Matthäus 16:24 - North Frisian New Testament (Clemens)

²⁴ Da said Jesus tö sin Lirlings: “Wen er hokken mi eterfölge wel, di mut höm salw Pris dö, en nem sin Krüts üp sik, en fölge mi.

Matthäus 16:24 ပူးပေါင်းရင်းမြစ်များ

Matthäus 10:38

En hokken sin Krüts ek üp sik nemt, en mi ek eterfölgt, di es mi nöndt wert.

Matthäus 27:32

En diär ja höm sa dit Geleit död, möt ja en Man van Cyrene, bi Nōm Simon, en twōng höm, dat hi höm sin Krüts drog.

Markus 10:21

En Jesus såg höm ön, en woan höm lew, en said tö höm: Jen Ding wånt di. Gung hen en forkope, wat du heest, en iiw dit ön di Armen, da wedt dü en Skats ön Hemmel ha, en da kom hjårt, nem din Krüts üp di, en fölge mi.

Markus 15:21

En ja twōng jen, diär voarbi ging, bi Noom Simon van Cyrene, diär van Mark kam (hi wiär en Våder tö Alexander en Rufus) dat hi höm dit Krüts drog.

Markus 8:34

En hi rööp di Kär tö sik me samt sin Lirlings, en said tö jam: Hokken mi eterfölge wel, di forlögne sik salw, en nem sin Krüts üp sik en fölge mi eter.

Lukas 14:27

En hokken ek sin Krüts drait en mi nafölgt, di kjen min Jünger ek wiis.

Lukas 23:26

En diär ja höm wegföört, greep ja Jen âp, Simon van Kürene, di kâm van Mark, en leid dit Krüts üp höm, dat hi dit Jesus agterön drog.

Johannes 19:17

En hi drog sin Krüts, en ging üt tö dit Steid, welk di Haudskroksteid näämt wåd, wat üp hebräisk Golgatha hjit.

Johannes 21:19

Mar dit said hi, om et tö betekenin, me watfoar en Doad hi Gott prise skuld. Mar diär hi dit said hed, sprok hi tö höm: Fölge mi.

Johannes 21:22

Jesus said tö höm: Wan ik wel, dat hi blīw skel, wat geid dit di ön? Fölge dü mi eter.

Forhandlings 14:22

En bestärkt di Jünger jår Selen, en muntert jam âp, dat ja ön di Glōw bliw skuld, en dat wü dör vul Bedrük ingung mut ön Gottes Rik.

Kolosser 1:24

Nü frügge ik mi ön min Liden, wat ik foar ju lid, en måke dit vol, hur-t jit wånt ön Bedrüwwetheid ön Kristus, foar sin Likhäm, welk dit Geminte es.

1 Thessaloniker 3:3

Om dat er Nemmen wankelig ud ön dös Bedrüwwinger, for I wēt, dat wü diärtö bestemt sen.

2 Timotheus 3:12

En al dânen, welk gottselig lewwe wel ön Kristus Jesus, mut Forfölliging lid.

1 Petrus 2:21

For diärtö sen I beröpen, wil Kristus uk ledden hed foar üs, en üs en Voarbild eterletten hēd, omdat wü sin Futstöpen eterföllige.