Kolosser 1:22 - North Frisian New Testament (Clemens)

²² Hed hi nü forsönet me di Likhäm van sin Flēsk, dör do Doad, omdat hi ju henstelt, hellig en stråffri, en sönder dat I beskildjigt ud.

Kolosser 1:22 ပူးပေါင်းရင်းမြစ်များ

Lukas 1:75

Ön Helligheid en Rogtfârdigheid, diär höm gefalt.

Römer 7:4

Alliksa, min Brödhem! sen I doad foar di Wet, dör Kristus sin Likhäm, omdat I en Üdern töhir, nämelk höm, diär van Doaden apwäkt es, omdat wü Gott Frügt bring.

2 Korinther 11:2

For ik sen iwrig üp ju me en göttelk Iwer. For ik ha ju en Man önfortrut, om ju üs en rin Jümfer Kristus tö bingen.

2 Korinther 4:14

En wet, dat di, welk di Herr apwäkt hed, wel üs uk apwäk dör Jesus, en wel üs voarstel samt ju.

2 Korinther 5:18

Mar dit Alles es van Gott, diär üs me höm forsonet hed dör Jesus Kristus, en üs dit Amt iwen hed, wat di Forsöning forkindjigt.

Efeser 1:4

Alliküs hi üs ütkwoart hed ön höm, jer dat di Gründ tö di Warld leid wåd, dat wü hellig en ünskildjig voar höm ön di Lewde wis skuld.

Efeser 5:27

Om höm sallew en Geminte hertöstellen, welk herlik wiär, diär ek en Plak of Skrumpel of desglikken hed, mar dat-s hellig en stråffri wiär.

Kolosser 1:28

Disallew forkindjige wü, en formåne alle Mensken, en lir alle Mensken, me al Wisheid, omdat wü ark Mensk henstel volkommen ön Kristus Jesus.

1 Thessaloniker 4:7

For Gott hēd üs ek beröpen tö Ünrinheid, mar tö Helligmåking.

Titus 2:14

Diär sik sallew heniwen hēd, omdat hi üs erlöset van al Üngeregtigheid, en helligt sik sallew en ein Volk, wat flitig es ön gud Werken.

Hebräer 10:10

Dör sin Wel sen wü hellig uden dör dit Afer van Jesus Kristus sin Likhäm, wat jenlop sken es.

Hebräer 10:20

Hurtö hi üs en ni en lewendig Wei inwit, dör di Voarhang, dit es dör sin Flēsk.

Hebräer 13:21

Hi måke ju klår tö alle gud Werken, om sin Wel tö dön, hi wirke ön ju, wat höm wel haget dör Jesus Kristus; höm skel di Iär wis van Ewigheid tö Ewigheid. Amen.

1 Petrus 3:18

For uk Kristus hed jenmal foar üs Send ledden, di Rogtfardig foar di Ünrogtfardigen, omdat hi üs henfört tö Gott; en hēd di Doad ledden eter dit Flēsk, mar es lewendig måket eter di Geist.

2 Petrus 3:14

Diärom, min Lewsten! wil I diäreter tew skel, da wänd Flit ön, dat I voar höm sönder Plakken en sönder Skildj ön Fred befünden ud.

Judas 1:24

Mar höm nü, diär magtig nog es, om ju tö bewårin, dat I ek stjappele, en stel ju voar sin Herrelkheid, ünstråfelk me Frügged.