Lukas 23:4 - North Frisian New Testament (Clemens)

⁴ Pilatus said tö di Opperpröster en tö di Kär Lid: Ik finđ niin Uarsaak ön dös Mensk.

Lukas 23:4 ပူးပေါင်းရင်းမြစ်များ

Matthäus 27:19

En diär hi /üp di/ Rogtstöl seet, stjürt sin Wüf tö höm, en let höm si: “Nem dü nönt tö dön me di rogtfardig Mensk, ik ha aur Nagt vūl leden ön Drōm om sin wel.”

Markus 15:14

Diär said Pilatus tö jam: Wat Arigs heed hi da dön? En ja rööp jit vuul moar: Krütsige höm!

Lukas 23:22

En hi said dit träd Maal tö jam: Wat heed dös da Arigs dön? Ik finđ niin Uarsaak tö sin Doad ön höm; diärom wel ik höm tügt, en loaslet.

Johannes 18:38

Pilatus said tö höm: Wat es Wårheid? En üs hi dit said hed, ging hi weder üt tö di Juden, en said tö jam: Ik finj niin Skild ön höm.

Forhandlings 25:25

Mar üs ik fornom, dat hi nönt dön hēd, wat di Doad fortinet, en hi sallew sik üp di Kaiser beröp, hå ik beslöten, höm tö stjüren.

Forhandlings 3:13

Abrahams, en Isaaks en Jakobs Gott, üs Våders Gott, hēd sin Sēn Jesus forklåret, welk I aurlöwert en forlögnet hå voar Pilatus, üs hi ordilt höm loas tö letten.

Hebräer 7:26

For sa en Högpröst skuld wü ha, diär hellig, ünskildjig, sönder Plakken, van di Sender ofsendert wiär, en hoger üs di Hemmel es.

1 Petrus 1:19

Mar me dit jür Blöd van Kristus, üs en ünskiljig Lum sönder Plakken.

1 Petrus 2:22

Diär nin Send dön hed, en diär es uk nin Bedrog ön sin Müd fünden uden.

1 Petrus 3:18

For uk Kristus hed jenmal foar üs Send ledden, di Rogtfardig foar di Ünrogtfardigen, omdat hi üs henfört tö Gott; en hēd di Doad ledden eter dit Flēsk, mar es lewendig måket eter di Geist.