Römer 12:10 - North Frisian New Testament (Clemens)

¹⁰ Hå en hartlik Lēwde tö arküder üs Brödhem. Di Jen mut di Üder voargung, om höm di Iär tö bewisin.

Römer 12:10 ပူးပေါင်းရင်းမြစ်များ

Matthäus 20:26

Mar sa skelt mung ju ek wiis; wan-er jen van Ju gurt wiis wel, di mut ju Diner wiis.

Lukas 14:10

Mar wan dü nödigt udst, da gung hen en set di liig ön, om dat, wan hi komt, diär di nödigt heed, en said tö di: Frinđ, set di hooger âp! Da wedt dü Iär hå voar dânen, diär me di tö Staal set.

Johannes 15:17

Dit befele ik ju, dat I ju önder arküder lew hå.

Johannes 17:21

Omdat ja al jens sen, alliküs dü Våder, ön mi, en ik ön di; dat uk ja ön üs jens sen, omdat di Warld liiwt, dat dü mi stjürt heest.

Forhandlings 4:32

En dit Geminte van al danen, diär di Glow hed, wiär jens ön Hart en Seel; uk said er Nemmen wat van sin Gud, dat et sin wiär, for Alles hed ja ön Geminskep (töhop).

Römer 13:7

Da iw nü Arkjen, wat I höm skildig sen; Skat, hokken di Skat tökomt. Tol, hokken di Tol tökomt. Fürgt, hokken di Fürgt tökomt. Iär, hokken di Iär tökomt.

Galalater 5:13

Mar I, lew Brödhem! sen tö di Friheid röpen. Se tö, dat I di Friheid na dit Flesk ek mesbrük, mar dör di Lewde tine di jen di Üder.

Galalater 5:22

Mar di Frügt van di Geist es Lewde, Frügged, Frēd, Geduld, Mildheid, Gudheid, Glow, Sagtmudigheid, Küskheid.

Galalater 5:6

For ön Kristus Jesus gelt nogweder Beskiäring of Voarhid, mar di Glōw, diär dör di Lewde wirket.

Filipper 2:3

Dö nin Ding dör Strid of Rumsjugt, mar dör Töreghoalden agte I arküder, di jen di üder hoger, üs sik sallew.

Kolosser 1:4

Eter dat wü hjert ha van ju Glow ön Jesus Kristus, en van di Lewde tö alle Helligen.

1 Thessaloniker 4:9

Van di Lewde tö di Brödhern est ek nödig ju tö skriwen, for I sen sallew van Gott lirt, om arküder lew tö håen.

2 Thessaloniker 1:3

Wü skel Gott altid danke foar ju, lew Brödhern! alliküs-t billig es; for ju Glow wugset dügtig, en Ark sin Lewde van ju al nemt tö tögen arküder.

Hebräer 13:1

Bliw fast ön di Lewde tö di Brödhern.

1 Petrus 1:22

En måke ju Selen rin ön di Fölligsomheid van di Wårheid dör di Geist, tö âprogtig Brödher- Lewde, en hå arküder hartlik lew me en frai Gemüt.

1 Petrus 2:17

Iäre Arkjen. Hå di Brödhern lew. Fürgte Gott. Iäre di Könning.

1 Petrus 5:5

Alliksa di Jungen skel di Olderlid harke. Altermal wis mung arküder, di jen di üder, önderdånig, en smük ju me Demud. For Gott wederstånt di Hogfârdigen, mar di Ligmüdigen jewt hi Gnad.

2 Petrus 1:7

En bi di Gottesfürgt Lewde tö di Brödhern, en bi di Lewde tö di Brödhern Lewde tö alle Mensken.

1 Johannes 4:11

I Lewsten! hēd Gott üs sa lew hed, da skel wu uk arküder lew ha.

1 Johannes 4:20

Wan er hokken said: Ik hå Gott lew, en håtet sin Brödher, di es en Lögner. For hokken sin Brödher ek lew hēd, diär hi sjogt, hur kjen hi Gott lew ha, diär hi ek sjogt?