Johannes 8:51 - North Frisian New Testament (Clemens)

⁵¹ Forwår, forwår, ik si ju: Wan hokken min Uurd hir wel, di skel di Doad ek se ön Ewigheid.

Johannes 8:51 ပူးပေါင်းရင်းမြစ်များ

Matthäus 16:28

Warelk! Ik si ju: “Hjir stūn hokken, diär di Doad ek smak skel, tövoaren ja di Menskenseen kommen se ön sin Rik.

Lukas 2:26

En di hellig Geist hed höm en Swaar dön, dat hi di Doađ ek se skulđ, hi hed da tö voaren üüs Herr Gott sin Christus sen.

Johannes 14:23

Jesus swåret en said tö höm: Hokken mi lew heed, di wel min Uurd hoald, en min Våder wel höm lew ha, en wü wel tö höm kom, en Uning bi höm måke.

Johannes 15:20

Täänk om min Uurd, wat ik tö ju said hå. Di Knegt es ek gurter üs sin Herr. Hå ja mi forfölligt, da wel ja ju uk forfölge; hå ja min Uurd hölden, da wel ja ju uk hoald.

Johannes 17:6

Ik hå din Noom ipenbåret voar di Mensken, welk dü mi van di Warld iwen heest, en ja hå din Uurd hölden.

Johannes 5:24

Forwår, forwår, ik si ju: Hokken min Uurd hjert, en liiwt ön höm, diär mi stjürt heed, di heed dit ewig Lewent, en komt ek ön dit Gerigt, mar hi es van Doaden döörtrǟngt tö dit ewig Lewent.

Johannes 6:50

Dit es dit Broad, wat van Hemmel komt, om dat hokken diärvan et, ek sterwt.

Johannes 8:12

Diär sprok Jesus weder tö jam, en said: Ik sen dit Läägt foar di Warld; hokken mi eterfölligt, di skel ek ön Junkheid wandele, mar hi wel dit Lewents Läägt hå.

Johannes 8:52

Diär said di Juden tö höm: Nü weet wü, dat dü di Düwel heest. Abraham es stürwen; en di Profeten, en dü saidst: Wan er hokken min Uurd halt, di wel di Doad ek smak ön Ewigheid.

Johannes 8:55

En I kään höm ek; mar ik kään höm, en wan ik si wild: Ik kään höm ek, da wåd ik en Lȫgner, alliküs I sen. Mar ik kään höm, en hoald sin Uurd.

Hebräer 11:5

Dör di Glow wåd Enog wegnommen, for hi skuld di Doad ek se, en hi wåd ek fünden, diärom dat Gott höm wegnommen hed, for jer dat hi wegnommen wåd, hed hi dit Tjügnis dat hi Gott håget.

Hebräer 2:9

Mar wü se Jesus dör di Doads Liden me Pris en Iär krönet, diär en kurt Tid mender wiär üs di Engel, omdat hi dör Gottes Gnad foar alle di Doad smakt.