Römer 15:13 - North Frisian New Testament (Clemens)

¹³ Mar Gott, üp höm wü höpe, iw ju rogt vul Frügged en Frēd ön di Glow, omdat I vol Höp hå dör di Kraft van di hellig Geist.

Römer 15:13 ပူးပေါင်းရင်းမြစ်များ

Johannes 14:1

En hi sprok tö sin Lirlings: Ju Hart mut ek forfirt ud. Liiw I ön Gott, da liiw I uk ön mi.

Johannes 14:27

Di Frēd let ik ju, min Frēd iiw ik ju. Ik iiw ju ek, alliküs di Warld jewt. Ju Hart mut ek forfīrt ud, en I mut ju ek fürgte.

Römer 12:12

Wis blid ön Höp; geduldig ön Bedrüwwetheid. Hoald ön me Bödigin.

Römer 14:17

For Gottes Könningrik es ek Iten en Drinken, mar Rogtfârdigheid, en Frēd, en Blidheid dör di hellig Geist.

Römer 15:19

Dör di Kraft van Teken en Wunder, en dör di Kraft van Gottes Geist, sa dat ik van Jerusalem of ön, en /rund/ ombi bet tö Illyricum, Alles me dit Evangilje van Kristus volop forkindigt hå.

Römer 15:5

Van Gott komt Geduld en Trost, hi iw ju dag, dat I jens Sens sen mung arküder na Kristus Jesus.

1 Korinther 2:4

En min Rede en min Prötji wiär sönder Könst van menskelk Wisheid, mar en Bewis van Geist en Kraft.

2 Korinther 9:8

Mar Gott kjen-t måke, dat al Gnad ju rikkelk tö Dil ud, en dat I alle Dinge tö ju vol Töfrēdheid ha, en rik sen tö alle gud Werken.

Galalater 5:22

Mar di Frügt van di Geist es Lewde, Frügged, Frēd, Geduld, Mildheid, Gudheid, Glow, Sagtmudigheid, Küskheid.

Efeser 1:2

Gnåd wis er me ju, en Fred van Gott, üs Våder, en di Herr Jesus Kristus.

1 Thessaloniker 1:5

Dat üs Evangilje bi ju wessen hēd, ek alining önt Urd, mar biding ön di Kraft en ön di hellig Geist, en ön gurt Sekerheid, üs I wēt, hurdelling wü wessen hå mung ju om ju wel.

1 Timotheus 1:1

Paulus, en Apostel van Jesus Kristus, eter di Befel van Gott, üs Seligmåker, en di Herr Jesus Kristus, diär üs Höp es.

Hebräer 6:11

Mar wü forlang, dat Ark van ju disallew Flit bewiset, di Höp fast tö hoalden tö Jend tö.

1 Petrus 1:8

Welk I ek sen ha, en höm dag lew ha, en nü ön höm liw, alhurwel I höm ek se, diäraur skel I ju frügge me en herrelk Frügged, welk ek üttöspreken es.