Kolosser 3:24 - North Frisian New Testament (Clemens)

²⁴ En wēt, dat I van di Herr di Forgelting van dit Arfdil fo skel, for I tine di Herr ön Kristus.

Kolosser 3:24 ပူးပေါင်းရင်းမြစ်များ

Matthäus 10:41

Hokken en Profet âpnemt ön en Profet sin Noom, di skel en Profeten Loan fo; en hokken en rogtfardig Man âpnemt, di skel üs en rogtfârdig Mensk beloanet ud.

Matthäus 5:12

Wiis blid en frügge ju fan Harten, for ju Loan wel gurt wiis ön Hemmel. Alliksa hå ja di Profeten forfölgt, diär voar ju wessen hå.

Matthäus 5:46

For wan I danen lew hå, diär ju lew hå, wat Loan hå I diärvan? Dö di Tolners ek allik sá?

Matthäus 6:16

Wan I faste, da skel I ek süür lukke, üs di Skīnhelligen. For ja forstel jår Ansegter (Öntlet), omdat ja voar di Lid skin me jår Fastin. Forwår ik si ju, ja hå jår Loan al weg.

Matthäus 6:5

En wan dü bödigst, skedt dü-t ek måke üs di Skinhelligen, diär hold stuun ön di Skulen, bi di Hüshörner en bi di Weien; omdat ja van di Lid sen uđ. Forwår ik si ju, ja hå jar Loan al weg.

Lukas 14:14

Da best dü selig: for ja hå-t ek, om dit weder gud tö maakin; mar hat skel di nog weder gud maaket ud, wan di Rogtfardigen van Doađen âpstuun.

Lukas 6:35

Man dag, hå ju Fiinder lew, dö wel en liin, sönđer dat I diärfoar wat höpe; da wel ju Loan gurt wiis, en I sen üüs lewwer Gott sin Biärner. Betäänk, hi es gud tögen Ündankbåren en Ârigen.

Johannes 12:26

Hokken mi tine wel, di fölge mi eter; en hur ik sen, diär skel min Diner uk wiis. En hokken mi tine wel, höm wel min Våder iäre.

Forhandlings 20:32

En nü, Brödhem! befele ik ju Gott, en dit Urd van Gottes Gnad, diär magtig nog es, om ju fast tö måkin, en ju me alle Helligen dit beskjärt Arwdil tö iwen.

Römer 1:1

Paulus, en Tīnstknegt van Jesus Kristus, es röpen uden, om en Apostel tö wisen, ofsendert, om dit Evangilje van Gott tö forkindigen.

Römer 14:18

Hokken Kristus diärön tinet, di håget Gott, en es bi di Mensken welledden.

1 Korinther 11:23

Ik hå dit van di Herr fingen, wat ik ju iwen ha. For di Herr Jesus ön di Nagt, as hi forrat wåd, nom hi dit Broad.

1 Korinther 3:8

Di diär plåntet, en di diär bejit, di jen es üs di Üder. Ark skel sin Loan fo eter sin Arbed.

1 Korinther 7:22

For hokken üs en Knegt beröpen es ön di Herr, di es van di Herr friletten; alliksa hokken üs fri beröpen es, hi es Kristus sin Knegt.

Galalater 1:10

Sprēk ik da nü Mensken, of Gott tö Tinst? Of sjuk ik Mensken tö hågin? Wan ik di Mensken håget, da wiär ik nin Knegt van Kristus.

Efeser 6:6

Ek me Tinst alining voar Ogen, om di Mensken tö hågin, mar üs Tinstknegter van Kristus, dat I van Harten Gottes Wel dö.

Efeser 6:8

En wet, wat Ark foar guds däd, dit skel höm van di Herr forgelt ud, hi mai en Knegt of en fri Man wis.

Kolosser 2:18

Let ju van Nemmen dit Bop forskåke, diär eter sin ein Wal ön Nedrigheid en Geistelkheid üs di Engeler ombi geid, hurvan hi older wat sen hed, en es sönder Oarsåk foriws âpblögen ön sin fleskelk Sen.

Hebräer 10:35

Warp ju Fortruen ek weg, wat en gurt Beloaning hed.

Hebräer 11:6

Mar sönder Glow est ünmögelk Gott tö hågin. For di diär tö Gott kom wel, di mut liw, dat hi es, en dânen, welk höm sjuk, en Beloaner wis wel.

Hebräer 9:15

En diärom es hi uk en Meddeler van dit ni Testament uden, omdat dör di Doad, welk sken es tö Oflising van de Forbreken, welk onder dit jest Testament wiär, dat dânen, welk sa beröpen sen, dit tölöwet Arfdil fo.

1 Petrus 1:4

Tö en ünforgängelk en ek forwellet Arfdil sönder Plakken, wat behölden ud on Hemmel.

2 Petrus 1:1

Simon Petrus, en Knegt en Apostel van Jesus Kristus, on dânen, welk alliksa disallew jür Glow fingen hå, üs wü dör di Rogtfardigheid, welk Gott, üs Gott, jewt, en di Seligmåker Jesus Kristus.

Judas 1:1

Judas, en Knegt van Jesus Kristus, mar en Brödher van Jakobus, ön di Beröpenen, welk hellig sen ön Gott, di Våder, en bewåret ön Jesus Kristus.