Kolosser 1:9 - North Frisian New Testament (Clemens)

⁹ Diärom uk wü, van de Dai of ön, üs wü hjert hå, hoald wü ek âp foar ju tö bödigin, en tö bedden, dat I vol ud van di Känels, wat Gottes Wel es, ön al geistelk Wisheid en Forstand.

Kolosser 1:9 ပူးပေါင်းရင်းမြစ်များ

Johannes 7:17

So hokken sin Wel dö wel, di skel ön höm slå, of dös Lir van Gott es, of wederk ik van mi sallew spreek.

Forhandlings 12:5

Frilik wåd Petrus ön dit Gefängnis behölden, mar dit Geminte bödigt sönder Âphoalden foar höm tö Gott.

Römer 12:2

En nem ju ek di Skek eter dös Warld ön, mar forandere ju Sen dör Apniing, omdat I prowe mai, wat Gottes Wel es, wat gud es, wat höm wel håget, en volkommen es.

1 Korinther 1:5

Dat I dör höm rik uden sen ön di hile Lir en ön al Wetenskep.

Efeser 1:8

Wat üs rikkelk tö Dil uden es, dör al Wisheid en Klokheid.

Efeser 5:10

En prise, wat di Herr Gott wel håget.

Efeser 5:17

Diärom ud ek ünforständig, mar forständig, wat di Herr sin Wel es.

Efeser 6:6

Ek me Tinst alining voar Ogen, om di Mensken tö hågin, mar üs Tinstknegter van Kristus, dat I van Harten Gottes Wel dö.

Filipper 1:4

Wat ik altid dö ön al min Bödiger foar ju altermål, en me en blid Sen bödige ik foar ju.

Kolosser 1:6

Wat tö ju kjemmen es, alliküs ön di hile Warld, en es frugtbar, alliküs ön ju, van di Dai of ön, dat I dit hjert hå, en Gottes Gnåd ön di Wårheid kǟnt hå.

Kolosser 3:16

Let di Urd van Kristus rikkelk ön ju une me al Wisheid, lir en formåne ju sallew me Psalmen en Lowsōnger, en geistelk lewlik (Lēder), en sjung di Herr ön ju Hart.

Kolosser 4:12

Epafras, ju Löndsman, en Tinstknegt van Kristus, en ringt stidigs foar ju me Bödigin, omdat I foar volkommen bestun mai, en Alles voljendige, wat Gottes Wel es.

Kolosser 4:5

Wandelt me Wisheid bi danen, welk bütten voar sen, en skekke ju ön di Tid.

1 Thessaloniker 1:3

En tänk om ju Werk ön di Glow, en om ju Årbed ön di Lewde, en om di Geduld ön di Höpning, welk üs Herr Jesus Kristus es, voar Gott üs Våder.

1 Thessaloniker 5:17

Bödige sönder Âphoalden.

2 Thessaloniker 1:11

Om di wel bödige wü uk altid foar ju, dat üs Gott ju wördig måket tö di Berōp, en dit Welhågin van sin Gudheid vol måket, en dit Werk van di Glow me Kraft.

Filemon 1:4

Ik danke min Gott, en tänk altid om di ön min Gebet.

Filemon 1:6

Dat din Glōw, diär wü me arküder ha, ön di sin Kraft bewiset, dör Känels van al dit Guds, wat I hå ön Kristus Jesus.

Hebräer 10:36

Mar Geduld ha I nödig, omdat I Gottes Wel dö, en di Tölöwing fo.

Hebräer 13:21

Hi måke ju klår tö alle gud Werken, om sin Wel tö dön, hi wirke ön ju, wat höm wel haget dör Jesus Kristus; höm skel di Iär wis van Ewigheid tö Ewigheid. Amen.

Jakobus 1:5

Mar wan er hokken mung ju Wisheid wånt, di bed van Gott, diär mild arkjen jewt, en forwit höm nöndt; da skelt höm iwen ud.

Jakobus 3:17

Mar di Wisheid, diär van bowen djälkomt, es foartjest rin, diäreter fredsom, mild, let sik si, vol Barmhartigheid en gud Frügt, ünpartisk, sönder Falskheid.

1 Petrus 2:15

For dit es Gottes Wel, dat I me Guddön forstoppe di dössig Lid jår Ünwisheid.

1 Petrus 4:2

Omdat hi ek moar eter di Mensken Lesten, mar eter Gottes Wel di Tid, diär foar höm jit aur es, ön-t Flesk henlewwet.

1 Johannes 2:17

En di Warld forgeid me sin Lest, mar hokken Gottes Wel däd, di blewt ön Ewigheid.

1 Johannes 5:20

Mar wü wēt, dat Gottes Seen kjemmen es, en hēd üs en Sen iwen, dat wü di Wårhaftig kän, en sen ön di Wårhaftig, ön sin Seen Jesus Kristus. Dös es di wårhaftig Gott, en dit ewig Lewent.