Kolosser 3:14 - North Frisian New Testament (Clemens)

¹⁴ En bowen dit Alles ti di Lewde ön, welk dit Bjend van Volkommenheid es.

Kolosser 3:14 ပူးပေါင်းရင်းမြစ်များ

Johannes 13:34

En nü si ik ju: En ni Gebot iiw ik ju, dat I ju önder arküder lew ha, alliküs ik ju hå lew hed, om dat I uk arküder lew hå.

Johannes 15:12

Dit es min Gebot, dat I ju önder arküder lew ha, alliküs ik ju lew hå.

Johannes 17:23

Ik ön jam, en dü ön mi, omdat ja volkommen sen ön jen, en di Wârld weet, dat dü mi stjürt heest, en jam lew heest, alliküs dü mi lew heest.

Römer 13:8

Wis Nemmen wat skildjig, üs dat I arküder lew hå, för hokken di Üder lew hed, di hēd di Wet befölligt.

Efeser 1:4

Alliküs hi üs ütkwoart hed ön höm, jer dat di Gründ tö di Warld leid wåd, dat wü hellig en ünskildjig voar höm ön di Lewde wis skuld.

Efeser 4:3

En beflitige ju, di Jensheid ön di Geist tö behoalden, dör dit Frēdsbjend.

Efeser 5:2

En wandelt ön di Lewde, alliküs Kristus ju hed lew hed, en hed sik sallew heniwen foar ju tö en Gåw en Slagtåfer, foar Gott tö en dalk Hârm.

Kolosser 2:2

Omdat jar Harten formånet, en me arküder ön di Lewde forbünden ud, tö al Rikdom van Forstand, om Gottes Hjemmelkheid, en di Våders en Kristus tö känen.

1 Thessaloniker 4:9

Van di Lewde tö di Brödhern est ek nödig ju tö skriwen, for I sen sallew van Gott lirt, om arküder lew tö håen.

1 Timotheus 1:5

For dit Hauptgebot es di Lewde ön en rin Hart, en me en gud Geweten, en ön en âprogtig Glow.

Hebräer 6:1

Diärom wel wü di Begen van di Lir aur dit kristelk Lewent nü aurgung en tö di Volkommenheid fortfår, ek alweder di Gründ li tö di Bekiring van di doad Werken, en van di Glow ön Gott.

1 Petrus 4:8

Diärom wis nügtern en wåken tö bödigin. Voar allen Dingen ha en inderlik Lewde mung arküder; for di Lewde bedakket di Sends Manningfoaldigheid.

2 Petrus 1:7

En bi di Gottesfürgt Lewde tö di Brödhern, en bi di Lewde tö di Brödhern Lewde tö alle Mensken.

1 Johannes 3:10

Diärom ud-t ipenbar, watfoar hokken Gottes Biärner, en watfoar hokken di Düwel sin Biärner sen. Hokken ek rogt däd, di es ek van Gott; en hokken sin Brödher ek lew hēd.

1 Johannes 3:23

En dit es sin Gebot, dat wü liw ön di Nōm van sin Seen Jesus Kristus, en arküder lew ha, alliküs hi üs en Gebot iwen hed.

1 Johannes 4:21

En dit Gebot hå wü van höm; dat hokken Gott lew hed, di hēd uk sin Brödher lew.