Römer 12:1 - North Frisian New Testament (Clemens)

¹ Ik formåne ju, lew Brödhem! dör Gottes Barmhartigheid, dat I ju Likhäms tö en Åfer heniw, wat lewendig en hellig es, en Gott håget, wat ju âprogtig Gottestinst wis skel.

Römer 12:1 ပူးပေါင်းရင်းမြစ်များ

Lukas 7:47

Diärfor si ik di: Hör es vuul Senđ töiwen, aurdat jü heed mi vuul lew; mar hokken litjet töiwen ud, di heed litjet lew.

Römer 12:2

En nem ju ek di Skek eter dös Warld ön, mar forandere ju Sen dör Apniing, omdat I prowe mai, wat Gottes Wel es, wat gud es, wat höm wel håget, en volkommen es.

Römer 15:16

Dat ik skel Jesus Kristus sin Diner wis bi di Heiden, om Gottes Evangilje tö betinen, omdat di Heiden en Åfer ud, wat Gott wel håget, en hellig måket dör di hellig Geist.

Römer 15:30

En ik formåne ju, lew Brödhem! dör üs Herr Jesus Kristus, en dör di Lēwde van di hellig Geist, dat I mi help tö striden me Bödigin foar mi tö Gott.

Römer 2:4

Of foragtest dü sin gurt Rikdom van Gudheid, Geduld, Fordragsomheid? Wetst dü ek, dat Gottes Gudheid di tö Bekiring leitet?

Römer 6:13

Uk iw ju Leden ek hen tö Wappen foar di Send tö Ünge=regtigheid, mar iw ju sallew hen ön Gott alliküs dânen, diär van di Doad lewendig uden sen, en iw ju Leden hen ön Gott tö Wappen foar di Rogtfârdigheid.

Römer 6:16

Wet I ek hokken I ju tö Knegten heniw om tö harkin, sin Tinstknegter sen I, en I mut höm harke, hat mai da ön Send tö di Doad, of Harkin tö di Geregtigheid wis.

Römer 6:19

Ik mut üp menskelk Wis diärvan sprēk, om ju Swakheids wel ön-t Flesk. Alliküs I ju Leden heniwen hå tö di Tinst ön Legtfardigheid, en van jen Üngeregtigheid tö di Üder; alliksa stel I nü uk ju Leden tö Tinst ön di Geregtigheid, om dat-s hellig ud.

Römer 9:23

Omdat hi diärdör di Rikdom van sin Herligheid ipenbåret ön di Barmhartigheids Fåten, welk hi tö di Herligheid töred måket hed.

1 Korinther 1:10

Mar ik formåne ju, lew Brödhem! dör üs Herr Jesus Kristus sin Nom, dat I altermål likdelling bekän, en let nin Forskel mung ju wis, mar hoald me arküder fast töhop, wis jens Sens, ön jen en disallew Mining.

2 Korinther 10:1

Mar ik Paulus formåne ju dör di Sagtmudigheid en Mildheid van Kristus, wan ik bi ju sen, da sen ik wel gering, mar van ju of sen ik iärnsthaftig.

2 Korinther 4:1

Diärom, wil wü sa-n Amt ha, eter di Bârmhartigheid, welk üs tö Dil uden es, da ud wü ek trǟt.

2 Korinther 4:16

Diärom ud wü ek trat, wan uk üs ütwendig Mensk forweset, da ud dag di inwendig Mensk âpnit van Dai tö Dai.

2 Korinther 5:20

Sa sen wü nü Bödskeppen ön Steid van Kristus, for Gott formånet dör üs, en nü bed wü on Steid van Kristus, let ju forsöne me Gott.

2 Korinther 6:1

En wü, üs Mehelper, bed ju, dat I Gottes Gnad ek foriws fo mai.

Efeser 4:1

Ik Gefangener ön di Herr formåne ju nü, dat I wandele, üs-t sik gebört nå ju Berōp, hurön I röpen sen.

Efeser 5:10

En prise, wat di Herr Gott wel håget.

Filipper 1:20

Alliküs ik tölēst di fast Höp ha, dat ik ön nin Sak ek tö Skand ud, mar dat ik me Frimudigheid, alliküs uk altid, sa uk nü, Kristus hōgpriset ud ön min Lif, hat mai da wis dör-t Lewent, of dör di Doad.

Filipper 2:17

En wan ik da uk tö en Dankåfer åwert ud aur dit Åfer tö Gottes Iär van ju Glow, da frügge ik mi, en frügge mi me ju al.

Filipper 4:18

For ik hå Alles, en hå-t aurleidig. Ik ha volâp, sönt ik van Epafroditus dit fing, wat I mi stjürt hå, üs en dâlk Hârm, en lewlik Åfer, sa üs-t Gott håget.

1 Thessaloniker 4:1

Firder, lew Brödhern! bed wü ju, en formåne ju ön di Herr Jesus, alliküs I van üs tö weten fingen hå, hurdelling I wandele skel, om Gott tö hagin, omdat I altid moar tönem.

1 Thessaloniker 4:10

En dit dö I uk ön alle Brödhern, diär ön hil Macedonien sen. Mar wü formåne ju, dat I jit moar tönem.

1 Thessaloniker 5:12

Mar wü bed ju, lew Brödhern! dat I inse, diärfoar ju årbede, en ju voarstun ön di Herr, en ju formåne.

1 Timotheus 2:3

For sok es gud, en håget Gott, üs Seligmåker, wel.

1 Timotheus 5:4

Mar wan en Inkewüf Biärner of Jungensjungen hed, danen let tövoaren lir, jar ein Hüs ön gottselig Lewde tö leitin en di Åldern al dit Guds tö forgelten; for dit es wel dön, en håget Gott.

Filemon 1:10

Ik bed di da om min Seens wel, Onesimus, welk ik töwonnen hå ön min Banden.

Filemon 1:9

Da wel ik dag di bed ön di Lewde, sa üs ik sen, Paulus, en oald Man, mar nu uk en Gefangener van Jesus Kristus.

Hebräer 13:22

Mar ik bed ju, lew Brödhern! nem dit Urd van di Formåning gud ap; for ik hå ju kūrt skrewwen.

1 Petrus 2:20

For wat es dit foar en Rum, wan I, aurdat I Mesdaden ütöwet hå, slain ud en lid? Mar wan I foar ju Guddön lid en geduldig bliw, dit es Gnad bi Gott.

1 Petrus 2:5

En uk üs di lewendig Stiner beg ju tö en geistelk Hüs en tö en hellig Pröstdom, om geistelk Åwer tö åwerin, diär Gott gudhåge, dör Jesus Kristus.