Römer 11:36 - North Frisian New Testament (Clemens)

³⁶ For van höm, en dör höm, en ön höm sen alle Dinge! Höm skel di Iär wis ön Ewigheid! Amen.

Römer 11:36 ပူးပေါင်းရင်းမြစ်များ

Matthäus 6:13

Leit üüs ek ön Forsjuk, mar forlise üs van al dit Arigs. For dit Rik es din, en di Kraft en di Herligheid ön Ewigheid. Amen.”

Lukas 19:38

En said: Welsegent es di Könning, diär komt ön üüs Herr Gott sin Noom! Freeđ mai er wiis ön Hemmel, en Iär ön Hemmelshoogde!

Lukas 2:14

Gott ön hoogen Hemmel di Iär, Freeđ üp Warlđ, en höm håget gud tö me di Mensken.

Forhandlings 17:28

For ön höm lewwe wü, en bewege üs, en sen wü; üs uk hok Poeten (Digters) bi ju said ha: Wü sen van sin Geslegt (Ofkomst).

Römer 16:27

Disallew Gott, diär alining wis es, di Iär dör Jesus Kristus ön Ewigheid. Amen.

1 Korinther 11:12

For alliküs di Wüf van di Man, sa komt uk di Man dör di Wüf; mar Alles van Gott.

1 Korinther 8:6

Sa hå wü nü man jen Gott, di Våder, diärvan alle Dinge sen, en wü ön höm, en jen Herr Jesus Kristus, dör welk alle Dinge sen, en wü dör höm.

Galalater 1:5

Höm skal di Iär wis van Ewigheid tö Ewigheid. Amen.

Efeser 3:21

Höm alining skel di Iär wis ön dit Geminte dör Kristus Jesus, tö ark Tid van Stam tö Stam, van Ewigheid tö Ewigheid. Amen.

Filipper 4:20

Üs Herr Gott en üs Våder wis Iär van Ewigheid tö Ewigheid. Amen.

1 Timotheus 1:17

Mar Gott, di ewig Könning, di Ünforgängelk, en Ünsigtbår, en alining Wissen, wis Iar en Pris ön Ewigheid. Amen.

1 Timotheus 6:16

Diär alining Ünsterwlikheid hed, diär unet ön en Lägt, hurtö Nemmen kom kjen, welk nin Mensk sen hed, nog se kjen; höm skel Iär en dit Rik ön Ewigheid wis. Amen.

2 Timotheus 4:18

Mar di Herr wel mi erlöse van al di Liden, en üthelp tö sin Hemmelrik; höm skel di Iär wis van Ewigheid tö Ewigheid. Amen.

Hebräer 13:21

Hi måke ju klår tö alle gud Werken, om sin Wel tö dön, hi wirke ön ju, wat höm wel haget dör Jesus Kristus; höm skel di Iär wis van Ewigheid tö Ewigheid. Amen.

Hebräer 2:10

For hat skekket sik foar höm, om huns wel alle Dinge sen, diär vul Biärner tö di Herrelkheid fört hed, dat hi di Stifter van jar Seligheid dör Liden volkommen måket.

1 Petrus 4:11

Wan-er hokken redet, dat hi dit redet üt Gottes Urd. Wan er hokken en Amt hed, dat hi-t däd üs me di Kraft, welk Gott jewt, omdat ön Alles Gott priset ud dör Jesus Kristus; höm komt Iär en Gewalt tö van Ewigheid tö Ewigheid. Amen.

1 Petrus 5:11

Höm skel di Iär en di Magt wis van Ewigheid tö Ewigheid. Amen.

2 Petrus 3:18

Mar wugse ön di Gnåd en Känels van üs Herr en Seligmaker Jesus Kristus. Höm komt di Iär tö, nü en ön di Ewigheid. Amen.

Judas 1:25

Gott, diär alining wis es, üs Seligmåker, wis Iär en Majestät, Kraft en Magt, van nü of ön alle Ewigheid. Amen.

Ipenbaring 19:1

En eter dössen hjert ik en gurtem Stem van en gurt Kär ön Hemmel, di sprok: Halleluja! Seligheid en Pris, en Iär, en Kraft wis üs Herr Gott.

Ipenbaring 21:6

En hi said tö mi: Hat es sken. Ik sen Alfa en Omega, di Begen en di Jend. Ik wel di Törstigen üt di Soad me Weter tö dit Lewent omsonst iw.

Ipenbaring 7:10

Ja röp me gurtem Stem, en sprok: Di Seligheid hjert üs Gott, diär üp di Tron set, en dit Lum!

Ipenbaring 7:12

En sprok: Amen! Low, en Iär, en Wisheid, en Dank, en Pris, en Kraft, /en Stärkte/ wis üs Gott, van Ewigheid tö Ewigheid! Amen.