Kolosser 2:18 - North Frisian New Testament (Clemens)

¹⁸ Let ju van Nemmen dit Bop forskåke, diär eter sin ein Wal ön Nedrigheid en Geistelkheid üs di Engeler ombi geid, hurvan hi older wat sen hed, en es sönder Oarsåk foriws âpblögen ön sin fleskelk Sen.

Kolosser 2:18 ပူးပေါင်းရင်းမြစ်များ

Matthäus 24:24

For diär wel falsk Christi en falsk Profeten âpstun, en gurt Teken en Wunder dö, om uk di Ütkuarten, want mögelk wiär, ön di Dwåling to forleiten.

Römer 1:25

Üs dânen, diär Gottes Wårheid forwandelt hå ön Lögen, en hå dit geskaffen Ding maar iäret en tinet üs di Skaffer, diär tö prisin es ön Ewigheid. Amen.

Römer 16:18

For sokken tine ek us Herr Jesus Kristus, mar jar Bük, en dör Etermüdspreken en Smeigelei forleite ja di ünskildjig Harten.

1 Korinther 13:4

Di Lewde es saftmudig en gudwellig, di Lewde es ek nidsk, di Lewde drewt ek Legtfardigheid, jü es ek apblögen.

1 Korinther 3:3

Wil dat I jit flesklik Mensken sen. For mung ju es Ofgönst, Kiwing en Twedragt; sen I da ek flesklik Mensken, en wandele I da ek eter Menskenwis?

1 Korinther 4:18

Sommen hå en gurt Jnbilding van jam sallew, üs dat ik ek tö ju kom wild.

1 Korinther 4:6

Mar sok, lew Brödhem! ha ik üp mi en Apollo düdet, om ju wel, omdat I van üs lir, dat er Nemmen hoger van sik hoald skel, üs er nü skrewwen es, omdat sik ek di Jen tögen di Üder om huns wel âpblåset.

1 Korinther 8:1

Van di Ofgotts-Afer wet wü, dat wü altermal diärvan Känels ha. Dit Weten måket apblögen, mar di Lēwde betert.

1 Korinther 9:24

Wet I ek, dat dânen, diär üp di Bån låp, ja låp al, mar Jen faid di Pris. Låp nü, dat I di Pris wen.

2 Korinther 11:3

Mar ik fürgte, dat üs de Slang me hör Skalkheid Eva forfört, uk ju Harten fordürwen ud, en van di Aprogtigheid ön Kristus ofwik.

2 Korinther 12:20

For ik fürgte, wan ik kom, dat ik ju ek sa findj, üs ik et ha wel, en I mi uk ek sa findj, üs I mi ha wel; dat er ek Ünjensheid, Nidskheid, Fortörning, Strid, Sladder, Instokin Apblögenheid, Aprör diär es.

Efeser 4:17

Nü si ik da en betjüg dit ön di Herr, dat I ek moar wandele üs di Üder Heiden handele eter jår Sens Tåbigheid.

Efeser 5:6

Let ju ek forför dör en Lir sönder Gründ, for om dös wel komt Gottes Töm aur di Biärner, diär nin Glow hå.

Filipper 3:14

Jk ile eter dit fastsät Bop, eter di Pris, hurtö Gott üs röpen hēd van Hemmel ön Kristus Jesus.

Kolosser 2:23

Sok Mensken hå en Skin van Wisheid, dör sallew wälet Geistelkheid en Demud, en diärdör, dat ja di Likhäm ek forskoanige, en dit Flesk ek di Iär öndö, om dit tö sådigen.

Kolosser 2:4

Mar ik si diärvan, dat ju Nemmen bedrait me listig Beredin.

Kolosser 2:8

Se tö, dat Nemmen ju forfört dör di Wârldswisheid en loasket Bedraien eter di Lir van Mensken, en eter di Wârlds Fastsäting, en ek na Kristus.

1 Timotheus 1:7

Ja wel Meister aur di Skreft wis, en forstun ek, wat ja si, nog wat ja fastsät.

1 Timotheus 4:1

Mar di Geist said düdelk, dat ön di lēst Tid wel er Sommen van i Glōw offål, en di forförisk Geister önhinge, en di Lir van di Düwel.

2 Petrus 2:14

Hå Ogen vol van Hureri, let jam ek ofhoald van di Send, lokke di legtfardigen Selen tö sik, hå en Hart, volproppet van Gits, hat sen Lid, welk forflökt ud.

1 Johannes 2:26

Döt ha ik ju skrewwen van danen, diär ju forför.

Ipenbaring 12:9

En di gurt Dråk wåd ütsmetten, nämelk di oald Slang, welk nämt ud di Düwel, en Satanas, diär di hile Warld forfört, en hi wåd smetten üp di Örd, en sin Engeler wåd uk diärhen smetten.

Ipenbaring 13:14

En forfört danen, diär üp di Örd une, om di Tekens wel, welk höm iwen sen, om tö dön voar dit Dirt, en said tö danen, diär üp di Örd une, dat ja foar dit Best en Bild måke skuld, wat dit Sirsteid van dit Swärt hed, en lewendig uden wiär.

Ipenbaring 13:8

En al dânen, welk üp di Örd une, bödigt et ön, huns Nomer ek önskrewwen sen ön dit Lewents-Bok van dit Lum, wat slagtet es, van Warlds Begen of ön.

Ipenbaring 19:10

En ik fäl djäl voar sin Fet, om höm öntöbödigen. En hi sprok tö mi: Se tö, dat dü dit ek dädst; ik sen din Meknegt, en din Brödhern jår Meknegt, en dânen jår, welk dit Tjügnis van Jesus ha. Bödige Gott on! Mar dit Tjügnis van Jesus es di Geist, om wis voarüt tö sien.

Ipenbaring 3:11

Betänk, ik kom gau. Hoald, wat dü hēst, omdat Nemmen din Krōn nemt.