Kolosser 2:8 - North Frisian New Testament (Clemens)

⁸ Se tö, dat Nemmen ju forfört dör di Wârldswisheid en loasket Bedraien eter di Lir van Mensken, en eter di Wârlds Fastsäting, en ek na Kristus.

Kolosser 2:8 ပူးပေါင်းရင်းမြစ်များ

Matthäus 10:17

Mar nem ju en agt voar di Mensken, for ja wel ju aurlewere voar Råd en Rogt en wel ju ofpitske ön jar Skulen.

Matthäus 16:6

Mar Jesus said tö jam: “Se tö, en wåre ju voar di Farisäers en Sadducäers jår Süring.

Matthäus 7:15

Nem ju en Agt voar di falsk Profeten, diär ön fiin Kloader tö ju kom, mar van bennen sen ja rowgirig Wolwen.

Forhandlings 17:18

Mar Sommen van di epikurisk en stoisk Warldswissen strēd me höm. Sommen said: Wat wel dös Daidriwer (Pråtjer) si? En di Üdern said: Hat skintj, hi wel ni Gotten forkindige, aurdat hi van Jesus sin Evangilje en van Apstunen jam forkindigt.

Forhandlings 17:32

Üs ja diärvan hjert, dat di Doaden âpstun skuld, da spottet Sommen diäraur. Di Üdern said: Wü wel jit moar diäraur van di hir.

Römer 16:17

En ik bed ju, lew Brödhem! dat I Agt ha üp danen, diär Twedragt en Argernis önrogt tögen di Lir, diär I van üs lirt ha, en ha nin Geminskep me jam.

1 Korinther 10:12

Diärom hokken tinkt, dat er fast stånt, di mai wel töse, dat er ek falt.

1 Korinther 8:9

Mar se tö, dat dös ju Friheid ek en Önstot foar di Swakken ud.

2 Korinther 10:5

Omdat wü di Önslaggen forwirre, en al Hogheid, diär sik tögen di Känels van Gott âphēwt; en alle Fornunft gefangen nem, om Kristus tö harkin.

Galalater 1:14

En nom tö ön-t Judendom bowen vulen van mins Gelikken ön min Volk, en iwert aur di Måten om di Lirdom van Jesus Kristus.

Galalater 4:3

Alliksa uk wü, üs wü Biärner wiär, wiär wü gefangen önder di Warlds Skek.

Galalater 4:9

Mar nü I Gott kän, (ja vulmoar van Gott küd ud) hurom kir I ju da weder om tö di swak en arem Begenning foar Biärner, welk I nü van voaren ön tine wel?

Galalater 5:15

Mar wan I arküder bit en frēt, da se tö, dat ik arküder ek apit.

Efeser 2:2

Hurön I jer wandelt hå, nå di Warlds Löp, en na di Först, diär ön di Logt hersket, nämelk nå di Geist, welk tö dös Tid sin Werk hēd ön di Biärner, welk ünglowsk sen.

Efeser 4:20

Mar I hå Kristus ek sa känen lirt.

Efeser 5:6

Let ju ek forför dör en Lir sönder Gründ, for om dös wel komt Gottes Töm aur di Biärner, diär nin Glow hå.

Filipper 3:2

Wåre ju voar di Hünder, wåre ju voar di skändlik Loanknegter, wåre ju voar di Forstümmeling.

Kolosser 2:18

Let ju van Nemmen dit Bop forskåke, diär eter sin ein Wal ön Nedrigheid en Geistelkheid üs di Engeler ombi geid, hurvan hi older wat sen hed, en es sönder Oarsåk foriws âpblögen ön sin fleskelk Sen.

Kolosser 2:20

Wan I nü di Fastsätings van di Wârld ofstürwen sen me Kristus, wat let I ju da fang me di Fastsätings, alliküs dat I jit ön di Wârld lewwe?

Kolosser 2:22

Welk Dinge dag al tö en Fordârew sen, wan ja brukt ud eter Mensken-Gebot en Lirdom.

Kolosser 2:23

Sok Mensken hå en Skin van Wisheid, dör sallew wälet Geistelkheid en Demud, en diärdör, dat ja di Likhäm ek forskoanige, en dit Flesk ek di Iär öndö, om dit tö sådigen.

1 Timotheus 6:20

O Timotheus, bewåre dit, en wat di önfortrut es, en formeide dit üngeistelk, loas Snak, en di Krakel van di falsk berömt Könst.

2 Timotheus 3:13

Me di gottloas Mensken en Forförers ūdt jå lǟnger, ja ariger, ja forför, en ud forfört.

Hebräer 13:9

Let ju ek me manningerlei en främed Lir ombidriw. For hat es gud, dat dit Hart stark ud dör di Gnad, ek dör di Spisen, hurvan dânen nin Net hå, welk sik diärön hoald.

Hebräer 3:12

Se tö, lew Brödhern! dat er ek hokken mung ju en arig, ünglowig Hart hēd, om van di lewendig Gott oftöwiken.

1 Petrus 1:18

For I wet, dat I ek me forgängelk Sölwer en Gold erlöset sen van ju aurdådig Wandel, eter di Wis van ju Våders.

2 Petrus 3:17

Mar I, min Lewsten! wil I dit nü tövoaren wēt, da nem ju ön Agt, dat I ek dör Forirring ön di rokloas Lid, me samt jam forfört ud, en ju ein Fastigheid forles.

2 Johannes 1:8

Se tö foar ju sallew, dat wü dit ek forlēs, hurfoar wü årbed hå, mar di vol Loan fo.