Kolosser 3:3 - North Frisian New Testament (Clemens)

³ For I sen stürwen en ju Lewent es forborgen me Kristus ön Gott.

Kolosser 3:3 ပူးပေါင်းရင်းမြစ်များ

Matthäus 11:25

Ön di salw Tid swåret Jesus en said: Ik danke di, üüs lewwer Gott en Våder, Herr aur Hemmel en Öörd, dat dü sok voar di Wissen en Kloken hjemmelk hölden heest, en heest et di Unmündigen ipenbåret.

Johannes 14:19

Hat es om en kūrt Tid, da wel di Wârld mi ek moar se. Mar I skel mi se, for ik lewwe, en I skel uk lewwe.

Johannes 3:16

Sa lew heed Gott di Warld hed, dat hi sin iningstgeboren Seen iwen heed, omdat alle, diär ön höm liiw, ek forlesen ud, mar dit ewig Lewent hå.

Johannes 4:14

Mar hokken dit Weter drink wel, wat ik höm iiw, di skel ön Ewigheid ek törstig ud, mar dit Weter, wat ik höm iiw wel, skel ön höm en Soad me Weter ud, welk kwelt tö ön dit ewig Lewent.

Johannes 5:21

For alliküs di Vader di Doaden âpwääkt, en maket jam lewendig; alliksa måket uk di Seen dânen lewendig, welk hi wel.

Johannes 5:24

Forwår, forwår, ik si ju: Hokken min Uurd hjert, en liiwt ön höm, diär mi stjürt heed, di heed dit ewig Lewent, en komt ek ön dit Gerigt, mar hi es van Doaden döörtrǟngt tö dit ewig Lewent.

Johannes 5:40

En I wel ek tö mi kom, omdat I dit Lewent hå måt.

Römer 5:10

For wan wü me Gott forsönet sen dör sin Seens Doad, üs wü jit Finder wiär; vulmoar skel wü selig ud dör sin Lewent, wan wü nü me höm forsönet sen.

Römer 5:21

Omdat, alliküs di Send hersket hēd tö di Doad, alliksa hersket di Gnåd dör di Rogtfârdigheid tö dit ewig Lewent, dör üs Herr Jesus Kristus.

Römer 6:11

Alliksa skel I uk ju diärfoar hoald, dat I foar di Send doad sen, en lewwe nü foar Gott ön üs Herr Jesus Kristus.

Römer 6:2

Diär est fir van! Hur skuld wü ön di Send lewwe, wan wü van di Send ofstürwen sen?

Römer 8:2

For di Wet van di Geist, diär lewendig måket ön Kristus Jesus, hed mi frimåket van di Sends- en di Doads-Wet.

1 Korinther 15:45

Alliküs er skrewwen stånt: Di jest Mensk Adam wåd en lewendig Sil, en di lest Adam wåd en Geist, diär lewendig måket.

1 Korinther 2:14

Di natürelk Mensk begrept nönt van Gottes Geist, hat es höm Tåbigheid, hi kjen dit ek fate, for hat mut geistelk forstönden wis.

2 Korinther 5:14

For di Lewde tö Kristus trängt üs tö dit Ordil, dat wan er jen foar alle stürwen es, da sen ja al stürwen.

2 Korinther 5:7

For wü wandele ön di Glōw, en ek ön di Beskauing.

Galalater 2:20

Ik lewwe, mar nü dag ik ek, mar Kristus lewwet ön mi. For wat ik nü lewwe ön-t Flesk, dit lewwe ik ön di Glow ön Gottes Seen, diär mi lew hed, en sik sallew foar mi heniwen hēd.

Efeser 3:9

En Arkjen âptöklårin, hurön di Geminskep me di Hjemmelkheid bestånt, wat van di Warlds Begen ön Gott forborgen wessen hēd, diär alle Dinge skåpen hēd dör Jesus Kristus.

Filipper 4:7

En di Fred van Gott, diär bowen allen Forstand geid, bewåre ju Hart en Sen ön Kristus Jesus.

Kolosser 1:5

Foar di Höp, diär ju töleid es ön Hemmel, hurvan I al tövoaren hjert hå dör dit Urd van di Wårheid ön-t Evangilje.

Kolosser 2:20

Wan I nü di Fastsätings van di Wârld ofstürwen sen me Kristus, wat let I ju da fang me di Fastsätings, alliküs dat I jit ön di Wârld lewwe?

Kolosser 2:3

Ön welk alle Skatten van Wisdom en Känels forborgen li.

Kolosser 3:4

Mar wan Kristus ju Lewent ipenbåre wel, da skel I ipenbår ud me höm ön di Herrelkheid.

Hebräer 7:25

Diärom kjen hi uk altid dânen selig make, welk dör höm tö Gott kom, en hi lewwet altid en bed foar üs.

1 Petrus 3:4

Mar di forborgen Mensk ön-t Hart, diär ek forskåket es, me sagtmudig en stel Geist, dit es köstelk voar Gott.

1 Petrus 4:2

Omdat hi ek moar eter di Mensken Lesten, mar eter Gottes Wel di Tid, diär foar höm jit aur es, ön-t Flesk henlewwet.

1 Johannes 3:2

Min Lewsten! wü sen nü Gottes Biärner, en hat es jit ek ipenbåret uden, wat wü wis skel. Mar wü wēt, wan dit ipenbåret ud, dat wü höm lik wis skel; for wü skel höm se, alliküs hi es.

Ipenbaring 2:17

Hokken Oaren hēd, di hir, wat di Geist tö di Geminten said: Hokken aurwent, höm wel ik tö iten iw van dit forborgen Manna, en ik wel höm en wit Stin iw, en üp di wit Stin en ni Nōm skriw, welk Nemmen känt, üs di diär en faid.