Lukas 23:5 - North Frisian New Testament (Clemens)

⁵ Man ja hölđ ön, en said: Hi heed dit Volk âpreget diärme, dat hi hen en weder ön hiil Judäa liirt heed, en heed ön Galiläa begent, tö hjir tö.

Lukas 23:5 ပူးပေါင်းရင်းမြစ်များ

Matthäus 11:1

En hat kam tö pas, diär Jesus sok Regler tö sin twelf Lirlings tö Jend brågt hed, ging hi diärvan firder, om ön jår Städer tö liren en tö prötjin.

Matthäus 2:1

Diär Jesus ön Bethlehem önt Lönd Judäa geboren wiär, bi Könning Herodis sin Tid, lukke hjir, da kâm er wis Lid van Oasterland tö Jerusalem, en said:

Matthäus 27:24

Diär Pilatus nü såg, dat hi nönt ütrogt küd, mar di Larem jit vul gurtemer wåd, no̊m hi Weter, tauet sin Hunden voar dit Volk jår Ogen en said: “Ik sen ünskildig ön dit Blöd van dös rogtfardig Man. Diär mai I nü tösé.”

Matthäus 4:23

En Jesus ging ombi ön hiil Galiläa, lirt ön jaar Skulen en prötjet dit Evangelje van dit Hemmelrik, en hilet allerlei Sjugten en Krånkheid bi dit Volk.

Markus 1:14

Eter dat Johannes aurlöwert wåd, kam Jesus ön Galiläa, en prötjet dit Evangelium van Gottes Könningrik.

Lukas 11:53

Man diär hi dit tö jam said, begent di Skreftliirten en Farisäers höm gewaltig nai tö kommen, en höm me allerhand Frågen di Müd tö stoppin.

Lukas 23:23

Man ja hölđ ön me gurt Geskrig en forlangt, dat hi krütsigt waad. En jaar en di Opperpröster jaar Geskrig noom Aurhunđ.

Lukas 23:6

Mar diär Pilatus Galiläa hjert, fråget hi: Of hi van Galiläa wiär?

Johannes 1:43

Üp di Üder Dai wild Jesus weder hengung na Galiläa, en foand Filippus, en sprok tö höm: Fölge mi!

Johannes 19:15

Mar ja rööp: Weg, weg, me höm! Krütsige höm! Pilatus said tö jam: Skel ik ju Könning krütsige? Di Opperpröster swåret: wü ha niin Könning, üs di Kaiser.

Johannes 2:11

Dit es dit jest Teken; diär Jesus dön heed ön Kana ön Galiläa, en ipenbåret sin Herligheid; en sin Lirlings liiwt ön höm.

Johannes 7:41

Di Üdern said: Hi es Christus. En Sommen said: Skel Christus üt Galiläa kom?

Johannes 7:52

Ja swåret, en said tö höm: Best dü uk en Galiläer? Öndersjuk en se, dat er üt Galiläa niin Profet âpstånt.

Forhandlings 10:37

Dit es sken ön hil Judäa, en begent ön Galiläa, eter di Döp, welk Johannes prötjet hēd.

Forhandlings 23:10

Üs di Larem nü olter gurt wåd, en di Opperst besörrigt wiär, dat Paulus van jam üt arküder rewwen ud skuld, da jåw hi Befel, dat er Krigsvolk djälgung, en höm me Gewalt üt di Medden van jam wegriw, en ön di Borrig för skuld.

Forhandlings 5:33

Diär ja dit hjert, ging-t jam dör-t Hart, en ja tågt jam doad tö slaen.

Forhandlings 7:54

Diär ja dit hjert, ging-t jam dör-t Hart, en ja gnâset di Ted töhop aur jam.

Forhandlings 7:57

En di Tjügen leid jar Kloader of tö en Jungmensk sin Fet, hi hjit Saulus.