Johannes 8:20 - North Frisian New Testament (Clemens)

²⁰ Dös Uurden sprok Jesus bi di Skatkest, üs hi ön di Tempel lirt; en Nemmen greep höm, for sin Stünd wiär jit ek kjemmen.

Johannes 8:20 ပူးပေါင်းရင်းမြစ်များ

Matthäus 26:55

Alstunds sprok Jesus tö di Kär: “I sen ütgingen, alliküs tö en Muurdiger me Swǟrter en me Knepler, om mi tö fangen, ik hå dag ja dågligs bi ju seten, en hå lirt ön di Tempel, en I hå mi ek greppen.

Matthäus 27:6

Mar di Opperpröster nōm di Sölwerlinger, en said: Hat es ek rogt, dat wü danen ön di Tempelkes li, foar hat es di Pris foar Blöd.

Markus 12:41

En Jesus säät sik lik aur voar di Gotteskest /(Arembös)/, en lukket hurdelling di Kär Lid Jild iinleid ön di Gotteskest. En vuul Rikken leid vuul iin.

Markus 12:43

En hi rööp sin Lirlings tö höm, en said tö jam: Wårelk, /ik si ju/ dat dös arem Inkewüf moar ön di Gotteskest (Arembös) iinleid heed, üs di Üdern al.

Lukas 20:19

En di Opperpröster en Skreftliirten uget diäreter, hurdelling ja höm metjens fast säät küd; mar ja wiär bang voar dit Volk. For ja mârkt, dat hi me dit Gliknis jam ment hed.

Lukas 21:1

En hi lukket âp, en saag di Rikken, hüdelling ja jaar Aafer iinleid ön di Kest foar Gottsgåwen.

Johannes 10:39

Ja sågt alweder höm tö grippen; mar hi öntging jam üt jår Hunden.

Johannes 2:4

Jesus said tö hör: Wüf, wat hå ik me di tö skaffin? Min Stünd es jit ek kjemmen.

Johannes 7:14

Da ging Jesus medden ön-t Fääst âp ön di Tempel, en lirt.

Johannes 7:30

Diär sågt ja höm tö grippen; mar Nemmen leid di Hund ön höm, for sin Stünd wiär jit ek kjemmen.

Johannes 7:44

En Sommen wild höm grip, mar Nemmen leid di Hund ön höm.

Johannes 7:8

Gung I âp tö dit Fääst; Ik wel jit ek âpgung üp döt Fääst, for min Tid es ek jit voljendigt.

Johannes 8:2

En Miärnem eder kâm hi weder ön di Tempel, en al dit Volk kam tö höm, en hi säät sik diäl, en hi lirt jam.

Johannes 8:59

Diär noom ja Stiner âp, dat jas üp höm smeet. Mar Jesus forboarg sik, en ging üt di Tempel medden mung jam, en ging sa voarbi.