Lukas 11:29 - North Frisian New Testament (Clemens)

²⁹ En di Kär Lid träängt jam tö höm. Da begent hi en said: Dit es en ârig Slag Lid. Ja forlang en Teken; en diär skel jam niin Teken dön ud, üs dit Teken van di Profet Jonas.

Lukas 11:29 ပူးပေါင်းရင်းမြစ်များ

Matthäus 3:7

Diär hi nü vuul Farisäers en Sadducäers tö sin Dööp kommen såg, said hi tö jam: “I Slangenbröd, hokken heed ju wiset, dat I flögt kjen voar Gotts Stråf.

Markus 8:38

Mar hokken sik voar mi en min Uurd skammet mung dös wanredig en sendig Geslegt, voar höm wel di Menskenseen sik uk skamme, wan hi komt ön sin Vaders Herligheid me di hellig Engeler.

Lukas 11:16

Man di Üdern forsaagt höm, en forlangt en Teken van höm van Hemmel.

Lukas 11:50

Om dat van dös Slag Lid fördert ud alle Profeten jaar Blöd, wat forgöten es, sönt di Grünđ tö di Warlđ leid es.

Lukas 12:1

Dit Volk lööp tö, en di Lid kâm bi Düsenden töhop, sa dat ja arküder üp di Fet trat. Diär begent hi en said tö sin Jüngers: For't jest nem ju en Agt voar di Farisäer jaar Süring, wat nöndt üders es üs Hüggeli.

Lukas 9:41

Da swaaret Jesus en said: O dü forkiirt Slag Lid sönđer Gloow! Hur lung skel ik bi ju wiis, en ju slit? Bring din Seen hjårt!

Johannes 2:18

Diär swåret di Juden, en said tö höm: Wat foar en Teken wisest dü ǖs, dat dü sok Dingen dö maist.

Johannes 6:30

Diär said ja tö höm: Watfoar en Teken dǟdst dü, omdat wü se, en ön di liiw? Wat wirkest dü?

Johannes 8:44

I sen van di Vader di Düwel, en eter ju Våders Lest wel I dö. Disallew es en Mūrdiger van jest Begen of ön, en hi heed ek ön di Wårheid bestönden, for di Wårheid es ek ön höm. Wan hi Lögen sprakt, da sprakt hi van sin Ein; for hi es en Lögner, en di Vader van di Lögen.

1 Korinther 1:22

Voaral diäraur, dat di Juden Teken forlang, en di Griken om Wisheid fråge.