dör di Send van Jen di Fordamnis aur alle Mensken kjemmen es, alliksa es dör di Rogtfârdigheid dit Lewent aur alle Mensken kjemmen.

Römer 5:19

For alliküs dör jen Mensk, dat hi di Wet aurskrēd, vul Senders uden sen, sa ud er uk dör jen Mensk, diär di Wet befölligt, Vulen rogtfârdig.

Römer 5:21

Omdat, alliküs di Send hersket hēd tö di Doad, alliksa hersket di Gnåd dör di Rogtfârdigheid tö dit ewig Lewent, dör üs Herr Jesus Kristus.

Römer 6:21

Watfoar en Frügt hed I di Tid diärvan? Hurvoar I ju nü skamme; foar di Jend diärvan es di Doad.

Römer 6:23

For di Doad es di Loan foar di Send; mar Gottes Gåw es dit ewig Lewent, ön üs Herr Jesus Kristus.

1 Korinther 15:56

Mar di Prot tö di Doad es di Send, en di Kraft van di Send es di Wet.

Efeser 2:3

Önder welk wü uk alle jer wandelt hå ön di Begiärelkheid van üs Flesk, en död di Wel van-t Flesk en di Tagten; en wiär van Natur uk Biärner onder di Wredheid, alliküs di Üdern al.

Jakobus 1:15

Diäreter, wan di Lest önnommen hēd, gebårt di Lest di Send; mar di Send, wan di volbrågt es, gebiret di Doad.

Jakobus 3:2

For wü fele altermål ön vul Dingen. Hokken ön nin Urd forkirt komt, di es en volkommen Man, en magtig, om di hile Likhäm ön Tom tö hoalden.