Römer 3:27 - North Frisian New Testament (Clemens)

²⁷ Hur blewt nü di Rüm? Di es ut. Dör watfoar en Wet? Dör di Werken eter di Wet? Nån! mar dör di Wet üt di Glow.

Römer 3:27 ပူးပေါင်းရင်းမြစ်များ

Markus 16:16

Hokken liiwt en döpet ud, di skel selig ud, mar di diär ek liiwt, di skel fordammet ud.

Johannes 3:36

Hokken ön di Seen liiwt, heed dit ewig Lewent. Hokken ek ön di Seen liiwt, di skel dit Lewent ek se; mar Gottes Töm blewt üp höm.

Römer 10:5

Mar Moses Skreft wel van di Rogtfärdigheid, welk üt di Wet komt: Di Mensk, diär dit däd, skel diädör lewwe.

Römer 11:6

Mar es dit dör di Gnade, da est ek dör di Werken, üders wiär Gnade ja ek moar Gnade. Mar es dit üt Fortinst foar di Werken, da est nin Gnade moar, üders wiär Fortinst nin Fortinst.

Römer 2:17

Se diärfor tö, dü ūdst en Jud nämt, en forletst di üp di Wet, en römest di üp Gott.

Römer 2:23

Dü römest di üp di Wet, en nemst Gott di Iär, aurdat dü tögen di Wet handelst.

Römer 3:19

Mar wü wēt, dat wat di Wet said, dit ud al danen said, diär önder di Wet sen, omdat Alle di Müd stoppet ud, en di hile Warld voar Gott skiljig es.

Römer 3:26

Omdat hi ön dös Tid di Geregtigheid, diär voar hom gelt, töbed; om tö bewisin, dat hi alining rogtfardig es, en di rogtfârdig maket, diär di Glow ön Jesus hed.

Römer 4:2

Dit si wü: es Abraham dör di Werken rogtfârdig, da hēd hi wel Rüm, mar ek voar Gott.

Römer 7:21

Sa findj ik nu ön mi en Wet, dat ik dit Guds dö wel, dat dit Arigs mi önklöwwet.

Römer 7:23

Mar ik se en Üder Wet ön min Lēd, welk ön Strid es me di Wet ön min Gemüt, en nemt mi gefangen ön di Wet van di Send, welk ön min Led es.

Römer 7:25

Ik danke Gott dör üs Herr Jesus Kristus. Sa tine ik nu me min Gemüt Gottes wēt, mar me min Flēsk di Sends Wet.

Römer 8:2

For di Wet van di Geist, diär lewendig måket ön Kristus Jesus, hed mi frimåket van di Sends- en di Doads-Wet.

Römer 9:11

Üs di Biärner jit ek geboren wiär, en nogweder Guds, of Arigs dön hed, omdat Gottes Voarnemmen eter di Ütkising fast stunen blew, wåd er tö hör said:

Römer 9:31

Mar Israel strewet eter di Rogtfârdigheid, en hēd di Wet van di Rogtfârdigheid ek fingen.

Römer 9:32

Hurom dit? Diärom, dat ja ek üt di Glow, mar dör di Werken eter di Wet di Rogtfârdigheid sågt; för ja hå jam stöt ön di Stin tö en Önstōt.

1 Korinther 4:7

For hokken hed di voartein? en wat hest dü, wat du ek fingen hest? Mar wan dü dit dag fingen hest, wat römest dü di da, alliküs dü dit ek fingen hedst.

Galalater 2:16

Dag, wil wü wēt, dat di Mensk dör di Werke nå di Wet ek rogtfârdig ud, mar dör di Glōw ön Jesus Kristus; da liw wü uk ön Kristus Jesus, omdat wü rogtfârdig ud dör di Glow ön Kristus, en ek dör di Werke nå di Wet. For dör di Werke na di Wet ud nin Flesk rogtfârdig.

Galalater 3:22

Mar di Skreft hed dit Alles beslöten önder di Send, omdat di Tölöwing kam dör di Glow ön Jesus Kristus, welk dânen iwen ud, diär liw.