Lukas 16:2 - North Frisian New Testament (Clemens)

² En hi fördigt höm, en said tö höm: Hur hiir ik dit van di? Dö Redenskep van din Hüshoalđen; för dü kjenst van mi van nü ön ek moar Hüshoalđer wiis.

Lukas 16:2 ပူးပေါင်းရင်းမြစ်များ

Matthäus 12:36

Mar ik si ju, dat di Mensken Rekenskep ofli mut üp di jungst Tingdai van ark enkelt ünnet Uurd, wat ja said hå.

Matthäus 20:8

Diär-t nü Inđ uden wiär: said di Herr van di Wiingoard tö sin Forwalter: “Röp di Aarbedslid, en dö jam jår Loan, en begen bi di Lētst, bēt tö di Jest.”

Lukas 12:20

Mar Gott said tö höm: Dü Nar, dös Nagt wel em din Seel van di fördere; en huns est da, wat dü tö rogt måket heest?

Lukas 12:42

Mar di Herr said: Wat heed dit dag vuul tö sien, wan en Hüshoalđer tru en klook es, diär di Herr säät aur al sin Tiinsten, dat hi jam tö rogter Tid dääd, wat jam tö komt.

Lukas 16:1

En hi said uk tö sin Jüngers: Diär wiär en rik Man, di hed en Hüshoalđer; hi kâm ön di Beroop, üs dat hi höm sin Gud döörbraagt hed.

Lukas 16:3

Di Hüshoalđer said bi höm salw: Wat skel ik dö? Min Herr nemt dit Forlining van mi. Greew mai ik ek; en ik skamme mi tö béderin.

Römer 14:12

Sa skel Ark foar sik sallew Rekenskep ofli voar Gott.

1 Korinther 1:11

For hat es mi said uden, lew Brödhern! van danen üt Chloes Hüs, dat I Strid mung arküder ha.

1 Korinther 4:2

Nü sjukt em ek moar ön di Hüshoalders, üs dat ja tru fünden ud.

1 Korinther 4:5

Diärom rigte ik ek voar di Tid, tödat di Herr komt, diär uk ön-t Lägt bring wel, wat ön Junkens forborgen es, en di Rēdslaggen ön di Harten ipenbåre; en da skel arkjen van Gott Low tö Dil ud.

2 Korinther 5:10

For wü mut al ipenbar ud voar Kristus sin Rigterstöl, omdat Ark faid, alliküs hi handelt hed ön sin Likhäms-Lewent, hat mai gud, of ârig wis.

1 Timotheus 4:14

Forsümme ek di Gnadengaw, welk ön di es, en di iwen es dör Voarütsien, me Hundüplien van di Olderlid.

1 Timotheus 5:24

Van som Mensken sen di Send ipenbår, dat em tövoaren diäraur ordile kjen; mar di Send van som Mensken ud ederst ipenbår.

1 Petrus 4:10

En tine arküder, Ark me di Gnadengåw, diär hi fingen hēd, üs di gud Hüshoalders aur Gottes manningslags Gnåd.

1 Petrus 4:5

Mar ja skel höm Rekenskep ofli, diär klår es tö rigten di Lewendigen en di Doaden.

Ipenbaring 20:12

En ik såg di Doaden, bid gurt en litj stunen voar Gott, en di Bokker wad ipenmåket, en uk en üder Bok wåd er ipenmåket, wat dit Lewents-Bok es. En di Doaden wåd rigtet eter di Skreft ön di Bokker eter jår Werken.